Jæja þá halda liðin til búningsklefa og gera sig klár í slaginn!

Fyrri viðureignir Leikurinn í kvöld verður númer 89 milli Blika og ÍA. Skagamenn hafa í gegnum tíðina haft betur í þessari viðureign. En í þessum 88 leikjum hefur ÍA unnið 40 sinnum (45%). Breiðablik hafa unnið Skagamenn 34 sinnum (39%) en liðin hafa 14 sinnum (16%) skilið jöfn að. Markatalan í þessum 88 leikjum er 148-163 ÍA í vil.

Seinast þegar liðin mættust unnu Blikar 3-1 á Kópavogsvelli 1. ágúst, 2022, í Bestu deildinni.

Dómarateymið Vilhjálmur Alvar hefur fengið það skemmtilega hlutverk að dæma þennan leik. Honum til aðstoðar eru þeir Gylfi Már Sigurðsson og Ragnar Þór Bender. Varadómari kvöldsins er Elías Ingi Árnason en eftirlitsmaður KSÍ er Frosti Viðar Gunnarsson.

Vilhjálmur Alvar hefur dæmt 55 leiki í Lengjubikarnum, gefið 191 gul spjöld, dæmt 14 vítaspyrnur og spjaldað rauðu fjórum sinnum.

Breiðablik í endurnýjun? Breiðablik unnu Þór A. í Boganum 1-0 í undanúrlistum Lengjubikarsins. En þrátt fyrir tap gegn FH og jafntefli gegn Vestra rúlluðu þeir yfir Keflavík, Grindavík og Gróttu.

Blikarnir koma auðvitað úr fáranlega furðulegu tímabili í fyrra. Það er ekkert Íslenskt félagslið sem átti lengra tímabil en Blikarnir þar sem þeir komust auðvitað í riðlakeppni Sambandsdeildarinnar. En það sást í seinustu leikjum Blika í fyrra að það var komin mikil þreyta í hópin og skiljanlega.

Blikarnir hafa misst marga mikilvæga leikmenn og auðvitað Óskar Hrafn líka út til Noregs. Dóri Árna er tekinn við liðinu og þjálfarateymi Blika er núna mjög ungt og spennandi. En ásamt því að hafa misst marga mikilvæga leikmenn hafa þeir náð að styrkja sig líka ágætlega með leikmönnum eins og Aroni Bjarna, Kidda Jóns, Benjamin Stokke og fleiri góðum leikmönnum. En það er spurning hvort Blikaliðið sé nógu sterkt til þess að berjast við Víking R. og Val um Bestu deildar skjöldinn þegar umspilið hefst. En liðið og hópurinn lítur mjög spennandi út eins og staðan er í dag.


Svona lítur þessi ágæti gluggi út hjá Breiðablik:

Komnir
Aron Bjarnason frá Sirius
Benjamin Stokke frá Kristiansund
Kristinn Jónsson frá KR
Arnór Gauti Jónsson frá Fylki
Daniel Obbekjær frá Færeyjum
Tómas Orri Róbertsson frá Grindavík (var á láni)

Farnir
Gísli Eyjólfsson til Svíþjóðar
Anton Logi Lúðvíksson til Haugesund
Davíð Ingvarsson til Danmerkur
Klæmint Olsen til NSÍ (var á láni)
Ágúst Eðvald Hlynsson til Danmerkur
Ágúst Orri Þorsteinsson til Genoa
Oliver Stefánsson til ÍA
Arnar Númi Gíslason til Fylkis (var á láni hjá Gróttu)
Alex Freyr Elísson til Fram (var á láni hjá KA)

Skagamenn lofa góðu Eftir frábært sumar í fyrra, fyrir utan kannski fyrstu fimm leiki tímabilsins, eru Skagamenn mættir aftur í deild þeirra bestu. Það er alveg morgunljóst að þeir ætla svo sannarlega að selja sig dýrt í sumar. Ásamt því að hafa styrkt sig vel í vetur hafa þeir átt gott undirbúnigstímabil.

Skagamenn unnu feykisterkt Valslið í endurkomuleik Gylfa Sig í vítaspyrnukeppni í undanúrslitum Lengjubikarsins. Fyrir þann leik unnu þeir riðilinn sinn með KA, Víkingi R, Leikni R, Dalvík Reyni og Aftureldingu í riðli.


Jón Þór nefndi það í viðtali eftir leikinn gegn Val við Anton Frey Jónsson að Rúnar Már hafi farið með Skagaliðinu út í æfingarferð og sé hugsanlega á leiðinni heim í gulu treyjuna. Það væri gífurlega sterkt fyrir ÍA að fá Rúnar Má. Margir telja það vera svo sterkt fyrir Skagamenn að þeir muni enda í topp 6 með komu Rúnars.

En svona lítur gluggi Skagamanna út í dag:

Komnir
Erik Tobias Sandberg frá Noregi
Hinrik Harðarson frá Þrótti R.
Marko Vardic frá Grindavík
Oliver Stefánsson frá Breiðabliki
Guðfinnur Þór Leósson frá Kára
Ísak Máni Guðjónsson frá Víkingi Ó.

Farnir
Gísli Laxdal Unnarsson til Vals
Indriði Áki Þorláksson hættur
Alex Davey
Marteinn Theodórsson til ÍR
Pontus Lindgren til Svíþjóðar(var á láni frá KR)

Under the lights! Heil og sæl! Veriði hjartanlega velkomin í þessa þráðbeinu textalýsingu frá úrslitaleik Breiðabliks og ÍA í Lengjubikarnum, A deild. Leikurinn fer fram undir ljósunum á Kópavogsvelli.