SKÝRSLAN: Drama í Hafnarfirði
Hvað réði úrslitum?
Markið sem Sigurður Egill skorar þegar 20 mínútur eru eftir af leiknum, Valur komu miklu sterkari inn í seinni hálfleik eftir slaka frammistöðu í þeim fyrri, Valsarar þorðu mun meira í seinni hálfleik og úr því kom jöfnunarmarkið sem þeir leituðust eftir.
Bestu leikmenn
1. Sigurður Egill Lárusson
Leikur tveggja hálfleika, Sigurður Egill mjög flottur í seinni hálfleik, var að taka mikið til sín í leiknum, hljóp mikið og skoraði þetta mikilvæga mark.
2. Jónatan Ingi Jónsson
Eins og ég kom inn á, leikur tveggja hálfleika. Jónatan var lang besti leikmaður FH í fyrri hálfleik og var þeirra hættulegasti maður í seinni hálfleik einnig, mjög sprækur í kvöld.
Atvikið
Jöfnunarmarkið hjá Sigga Lár sem Völsurum svo nauðsynlega vantaði eftir flotta frammistöðu í seinni hálfleik, Valsarar hreinlega refsa FH-ingum fyrir að hafa ekki verið búnir að klára leikinn manni fleiri.
Hvað þýða úrslitin?
Þau einfaldlega þýða það að FH og Valur eru bæði með 4 stig eftir fyrstu tvo leiki tímabilsins. Næsti leikur FH er gegn ÍA heima og Valsarar fá HK í heimsókn.
Vondur dagur
Haukur Páll lætur reka sig útaf og setur leikinn í uppnám fyrir sitt lið, Steven Lennon var einnig gríðarlega slakur í liði FH.
Dómarinn - 7
Helgi Mikael flottur í dag, rétt rautt spjald að mínu mati og var heilt yfir bara flottur í leiknum og mér fannst hann hafa bara ágætis tök á leiknum.