Stórkostleg frammistaða Íslands. Gugga kýlir boltann í leiknum í dag hér á þessari mynd.
Guðbjörg Gunnarsdóttir, markvörður íslenska kvennalandsliðsins var skiljanlega létt, ljúf og kát eftir magnaðan sigur gegn Þýskalandi.
Lestu um leikinn: Þýskaland 2 - 3 Ísland
„Hvað varðar taktík og spilamennsku er þetta einn besti leikur sem við höfum spilað. Ísland hafði ekki skorað gegn Þýskalandi í 30 ár en í dag skorum við þrjú. Það er geggjað," segir Guðbjörg.
„Þegar Dagný kom okkur í 3-1... ég man ekki eftir svona tilfinningu á fótboltavelli."
„Það fór smá hrollur um mann þegar Þýskaland minnkaði muninn í 3-2. Þýsk lið eru dugleg að ná í stig í lokin. 'Fjandinn hafi það, það er ekki að fara að gerast!' hugsaði maður."
„Við njótum sigursins í nokkrar mínútur og svo er bara fókus á Tékkana," segir Guðbjörg en stelpurnar okkar mæta Tékklandi á þriðjudaginn.
Sjáðu viðtalið í heild sinni í sjónvarpinu hér að ofan.
Athugasemdir
