Enski vængmaðurinn Jadon Sancho verður seldur frá Manchester United í sumar en þetta segir Fabrizio Romano á X.
Sancho, sem er 24 ára gamall, eyddi síðari hluta síðustu leiktíðar á láni hjá Borussia Dortmund.
Þar létt hann ljós sitt skína á nýjan leik eftir erfiða tíma hjá United, en hann fór með Dortmund alla leið í úrslit Meistaradeildar Evrópu og þá tryggði liðið sér sæti í keppnina fyrir næstu leiktíð.
Sancho er ekki í framtíðarplönum United og er félagið ákveðið í að selja hann í sumar. Það mun ekki neinu máli skipta þó Erik ten Hag verði rekinn frá félaginu, en það var hann sem setti Sancho í frystikistuna eftir að Englendingurinn neitaði að biðjast afsökunar á að hafa gagnrýnt hollenska stjórann á samfélagsmiðlum.
United vill fá 40 milljónir punda fyrir leikmanninn, sem var keyptur frá Dortmund fyrir 73 milljónir punda fyrir tveimur og hálfu ári síðan.
Dortmund hefur mikinn áhuga á að halda Sancho áfram hjá félaginu.
Athugasemdir