2. Grótta
Lokastaða í fyrra: 12. sæti í 1.

Þjálfarinn:  Gunnar Guðmundsson lét af störfum hjá Gróttu eftir að liðið féll úr 1. deildinni í fyrra. Úlfur Blandon tók við starfinu af honum. Á síðasta tímabili þjálfaði Úlfur 2. flokk karla hjá Víkingi og 2. flokk kvenna hjá HK/Víkingi en árið 2014 starfaði hann sem aðstoðarþjálfari hjá meistaraflokki Fram. Úlfur er Gróttumönnum að góðu kunnur en hann var yfirþjálfari yngri flokka félagsins frá 2011 til 2013.

Styrkleikar: Árangurinn á undirbúningstímabilinu var framúrskarandi en liðið tapaði ekki leik í B-deild Lengjubikarsins og B-deild Fótbolta.net mótsins. Fín breidd er í hópnum og mikil samkeppni um stöður í byrjunarliðinu. Grótta skoraði einungis tíu mörk í 1. deildinni síðastliðið sumar en miðað við markaskorun liðsins í vetur er búið að vinna vel í sóknarleiknum og bæta hann frá því í fyrra.

Veikleikar: Leikmannahópurinn er í yngri kantinum og margir leikmenn hafa litla reynslu í meistaraflokki. Skipta verður um gervigras á Seltjarnarnesi í sumar og því þarf Grótta að leika þrjá heimaleiki á Framvelli. Kurr var hjá stuðningsmönnum Gróttu í fyrra yfir því hversu fáir heimamenn voru að spila að staðalandri með liði. Það horfir til betri vegar núna og stemningin í kringum liðið gæti batnað í kjölfarið.

Lykilmenn: Guðmundur Marteinn Hannesson, Jóhannes Hilmarsson, Viktor Smári Segatta.

Komnir:
Arnar Þór Helgason frá Kríu
Axel Fannar Sveinsson frá Kríu
Ásgrímur Gunnarsson frá KV
Brynjar Steinþórsson frá Fjölni
Davíð Fannar Ragnarsson frá Kríu
Enok Eiðsson frá Álftanesi
Halldór Kristján Baldursson frá Ægi
Júlí Karlsson frá KR
Pétur Steinn Þorsteinsson frá Svíþjóð
Sigurvin Reynisson frá Fylki
Stefán Ari Björnsson frá HK

Farnir:
Atli Freyr Ottesen í Leikni R.
Benis Krasniqi í Ægi
Björn Þorláksson í KR
Harvey Moyes til Skotlands
Hilmar Þór Hilmarsson í Fram
Kristján Ómar Björnsson í ÍR
Kristófer Þór Magnússon til Svíþjóðar
Ósvald Jarl Traustason í Fram

Fyrstu leikir Gróttu
6. maí ÍR – Grótta
14. maí Grótta – KV
19. maí Ægir - Grótta