Súrt tap staðreynd á vonbrigðakvöldi. Eftir jákvæðan fyrri hálfleik var okkur refsað. Sköpuðum okkur ekki nóg í dag en það er stutt í næsta leik og kjörið tækifæri að koma til baka. Nánari umfjöllun um leikinn mun koma inn á Fótbolta.net frameftir kvöldi

Andri Lucas og Florin Nita lenda í samstuði og steinliggur Nita eftir þessi samskipti. Stendur svo upp og virðist lítið kenna sér meins. Töltir aftur í markið og leggst svo í grasið þegar leikurinn er stopp og fær skammir fá eigin fyrirliða.

Birkir Már í flottu hlaupi en kemur ekki boltanum fyrir markið.

Ísland fær horn en ekkert verður úr því.

Uppbótartími er að minnsta kosti fjórar mínútur.

Tíminn er að renna út og fátt sem bendir til þess að við ætlum að setja mark okkar á leikinn eða hleypa spennu í hann aftur.

Ísland fær horn. Nægur tími eftir að gera eitthvað úr þessum leik.

Ágætt spil Rúmena en skot Rasvan Marin hittir ekki markið.

Cristian Manea fer af krafti í Jón Dag en áfam með leikinn segir dómarinn.

Andri Lucas er að gera sig kláran!

Rúmenar sækja. Jovan Markovic í færi í teignum en Hjörtur setur boltann í hann og afturfyrir. Jón Dagur með skot yfir eftir snarpa sókn.

Ísak Bergmann með lúmskan bolta frá vinstri. Albert nær ekki til boltans en Jói Berg mætir á fjærstöng en setur boltann framhjá markinu með mann í bakinu. Ísak komið ferskur inn.

Enn og aftur liggur Rúmeni á vellinum. Fer niður eftir kapphlaup við Hjört sem virtist þó ekki koma við hann.

Dennis Man í fínu færi í teignum eftir undirbúning Cristian Manea en setur boltann framhjá úr teignum.

Laglegur samleikur varamannana Jóns Dags og Ísaks en skot Ísaks laust og ekki til vandræða.

Rúmenar koma boltanum í netið en dómarinn búinn að flauta brot. Sem betur fer varnarleikur Íslands arfaslakur þarna.

Albert Guðmundsson í frábærri stöðu í teignum og þurfti bara að velja rétt úr mörgum valkostum en valdi þann sísta og færið rann út í sandinn.

Rúmenar fá horn.

Jón Dagur og Ísak eru að gera sig klára á hliðarlínunni.

Rúmeni liggur á vellinum og kveinkar sér. Stendur á fætur um leið og leikurinn er stopp.

Við erum að stýra leiknum en gengur illa að brjóta niður gestina. Sem líður ágætlega að liggja til baka og beita hröðum sóknum enda leiða þeir.

Stórhættulegur bolti frá Jóhanni Berg sem Viðar nær kollinum en því miður hárfínt framhjá. Rúmeni liggur eftir og teygir lopann. Strax byrjaðir að tefja.

Birkir Már setur boltann í varnarmann og afturfyrir. Íslenskt horn.

Rúmenar gjafmildir og gefa okkur horn. Koma svo og nýta það! Boltinn að endingu í hendur Florin í marki Rúmena.

Seinni hálfleikur hafinn Gestirnir hefja leik hér í síðari hálfleik. Nú er að bæta í og koma marki í þennan leik og nýta það að hafa verið betri aðilinn heilt yfir.

Flautað til hálfleiks hér og staðan markalaus. Ýmis merki á leik liðsins sem gefa ástæðu til bjartýni en menn þurfa að vera á tánum. Höfum heilt yfir verið betri en skortir á að skapa fleiri og betri færi. Komum aftur með síðari hálfleikinn að vörmu spori.

Ein mínúta í uppbótartíma.

Denis Alibec með skot en víðsfjarri markinu. Hafði betri sóknarmöguleika en við þiggjum allt svona sem fer hvergi nærri markinu frá Rúmenum.

Guðlaugur með slæma sendingu sem Rúmenar komast inn í. Denis Alibec finnur Dennis Man í hlaupinu en skot hans úr góðu færi beint á Rúnar Alex.

Dragos Nedelcu með skot af löngu færi sem Rúnar á ekki í vandræðum með að handsama.

Ísland fær horn. Birkir Bjarnason með fyrirgjöf sem fer af varnarmanni og afturfyrir.

Vindurinn geysist upp völlinn og nær fínni fyrirgjöf en Viðar Örn einu skónúmeri of stuttur til að ná til boltans. Fínasta tempó í þessum leik.

