Arnór Gauti Ragnarsson var næstmarkahæsti leikmaður Aftureldingar í fyrra. Þá skoraði hann 13 mörk í 25 leikjum. Hann skoraði m.a. eina fernu í fyrra, fjögur mörk í 7-2 sigri gegn Njarðvík.
Hann hefur verið fjarri góðu gamni í upphafi móts í Lengjudeildinni. Hann spilaði kviðslitinn hluta af síðasta sumri og fór í aðgerð vegna þess í vetur.
Hann hefur verið fjarri góðu gamni í upphafi móts í Lengjudeildinni. Hann spilaði kviðslitinn hluta af síðasta sumri og fór í aðgerð vegna þess í vetur.
Lestu um leikinn: Þór 4 - 2 Afturelding
„Hann fór í tvær aðgerðir eftir síðasta tímabil og er búinn að vera duglegur að vinna sig í form eftir það. Svo kom smá bakslag, önnur meiðsli hjá honum rétt fyrir mót. Ég reikna með því að hann verði klár mjög fljótlega," sagði Magnús Már Einarsson, þjálfari Aftureldingar, í viðtali eftir leikinn gegn Þór í gær. Arnór var þar hluti af liðsstjórn Aftureldingar.
Arnór Gauti er 26 ára framherji sem hefur skorað 50 mörk í 178 KSÍ leikjum á sínum ferli. Á sínum tíma lék hann sex leiki fyrir yngri landsliðin.
Athugasemdir
