Fótbolti.net

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

Bannað að mæta á stjórnarfund og var ráðinn í kjölfarið - „Mjög stoltur að félagið sé til í að veðja á mig"

Sverrir Ingi: Ef við viljum fara alla leið þá þurfum við að vera með okkar bestu menn

Leikplanið breytist þegar Orri meiðist - „Vorum ekki búnir að undirbúa okkur“

Jói Berg: Hareide verið flottur og það er uppgangur

Pirrandi hvernig við köstuðum þessu frá okkur - „Getur ekki kastað sér á bakvið það"

Aron telur Hareide á réttri leið - „Væri klárlega til í að sjá Norðmanninn áfram“

Andri Lucas: Stundum er fótboltinn svona, hann er ekki alltaf fallegur

Gulli Victor: Ég mæti hingað og er fagmaður

Orri Steinn hrósar varamönnunum: Breyta leiknum

Jón Dagur: Hann getur verið erfiður stundum

Jói Berg: Við gerðum þetta oft áður fyrr

Hákon: Hlaut einhver af þeim að hafa verið rangstæður

Logi svekktur að missa af leiknum gegn Wales: Var spenntur

Gripið í eistun á Stefáni - „Skil þetta ekki"

Mikael Egill: Ég sá bara Orra fagna í smettið á þeim

Age hreinskilinn: Fótbolti er fyndin íþrótt

Ísak: Nýtti það að vera smá reiður

Guðlaugur Victor: Hefur verið smá erfitt fyrir mig persónulega

sun 02. júlí 2017 19:33

Mist Rúnarsdóttir

Steini Halldórs um dómgæsluna: Fannst þetta brandari

Steini var eðlilega hundfúll með úrslitin á Kópavogsvelli

Mynd: Fótbolti.net - Hafliði Breiðfjörð

„Ég er fúll. Við klárum ekki færin sem við erum að fá og erum ekki að nýta sénsana. Í fyrri hálfleik fannst mér við fá mjög góða sénsa. Í svona leikjum þarftu að nýta þá. Þær eru með manneskju sem að klárar færin sem hún fær og það er það sem skilur að“, sagði Þorsteinn Halldórsson, þjálfari Breiðabliks, þegar Fótbolti.net náði tali af honum eftir tap gegn toppliði Þórs/KA.

Blikar höfðu eygt von um að saxa á forystu Þórs/KA en úrslit dagsins þýða að Blikar falla niður í 4. sæti deildarinnar og eru 7 stigum frá toppnum þegar deildin fer í "EM-pásu".

Lestu um leikinn: Breiðablik 1 - 2 Þór/KA

Steini segir Söndru Mayor hafa verið muninn á liðunum í dag en líkt og í síðustu viðureign liðanna var það hún sem að skoraði mörk Þórs/KA, nánast með 100% færanýtingu.

„Þær fengu eitt færi fyrir utan þessi mörk. Mér fannst ekkert vera að gerast hjá þeim. Mér fannst við vera með góð tök á þessu og engin hætta allan leikinn. Þetta er bara sama tuggan í öllum þremur leikjunum sem við höfum spilað við þær. Munurinn á þessum liðum er náttúrulega bara einn leikmaður sem klárar færin sem hún fær.“

Það var hart barist í leiknum en Steini var ekki ósáttur við að dómarinn leyfði hörku. Honum fannst dómarinn hinsvegar ekki halda sinni línu þegar hann dæmdi aukaspyrnu á Blika undir lok leiks. Úr þeirri aukaspyrnu kom sigurmarkið.

„Mér fannst þetta bara brandari. Hann var búinn að vera með sömu línu allan tímann. Leikmenn máttu kljást og leikmenn máttu toga. Ef þú hefur ekki pung til að halda út allan leikinn þá skaltu bara hætta að dæma,“ sagði Steini meðal annars, afar ósáttur við dómgæsluna í dag.

Leikurinn hófst ekki gæfulega fyrir Blika en Svava Rós Guðmundsdóttir þurfti að fara meidd af velli strax á upphafsmínútunum. Það hafði vissulega mikil áhrif á leik Breiðabliks.

„Það breytir ákveðnu jafnvægi í liðinu og það var mjög slæmt fyrir okkur,“ sagði Steini sem þurfti einnig að taka Rakel Hönnudóttur af velli vegna meiðsla í síðari hálfleik.

„Það er partur af þessu að þú getur lent í meiðslum en það er auðvitað dýrt að missa þetta sterka leikmenn.“

Framundan er mánaðarlöng pása í deildinni vegna Evrópumótsins en Steini sér ekki fram á að geta nýtt tímann vel þar sem fámennt verður í Kópavoginum. Fimm Blikar á leið á EM og aðrar fjórar á leið til Bandaríkjanna í nám, búnar að leika síðasta leik sinn í deildinni þetta sumarið.

„Ég get voða lítið gert. Er með fimm í landsliðsverkefni og það eru fjórar að fara til Bandaríkjanna þannig að ég er svosem ekki að fara að gera neitt gáfulegt.“