SKÝRSLAN: Íslenskur sigur í lokaleik ársins
Hvað réði úrslitum?
Það er rosalegur gæðamunur á liðunum, samt átti íslenska liðið helling inni. Hefðu getað skorað nokkur í viðbót.
Bestu leikmenn
1. Karólína Lea Vilhjálmsdóttir
Skoraði eitt og lagði upp tvö. Var mjög vinnusöm mest allan leikinn en dró aðeins af henni í síðari hálfleik.
2. Guðrún Arnardóttir
Var örugg í sínum aðgerðum og kom boltanum vel frá sér. Kom í veg fyrir að Freda næði skoti inn í teig þegar hún komst ein í gegn. Skemmir heldur ekki fyrir að vera miðvörður og að skora.
Atvikið
Aukaspyrnurnar hennar Karólínu. Skorar beint úr annarri þeirra og svo sláar skot í þeirri seinni þar sem Guðrún fylgir eftir og skorar.
Hvað þýða úrslitin?
Úrslitin þýða það að Ísland er ennþá í 2. sæti riðilsins með 9 stig, aðeins tveimur stigum á eftir Hollandi sem eru með 11 stig. Ísland á þó leik til góða. Kýpur er áfram á botni riðilsins með 1 stig.
Vondur dagur
Nýting úr hornspyrnum er "vondur dagur". Seinni hálfleikur hjá liðinu var heldur ekki upp á marga fiska.
Dómarinn - 8
Fínn leikur hjá þeim.