Eiður Smári Guðjohnsen.
Eiður Smári Guðjohnsen verður með Íslandi í öllum þremur vináttuleikjunum í þessum mánuði, svo framarlega sem hann semji ekki við nýtt félag í millitíðinni.
Eiður er félagslaus eftir að samningur hans hjá kínverska félaginu Shijiazhuang Ever Bright rann út.
Eiður er í landsliðshópnum sem fer til Abu Dhabi um helgina fyrir leiki gegn heimamönnum í Sameinuðu Arabísku Furstadæmunum og gegn Finnum.
Eiður er einnig í hópnum sem mætir Bandaríkjunum í lok janúar.
„Það er samkomulag okkar á milli að ef hann verður án félags þá kemur hann með okkur í bæði verkefnin," sagði Heimir Hallgrímsson landsliðsþjálfari við Fótbolta.net í dag.
„Ef eitthvað gerist fyrir þessar ferðir þá tökum við upp nýja afstöðu í því máli. Vonandi kemst hann með okkur í bæði verkefnin. Það er ekki það að ég voni að hann finni ekki nýtt lið, vonandi kemst hann bara í bæði verkefnin."
Landsliðsfréttir dagsins:
- Landsliðshópurinn fyrir Abu Dhabi
- Landsliðshópurinn fyrir Bandaríkin
- Heimir: Lars einn af mínum betri vinum
- Vonandi kemst Eiður í bæði verkefnin
- Garðar Gunnlaugs var ekki búinn að gefa upp vonina
- Óli Kristjáns einn af njósnurum Íslands
- Ekki hægt að kaupa miða fyrir utan vellina
Athugasemdir
