Fotbolti.net
Helga Katrín Jónsdóttir
Helga Katrín Jónsdóttir
Pepsi-Max deild kvenna
Kópavogsvöllur
Breiðablik
Breiðablik
0 - 0
Þór/KA
Þór/KA
Dómari: Egill Arnar Sigurþórsson

SKÝRSLAN: Þór/KA sótti stig í Kópavoginn

Hvað réði úrslitum?

Virkilega agaður varnarleikur Þór/KA og léleg færanýting Breiðabliks. Þór/KA lögðu leikinn vel upp og vörðust hrikalega vel og hleyptu Blikum í fá opin færi. Svo má ekki gleyma því að Bryndís í markinu var gjörsamlega frábær.

Bestu leikmenn

1. Bryndís Lára Hrafnkelsdóttir

Bryndís var gjörsamlega frábær í dag. Var virkilega örugg í öllum sínum aðgerðum og átti tvær sturlaðar vörslur í seinni hálfleik.

2. Agla María Albertsdóttir

Mér finnst virkilega erfitt að velja næstbesta mann leiksins. Ætla bara að velja Öglu því hún var þó allavega að reyna. Var sérstaklega lífleg þegar líða tók á leikinn en náði þó ekki að koma knettinum inn.

Atvikið

Varsla Bryndísar eftir geggjað skot Karólínu á 70 mínútu. Karólína ætlar að smyrja boltanum snyrtilega í Samúel en Bryndís nær á ótrúlegan hátt að komast fyrir boltann. Klárlega ein af vörslum sumarsins.

Hvað þýða úrslitin?

Blikastelpur missa tvö mikilvæg stig í baráttunni við Val um Íslandsmeistaratitilinn. Þær tylla sér þó á toppinn í deildinni, stigi á undan Val sem á leik til góða.
Þór/KA situr enn í 3. sæti deildarinnar, tveimur stigum á undan Selfossi í 4. sætinu sem eiga leik til góða.

Vondur dagur

Sóknarleikur Breiðabliks. Þær eru í sókn nánast allan leikinn án þess þó að skapa mikið af dauðafærum. Allt uppspil löturhægt og vantaði bitið í sóknarlínuna.

Dómarinn - 6

Dómaratríóið þurfti í raun bara að taka eina stóra ákvörðun í dag og var það mark Berglindar sem var dæmt af vegna rangstæðu. Eftir að hafa skoðað myndskeið af markinu sýnist mér hún vera réttstæð svo ég átta mig ekki alveg á hvað dómarinn var að dæma á þarna.
Fotbolti.net

© Copyright 2002-2026 Fotbolti.net / Fotbolti Ehf. All rights reserved.