Hollenski landsliðsmaðurinn Xavi Simons mun ekki snúa aftur til Paris Saint-Germain í sumar en þetta segir blaðamaðurinn Fabrice Hawkins.
Simons er 21 árs gamall sóknarsinnaður leikmaður sem er á láni hjá RB Leipzig.
Hann hefur skorað 9 mörk og gefið 15 stoðsendingar með þýska liðinu á leiktíðinni, en hann hefur ekki í hyggju að snúa aftur til PSG í sumar.
Simons er ekki sagður spenntur fyrir því að spila í Frakklandi á næstu leiktíð.
Hawkins segir Leipzig í viðræðum við PSG um kaup á Simons, en þýska félagið gæti fengið samkeppni frá félögum í ensku úrvalsdeildinni.
PSG gæti verið reiðubúið að selja hann fyrir 60 milljónir evra í sumar, en hann hefur einnig verið orðaður við uppeldisfélag sitt, Barcelona.
Athugasemdir
