Leiknum er lokið með 1-0 sigri Þróttar. Frekari umfjöllun og viðtöl hér á Fótbolta.net síðar í kvöld.

Fjórar mínútur eftir af leiknum og það má enn sjá baráttu í liði ÍR. Maður hefur fyrr í sumar séð að þeir væru hættir í sömu stöðu en nú vilja þeir fá eitthvað fyrir sinn snúð úr þessum leik.

Þróttarar vildu fá vítaspyrnu þegar boltinn virtist fara í hönd ÍRings í teigum. Kristinn Jakobsson dæmdi þó ekkert.

Sigmundur fékk sendingu inn í teiginn og setti góðan bolta í markið en því miður fyrir hann var það dæmt af vegna rangstöðu, Sigmundur var að koma úr rangstöðunni þegar sendingin kom.

Hinum megin á vellinum kom Hafliði Hafliðason boltanum inn Jón Gísla sem lék á Erling Jack og var kominn í fínt skotfæri en skot hans fór í hliðarnetið utanvert.

Vilhjálmur Pálmason vann boltann rétt utan við vítateig ÍR nærri endalinu og þrumaði svo föstu skot í hliðarnetið utanvert.

Nú áttu ÍRingar að jafna metin. Gunnar Hilmar Kristinsson sendi boltann inn í teiginn af vinstri kantinn, Ögmundur átti að taka boltann, kom út í teiginn en missti hann í gegnum klofið á sér þar sem hann fór fyrir fætur Trausta Ríkharðssonar sem var einn gegn tómu marki en skaut framhjá.

Jón Gísli er í framlínunni hjá ÍR fyrir Andra Björn sem fór af velli. Hann er nú þegar búinn að eiga eitt skot að marki sem fór beint á Ögmund markvörð Þróttar.

Síðari hálfleikur er hafinn. ÍR gerði tvær skiptingar í hálfleik sem má sjá hér að neðan.

Það er kominn hálfleikur í Laugardalnum. Þróttur leiðir með einu marki gegn engu.

Halldór Hilmisson með fast skot utan af velli sem fór í varnarmann og framhjá marki ÍR.

Oddur Björnsson komst í fínt færi gegn Brynjari sem varði í horn.

Nigel Quashie fer mikinn í liði ÍR og dreifir spilinu mjög vel. Hann fékk boltann aftur eftir hornspyrnu sem hann tók sjálfur rétt í þessu og skaut rétt framhjá marki Þróttar.

Brynjar varði í tvígang frá Guðfinni Þóri Ómarssyni sem var í dauðfæri eftir góða sendingu Haldórs Hilmissonar.

ÍRingar hafa byrjað leikinn nokkuð vel og núna munaði engu að Andri Börn Sigurðsson kæmi þeim yfir. Hann komst í fínt færi í teignum eftir gott samspil liðsins og skaut að marki en rétt framhjá

Leikurinn er hafinn.

Komiði sæl og verið velkomin í beina textalýsingu frá viðureign Þróttar og ÍR í 1. deild karla. Liðin eru klár hér sitthvorum megin við textann. Trausti Sigurbjörnsson má ekki spila í marki ÍR í kvöld þar sem hann er á láni hjá félaginu frá Þrótti. Þess vegna er Brynjar Örn Sigurðsson í markinu.