SKÝRSLAN: ÍBV unnu Þjóðhátíðarleikinn á móti Aftureldingu.
Hvað réði úrslitum?
Það hjálpaði ÍBV að vera manni fleiri í 82 mínútur en þeir voru bara betri í dag. Ekki mikið flóknara en það.
Bestu leikmenn
1. Breki Ómarsson
Breki hrikalega góður, skorar mjög mikilvægt mark og fiskar Oskar útaf með rautt spjald. Var sífellt ógnandi og Birgir Baldvinsson átti í miklum erfiðleikum með hann.
2. Eiður Aron Sigurbjörnsson
Mjög góður í dag eins og alltaf, var nálægt því að skora í tvígang og var bara hrikalega góður. Tapaði ekki skallabolta í dag held ég.
Atvikið
Rauða spjaldið. Síðan komu 2 15 ára strákar inn á hjá ÍBV og annar sem var ónotaður varamaður. Gaman að sjá það.
Hvað þýða úrslitin?
ÍBV styrkir stöðu sína í 2. sæti deildarinnar. En Afturelding eru enn í 9. sæti deildarinnar og gætu farið að sogast í botnbaráttu.
Vondur dagur
Oskar Wasilewski átti rosalega vondan dag. Rekinn útaf eftir 8 mínútur með ansi heimskulegu broti. Skemmdi leikinn fyrir gestina.
Dómarinn - 4
Gerði vel í að gefa Oskari rauða spjaldið en það voru alveg margir skrýtnir dómar. Allt í læ, ekki gott.