Sorescu Deian Cristian með tíma og pláss í teignum en í nokkuð þröngu færi. Nær skotinu en Rúnar slær boltann yfir markið.

Birkir Bjarnason í dauðafæri Albert skallar boltann aftur fyrir markið eftir þunga pressu Íslands en Birkir hittir boltann illa. Ísland fær þó horn. Birkir með skalla eftir hornið en nær engum krafti í skallann sem markvörðurinn hirðir upp í rólegheitum. Andri Fannar átti skot í varnarmann rúmenska liðsins skömmu áður og voru nokkur köll um vítaspyrnu, boltinn virtist fara hönd Rúmenans inn á þeirra vítateig. Viðar Örn stóð upp við varnarmanninn og bað strax um víti.

Dennis Man sleppur einn í gegn en flaggið á loft og það vel réttilega.

Rúmenar kunna alveg fótbolta. Spila sig í gegnum pressu Íslenska liðsins en skot Denis Alibec í varnarmann í teignum. Sá Rúmenski svo brotlegur í kjölfarið.

Gummi Tóta með fyrirgjöf sem Viðar nær til. Skallar þó boltann framhjá markinu.

Hjörtur Hermannsson með hræðilega sendingu til baka á Rúnar. Sorescu Deian kemst á milli en nær ekki valdi á boltanum sem fer afturfyrir. Alltof tæpt.

Leikurinn stopp til að huga Rúmena sem steinliggur eftir viðskipti við Guðlaug Victor áðan. Guðlaugur miklu sterkari og sá Rúmenski veit af því núna.

Birkir Már með alvöru takta úti á hægri vængnum en er því miður stöðvaður. Íslendingar sterkari aðilinn það sem af er.

Viðar Örn Birkir með frábæra sendingu inn á teiginn sem Viðar nær kollinum í. Florin Nita því miður vel á verði og ver vel.

Laglegur samleikur Alberts og Gumma Tóta úti vinstra megin. Albert fær boltann í teignum en Rúmenar komast fyrir sendingu hans.

Tólfan er mætt og Víkingaklappið ómar um Laugardalin.

Rúmenar ógna en skot Sorescu Deian Cristian í hliðarnetið úr mjög þröngu færi.

Góður kafli okkar manna. Halda boltanum vel og þrýsta Rúmenum neðar og neðar á völlinn. Birkir Már finnur nafna sinn í hlaupi og hann fyrirgjöf sem Viðar Örn nær á endanum í átt að marki eftir fína forvinnu frá Andra Fannari.

Samskiptaleysi í vörn Rúmena sem gefa horn eftir lausan skalla Viðars. Gestirnir stálheppnir.

Það er þögult í hópi Tólfunar líkt og þeir höfðu tilkynnt. Rúmenar láta þó vel í sér heyra með lúðrablæstri.

Rúnar Alex hreinsar í innkast með löngu úthlaupi. Rúmenar fljótir að taka innkastið en skot þeirra yfir mark Íslands.

Sorescu Deian Cristian með alltof mikið pláss úti vinstra meginn eftir snögga sókn gestanna. Skot hans svífur rétt framhjá stönginni. Talningin klikkaði í varnarleiknum þarna.

Jóhann Berg sækir horn eftir snarpa sókn. Boltinn settur í svæði en menn skrefinu of fljótir og Rúmenar hreinsa.

Þetta er farið af stað hér í Laugardal. Það eru sem hefja hér leik. Fyrsti heimaleikur árslns hjá Íslandi og jafnframt fyrsti heimaleikur þeirra Arnars Þórs og Eiðs Smára með liðið. 90 mínútur framundand og vonandi ánægjulegt kvöld í vændum. Áfram Ísland!!!!!

Liðin eru að ganga til vallar og allt að verða klárt fyrir þennan leik. Formsatriðin klár og þjóðsöngvar verið leiknir. Nú er það fótboltinn sem tekur við!

Ekkert VAR! Okkur voru að berast þær upplýsingar að vegna bilunar í búnaði verður VAR ekki til taks í leik kvöldsins. Nánari tíðinda að vænta af þeim málum.

Hafliði Breiðfjórð er með myndavélina að vanda. Hér eru nokkrar myndir sem hann hefur smellt af við völlinn. Gunnar Birgis og Bjarni Guðjónsson lýsa leiknum fyrir áhorfendur RÚV.

Twitter Við hvetjum ykkur til að taka þátt í umræðunni um leikinn á Twitter. Myllumerkið #fotboltinet og munu vel valdar færslur án efa rata í lýsinguna.

