SKÝRSLAN: Bikarmeistarar enn í fallhættu
Hvað réði úrslitum?
Þrautseigja og karakter Fylkismanna.
Voru mun betri í fyrri hálfleik en leiddu bara 1-0 og fengu á sig jöfnunarmark og virtust vera að missa af leiknum. Settu mark úr föstu leikatriði í lokin og sigldu 3 stigum heim.
Bestu leikmenn
1. Helgi Valur Daníelsson
Heldur betur sem hann Helgi líkist rauðvíni, batnar með aldrinum bara. Stjórnaði á miðjunni og setti annað markið sem í raun réð úrslitum.
2. Geoffrey Castillion
Castillion fékk mörg færi til að skora en náði því ekki en hann vann gríðarlega fyrir liðið og lagði boltann á samherja í bestu færum Fylkis. Er í frábæru standi.
Atvikið
Í stöðunni 1-1 er stungið í gegnum Fylkisvörnina á Ágúst Hlynsson sem afgreiddi boltann örugglega í markið en flaggið fór á loft og markið stóð ekki.
Hefði að sjálfsögðu breytt miklu ef Víkingar hefðu komist yfir.
Hvað þýða úrslitin?
Fylkismenn eru komnir í 5.sæti og fara næst í leik við Stjörnuna sem gæti orðið úrslitaleikur um 4.sætið.
Bikarmeistarar Víkinga geta enn tölfræðilega fallið, sitja 6 stigum frá fallsæti með 2 umferðir eftir.
Vondur dagur
Bikarmeistarinn og eilífðar-Víkingurinn Halldór átti erfitt í miðjuvörninni. Var stálheppinn að Castillion refsaði honum ekki fyrir stór mistök í fyrri og var ansi duglegur að brjóta í síðari hálfleik en slapp við spjöldin.
Hefur svo sannarlega átt betri daga.
Dómarinn - 7,5
Ekki mikið af stórum atvikum hjá tríóinu. AD1 var vel staðsettur til að dæma jöfnunarmark Víkinga en það var ósamræmi í spjaldanotkun Einars sem dregur hann niður. Getur betur.