Hin 15 ára gamla Lilja Þórdís Guðjónsdóttir skoraði tvö mörk fyrir Augnablik sem vann Álftanes, 4-1, í 2. deild kvenna í kvöld. Topplið Hauka fór á meðan illa að ráði sínu er það gerði 2-2 jafntefli við Einherja á BIRTU-vellinum í Hafnarfirði.
Lilja Þórdís er á öðru tímabili sínu með Augnabliki en mörkin tvö voru hennar fyrstu í deildarkeppni í meistaraflokki.
Líf Joostdóttir van Bemmel skoraði fyrsta markið á 19. mínútu og bættu þær Lilja Þórdís og Edith Kristín við tveimur mörkum á tveggja mínútna kafla.
Lilja gerði annað mark sitt undir lok fyrri hálfleiksins áður en Ólöf Sara Sigurðardóttir minnkaði muninn þegar nokkrar mínútur voru liðnar af þeim síðari.
Augnablik er í 5. sæti með 9 stig en Álftanes í 10. sæti með aðeins 1 stig.
Haukar hafa verið besta lið deildarinnar í byrjun tímabils en liðið tapaði óvænt stigum gegn Einherja.
Halla Þórdís Svansdóttir og Elín Björg Norðfjörð Símonardóttir komu Haukum í 2-0 á rúmum tuttugu mínútum áður en Karólína Dröfn Jónsdóttir minnkaði muninn á 27. mínútu.
Claudia Maria Daga Merino bjargaði stigi fyrir Einherja í uppbótartíma síðari hálfleiks. Svekkjandi úrslit fyrir Hauka sem sem hefðu getað aukið forystu sína á toppnum í þrjú stig en verða að láta eitt stig duga.
Haukar eru með 13 stig, einu meira en ÍH sem er í öðru sæti á meðan Einherji er í 6. sæti með 7 stig.
Úrslit og markaskorarar:
Augnablik 4 - 1 Álftanes
1-0 Líf Joostdóttir van Bemmel ('19 )
2-0 Lilja Þórdís Guðjónsdóttir ('23 )
3-0 Edith Kristín Kristjánsdóttir ('25 )
4-0 Lilja Þórdís Guðjónsdóttir ('43 )
4-1 Ólöf Sara Sigurðardóttir ('53 )
Haukar 2 - 2 Einherji
1-0 Halla Þórdís Svansdóttir ('12 )
2-0 Elín Björg Norðfjörð Símonardóttir ('23 )
2-1 Karólína Dröfn Jónsdóttir ('27 )
2-2 Claudia Maria Daga Merino ('91 )
2. deild kvenna
Lið | L | U | J | T | Mörk | mun | Stig |
---|---|---|---|---|---|---|---|
1. Völsungur | 6 | 6 | 0 | 0 | 27 - 1 | +26 | 18 |
2. Haukar | 6 | 5 | 1 | 0 | 31 - 11 | +20 | 16 |
3. KR | 5 | 4 | 1 | 0 | 21 - 3 | +18 | 13 |
4. KH | 6 | 4 | 1 | 1 | 15 - 9 | +6 | 13 |
5. ÍH | 6 | 4 | 0 | 2 | 35 - 15 | +20 | 12 |
6. Einherji | 6 | 3 | 1 | 2 | 12 - 7 | +5 | 10 |
7. Augnablik | 5 | 3 | 0 | 2 | 15 - 9 | +6 | 9 |
8. Fjölnir | 5 | 2 | 0 | 3 | 17 - 12 | +5 | 6 |
9. Sindri | 6 | 1 | 1 | 4 | 9 - 36 | -27 | 4 |
10. Álftanes | 5 | 0 | 1 | 4 | 6 - 18 | -12 | 1 |
11. Vestri | 6 | 0 | 1 | 5 | 3 - 22 | -19 | 1 |
12. Smári | 5 | 0 | 1 | 4 | 4 - 25 | -21 | 1 |
13. Dalvík/Reynir | 5 | 0 | 0 | 5 | 2 - 29 | -27 | 0 |
Athugasemdir