Dómarar leiksins Dómarar leiksins koma frá Hvíta-Rússlandi. Aleksei Kulbakov er með flautuna. Honum til aðstoðar eru þeir Dimitry Zhuk og Aleh Masilanka. Fjórði dómari er svo Viktar Shymusik. VAR Notast verður við VAR í leik kvöldsins og eru mennirnir við skjáinn í kvöld frá Rússlandi. Vitaliy Meshkov og Sergei Ivanov verða kollegum sínum á vellinum til handar þar.

Jóhann Berg Guðmundsson er fyrirliði Íslands í kvöld!

BYRJUNARLIÐIÐ Rúnar Alex Rúnarsson fær tækifæri í marki Íslands gegn Rúmeníu í undankeppni HM í kvöld. Bæjarfélagið Selfoss mun þá eflaust fylgjast vel með landsleiknum því tveir fulltrúar þeirra eru í byrjunarliði okkar Íslendinga. Guðmundur Þórarinsson byrjar í vinstri bakverði og Viðar Örn Kjartansson leikur sem fremsti maður. Brynjar Ingi Bjarnason og Hjörtur Hermannsson byrja saman í hjarta varnarinnar en þeir stóðu sig saman í verkefni í sumar. Birkir Már Sævarsson er í hægri bakverði. Þá byrjar hinn efnilegi Andri Fannar Baldursson inn á miðsvæðinu.

Lesendur ekki bjartsýnir Lesendur Fótbolta.net svöruðu spurningu um úrslit leiksins í kvöld í könnun á síðunni. Aðeins 29,3% spá því að Ísland vinni leikinn. Rúmlega 10% spá því að leikurinn endi í jafntefli og 60,42% spá því að Rúmenía vinni leikinn.

Það eru þrír leikmenn á hættusvæði í dag og fara í bann við að fá gult spjald í þessum leik. Það eru Albert Guðmundsson, Ari Freyr Skúlason og Kári Árnason.

Tveir nýliðar í hópnum Það eru tveir nýliðar í landsliðshópnum að þessu sinni. Þeir eru báðir 19 ára gamlir; Andri Lucas Guðjohnsen og Mikael Egill Ellertsson. Andri Lucas er á mála hjá varaliði Real Madrid og Mikael Egill er hjá Spal á Ítalíu.

Á blaðamannafundi í gær kom það fram að Kári Árnason væri sá eini sem væri tæpur. Allir aðrir heilir.

Vita allt um Rúmeníu Rúmensk fjölmiðlakona spurði Arnar, landsliðsþjálfara, út í andstæðing kvöldsins og hver væri lykilmaður liðsins. Ég kann vel við leikstíl þeirra og hvað þjálfarinn þeirra hefur verið að gera með liðið. Úrslitin hafa kannski ekki alveg verið þau sem þið vonuðust eftir í mars og júní. En það er augljóst að starfsteymið er að byggja upp ákveðna hugmyndafræði. Ég tala eiginlega aldrei um einstaka leikmenn í lið andstæðingsins. Ég reyni að einbeita mér að mínu liði. Við þekkjum alla leikmennina, við vitum hvar þeir spila og hvað þeir geta, við vitum hverjir feður þeirra eru. Við vitum allt en við viljum ekki tala um það.

Ekki langt frá síðasta leik þessara þjóða Það er ekki langt frá síðasta fótboltaleik þessara þjóða. Síðasti leikur var í október á síðasta ári, í umspilinu fyrir EM 2020. Þann leik vann Ísland með tveimur mörkum gegn einu; bæði mörk Íslands skoraði Gylfi Þór Sigurðsson. Gylfi er auðvitað ekki í íslenska hópnum þessa stundina þar sem mál hans er til rannsóknar hjá lögreglunni á Bretlandi. Hann er sakaður um kynferðisbrot gegn ólögráða einstaklingi á Englandi. Hann er ekki sá eini sem spilaði síðasta leik gegn Rúmeníu fyrir tæpu ári síðan og er ekki í hópnum núna. Má þar til dæmis nefna að Aron Einar Gunnarsson, Alfreð Finnbogason og Ragnar Sigurðsson eru ekki í hópnum að þessu sinni.

