Komiði sæl og verið velkomin í beina textalýsingu frá leik Vals og Fjölnis í Reykjavíkurmóti karla, B riðli. Fyrir leikinn er ljóst að leikurinn skiptir engu máli því Fylkir og Þróttur eru komin uppúr riðlinum eftir 1-1 jafntefli rétt áðan. Valur er í þriðja sæti með eitt stig og Fjölnir stigalaust á botninum eftir að báðir leikir liðsins til þessa, sem báðir enduðu með jafntefli, hafa verið dæmdir þeim tapaðir 0-3 fyrir að nota ólöglegan leikmann.

Valur keypti Kristinn Frey Sigurðsson frá Fjölni í vikunni og hann er á meðal varamanna hjá Val geng sínum gömlu félögum í kvöld.

Leikurinn er hafinn.

Valsmenn fengu aukaspyrnu á vítateigslínunni strax í upphafi leiksins. Rúnar Már S. Sigurjónsson tók spyrnuna en vippaði yfir markið.

Illlugi Gunnarsson með fast skot í stöng. Þarna skall hurð nærri hælum hjá Valsmönnum.

Enn eru Fjölnismenn líklegri. Nú skaut Otto Marino Ingason í varnarmann Vals í teignum úr góðu færi. Boltinn fór í hönd Valsmannsins en aldrei hægt að dæma víti enda hafði hann höndina alveg upp við líkamann og stóð innan við metra frá Ottó þegar hann skaut.

Kolbeinn Kárason skaut framhjá úr fínu færi.

Þorvaldur Árnason dómari hefur flautað til hálfleiks. Leikurinn fór nokkrar mínútur framyfir venjulegan leiktíma vegna meiðsla Brynjars Kristmundsonar sem rotaðist í fyrri hálfleik en hefur nú rankað við sér með stórt glóðarauga.

Þorvaldur Árnason dómari fer með gamanmál hér í hálfleik. Valsmenn voru í upphitun sem þeir eru farnir að gera í hálfleik og hann fór til Friðriks Ellerts sjúkraþjálfara og spurði hvort það væri í lagi að byrja leikinn eða hvort hann vildi halda áfram.

Leiknum er lokið með 5-0 sigri Vals sem endar mótið því með fjögur stig í þriðja sæti en Fjölnir í fjórða og neðsta sæti án stiga. Fylkir vann riðilinn og Þróttur endaði í 2. sæti en þau tvö fara í undanúrslit.