KH FER UPP Í 3. DEILD (STAÐFEST) - Til hamingju með það! Kórdrengir áttu fantaflott fyrsta tímabil á Íslandsmótinu en verða að sætta sig við að vera áfram í 4. deildinni á næsta tímabili.

ALLIR Í TEIGNUM í horninu og þvílíkur darraðadans og þvaga sem skapaðist. KH náði á endanum að hreinsa! Mikil taugaveiklun!

Kórdrengir fá horn... síðasti séns.

KH að klúðra hverju dauðafærinu á fætur öðru...

KH nær að skora!!! Aron Skúli, en hann er dæmdur rangstæður! Þetta var kolröng ákvörðun aðstoðardómarans. KH-menn verða trylltir ef þetta atvik ræður úrslitum.

Kórdrengir leggja alla áherslu á sóknina og með fjöldamarga menn frammi... það leikur allt á reiðiskjálfi hér á Hlíðarenda.

KH í sókn 3 á móti tveimur úr skyndisókn en fer illa að ráði sínu.

ROSALEG VARSLA!!!!! Steinar Logi í marki KH með RÁNDÝRA VÖRSLU! Kórdrengur með mjög góðan skalla og ég var nánast búinn að bóka mark en Steinar varði meistaralega.

Eitt mark frá Kórdrengjum og liðið er á leiðinni upp á útivallamörkum... KH er á leið upp eins og staðan er. Spenna, spenna, spenna.

SKALLI Í SLÁ OG YFIR!!! Bergur Garðar í Kórdrengjum skallaði í slána. Þarna munaði litlu.

Kórdrengir gera tilkall til þess að fá víti en ekkert dæmt.

Aron Skúli nálægt því að ná til boltans eftir fyrirgjöf! Var í hörkufæri. Þessi seinni hálfleikur hefur ekki verið mjög mikil skemmtan...

Þung sókn KH endar með því að Sveinn Ingi á skot hátt yfir.

VÁ! Kórdrengir með aukaspyrnu sem flýgur inn í teiginn og endar svo í fjærhorninu! Maaaark! Nei! Flaggið komið á loft. Aðstoðardómarinn var búinn að flagga rangstöðu.

Alexander Lúðvígsson með hættulegt fyrirgjafarskot sem endaði ofan á þaknetinu.

Kórdrengir eru heldur betur að ógna núna!

Eyþór Helgi skallar rétt framhjá eftir hornspyrnu.

Ásgeir Frank með fína skottilraun úr aukaspyrnu en Steinar Logi ver í horn.

Alexander Lúðvígsson í dauðafæri, reyndi að vippa yfir markvörð Kórdrengja en það gekk ekki vel.

KH leiðir einvígið samtals 2-1... liðið var ívið betra en Kórdrengirnir í þessum fyrri hálfleik.

KH hótar öðru marki en nær ekki að hitta á rammann.

KH í rosalegum vandræðum með að halda boltanum þessar mínútur.

Aron Ellert Þorsteinsson setur boltann rétt framhjá eftir hornspyrnu Kórdrengja.

Ellert í liði KH fær hörkufæri en skot hans laust. Nóg af færum sem Ellert er að fá.

Kórdrengir fengu aukaspyrnu á miðjum vellinum nánast og Ásgeir Frank ákvað að reyna skot. Yfir fór hann. Um að gera að reyna.

Ellert Finnbogi með skot rétt framhjá!

Aftur hætta við mark Kórdrengja en Gunnar Geir í rammanum ver vel.

KH nálægt því að skora! Kristófer Bæring í vörn Kórdrengja rennur og Garðar Guðnason á fyrirgjöf. Ellert Finnbogi Eiríksson með skalla rétt framhjá markinu!

Eftir fyrstu tíu mínúturnar er aðeins ein marktilraun, og hún skóp mark.

Aðalbjörn Heiðar Þorsteinsson hefur flautað leikinn á. KH hóf leikinn.

Dramatísk tónlist í græjunum. Liðin eru mætt út á völl. KH að sjálfsögðu í Valslitunum. Kórdrengir eru svartklæddir.

Hamingjuóskir til Augnabliks sem var að komast upp með 3-0 sigri (samtals 5-2) gegn Álftanesi. Hjörvar Hermanns, Kári Ársæls og Hjörtur Hjartar skoruðu. Nú er bara spurning hvort KH eða Kórdrengir fylgja Augnablikum.

Hvað sagði Magnús Valur Böðvarsson (Maggi Bö) fyrir einvígi KH og Kórdrengja? ,,Einvígið er gríðarlega áhugavert, mér hefur fundist KH vera með best spilandi liðið í deildinni, sterkt á nánast öllum vígstöðum en ég hef séð veikleika í varnarleiknum. Ég hef líka séð mikið af leikjum með Kórdrengjum og séð ákveðna veikleika sem ég bjóst við að mundi sjást betur í úrslitakeppninni. Ég bjóst við að þeir myndu ekki ráða við slíkt tempó og hraða sóknarlínur eins og ÍH hafði en það kom mér gríðarlega óvart hversu vel þeir náðu að tækla hraðann sem ÍH hafði uppá að bjóða. Ég veit að þeir eru smá laskaðir, menn að púsla sig saman og leikjaálagið í úrslitakeppninni að fara segja til sín. Sóknarlega eru þeir hrikalega sterkir og ég ætla gerast svo djarfur og spá nýliðunum sigri í þessi einvígi. Hinsvegar gæti það alveg gerst að þeir mæti ofjörlum sínum.\"

Með menn sem hafa villst af leið Davíð Smári er þjálfari Kórdrengja sem eru á sínu fyrsta tímabili á Íslandsmóti. Davíð var nýlega í viðtali við Fótbolta.net þar sem hann sagði meðal annars frá félaginu. ,,Kórdrengir var stofnað árið 2007 og eftir titla í utandeildinni næstum ár hvert var ákveðið að fara í 4. deildina. Liðstjórn liðsins og hryggur er sá sami og frá upphafi. Lykillinn að liðinu er blandan og samsetningin innan vallar sem utan. Í Kórdrengjum eru ungir og efnilegir leikmenn sem og reynsluboltar sem miðla því sem þeir hafa lært á löngum ferli. Í liðinu eru líka menn sem hafa villst af leið í lífinu en fengið tækifæri til að snúa við blaðinu. Fyrir það erum við þakklátir og sýnir þetta hversu íþróttir eru mikilvægar fyrir marga aðila.\"

KH stendur fyrir Knattspyrnufélagið Hlíðarendi og er liðið tátengt Val, enda spilar liðið á Valsvelli og þar fer leikurinn fram í kvöld. Meðal leikmanna KH eru nokkrir ungir leikmenn úr 2. flokki Vals.

Annað liðið fer upp Góða kvöldið! Hér verður bein textalýsing frá leik KH og Kórdrengja í úrslitakeppni 4. deildar. Þetta er seinni undanúrslitaleikur þessara liða og annað þessara liða kemst upp í 3. deildina í kvöld. KH vann fyrri leikinn 1-0 þar sem Aron Skúli Brynjarsson skoraði.