Líklegt byrjunarlið Rúmeníu Svona er líklegt byrjunarlið Rúmena á Laugardalsvelli:

Hver verður fremstur? Það eru aðeins tvær hreinræktaðar 'níur' í leikmannahópi Íslands fyrir leikinn. Andri Lucas Guðjohnsen, leikmaður varaliðs Real Madrid á Spáni, og Viðar Örn Kjartansson, sóknarmaður Vålerenga í Noregi, eru í hópnum. Viðar Örn kom inn í hópinn fyrir Kolbein Sigþórsson sem var tekinn úr vegna ásakana um kynferðislegt áreiti og ofbeldi. Arnar Þór Viðarsson, landsliðsþjálfari, var spurður að því á blaðamannafundi hvort hann hefði einhverjar áhyggjur af framherjamálum. Við erum með jafnmarga sentera og á blaðamannafundinum í síðustu viku. Viðar Örn er kominn inn; skjalið og planið getur breyst frá degi til dags. Viðar var byrjaður að spila, þó Kolbeinn hafi spilað meira undanfarna mánuði. Við erum með Viðar, við erum með Andra og við erum með Albert. Það er mjög líklegt að einn af þessum þremur byrji inn á í leiknum á morgun (í dag).

Hverjir verða í miðverði? Ragnar Sigurðsson og Kári Árnason hafa myndað miðvarðarpar Íslands síðustu ár, og gert það vel. Ragnar er ekki í hóp núna og Kári er tæpur. Það virðast vera góðar líkur á því að Kári spili þó í kvöld. En ef hann spilar ekki, þá væri gaman að sjá Brynjar Inga Bjarnason og Hjört Hermannsson saman. Þeir stóðu sig vel í verkefni í sumar.

Líklegt byrjunarlið Íslands Það hefur sjaldan verið erfiðara að stilla upp í líklegt byrjunarlið. Ísland vann Rúmeníu 2-1 í umspilinu fyrir EM síðastliðinn október og frá þeim leik eru sex byrjunarliðsmenn horfnir; Ragnar Sigurðsson, Hörður Björgvin Magnússon, Arnór Ingvi Traustason, Aron Einar Gunnarsson, Gylfi Þór Sigurðsson og Alfreð Finnbogason. Svona spáir Fótbolti.net því að byrjunarliðið verði í dag.

Íslenski hópurinn Mörg nöfn sem við höfum vanist að sjá í landsliðshópi Íslands á undanförnum árum eru fjarverandi í þessum glugga. Leikmenn eins og Gylfi Sigurðsson, Aron Einar Gunnarsson, Ragnar Sigurðsson og Jón Daði Böðvarsson eru til að nefna einhverja til að mynda ekki með í þetta sinn af mismunandi ástæðum þó. Annars er leikmannahópur Íslands fyrir leikinn svo skipaður. Hannes Þór Halldórsson - Valur - 76 leikir Patrik Sigurður Gunnarsson - Brentford Rúnar Alex Rúnarsson - Arsenal - 10 leikir Brynjar Ingi Bjarnason - Lecce - 3 leikir, 1 mark Jón Guðni Fjóluson - Hammarby - 17 leikir, 1 mark Hjörtur Hermannsson - Pisa - 22 leikir, 1 mark Kári Árnason - Víkingur R. - 89 leikir, 6 mörk Ari Freyr Skúlason - IFK Norrköping - 79 leikir Guðmundur Þórarinsson - New York City FC - 7 leikir Birkir Már Sævarsson - Valur - 98 leikir, 3 mörk Alfons Sampsted - Bodö Glimt - 5 leikir Andri Fannar Baldursson - FCK - 4 leikir Þórir Jóhann Helgason - Lecce - 1 leikur Ísak Bergmann Jóhannesson - FCK - 4 leikir Birkir Bjarnason - Adana Demirspor - 98 leikir, 14 mörk Gísli Eyjólfsson - Breiðablik - 2 leikir Arnór Sigurðsson - Venezia - 14 leikir, 1 mark Guðlaugur Victor Pálsson - Schalke - 26 leikir, 1 mark Albert Guðmundsson - AZ Alkmaar - 22 leikir, 4 mörk Mikael Egill Ellertsson - SPAL Jón Dagur Þorsteinsson - AGF - 9 leikir, 1 mark Jóhann Berg Guðmundsson - Burnley - 79 leikir, 8 mörk Mikael Neville Anderson - AGF - 9 leikir Viðar Örn Kjartansson - Vålerenga IF - 28 leikir 4 mörk Andri Lucas Guðjohnsen - Real Madrid

Stomur og stórsjór skekur íslenska knattspyrnu Það er óhætt að segja að vel hafi gustað um málefni KSÍ, landsliðsins og knattspyrnu á Íslandi yfirhöfuð síðustu daga í kjölfar umræðu um ofbeldismenningu.. Við ætlum ekki að kryfja þau mál til mergjar hér í þessari textlýsingu en fréttir af málunum má sjá hér á Fótbolta.net og víðar og munum við að sjálfsögðu halda þeirri umfjöllun áfram þó leikurinn sjálfur fái sviðsljósið hér.

Leikdagur Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Íslands og Rúmeníu í undankeppni HM 2022 sem fer fram í Katar eftir rúmt ár.