„Þetta er algjör sprengja. Enginn sá þetta fyrir, þetta kemur eins og þruma úr heiðskíru lofti," segir Hervik.

„Þetta eru sex mánuðir sem fara beint í vaskinn. Þetta er sjokkerandi. Loksins höfðum við trú á einhverju verkefni innan félagsins."

„Það verður fróðlegt að sjá hvað gerist."

Óskar tók við liðinu í október síðastliðnum eftir að hafa gert afar flotta hluti með Breiðablik og Gróttu hér á Íslandi. Stýrði hann Breiðabliki meðal annars til Íslandsmeistaratitils og var hann við stjórnvölinn þegar Blikar urðu fyrsta íslenska karlaliðið til að komast í riðlakeppni í Evrópu.