DRAMATÍK! KA MENN SIGRA MEÐ FLAUTUMARKI!

VÍTASPYRNA! KA FÆR VÍTASPYRNU! Vuk brýtur klaufalega af sér.

Sveinn Margeir í góðu færi en hann fer ansi illa með það og skýtur lausu skoti beint á Gunnar.

Fjórum mínútum bætt við. Nú fer hver að verða síðastur að næla í stigin þrjú!

Oliver Heiðarsson í fínu færi en skotið laust og auðvelt fyrir Stubb.

FH fær hornspyrnu! Ekkert kom út úr henni.

NAU NAU NAU! Ívar Örn á skallann í slánna!! Dusan fær boltann í dauðafæri en Haraldur bjargar í horn!

ROSALEG BJÖRGUN! Sýndist þa ðvera Gummi Kri sem komst fyrir skot Nökkva og bjargaði í horn.

Þorri Mar með furðulega tilraun, laumar boltanum framhjá markinu.

ANNAÐ SKOT Í SLÁ!! NÚ VAR ÞAÐ BRYAN. YFIR GUNNAR Í MARKINU, TÆPT VAR ÞAÐ!

FHingar sækja hart að vörn KA en finna enga leið í gegn. Þéttur varnarleikur!

Ansi bragðdauft síðustu mínútur!

KA fær hornspyrnu.

Daníel Hafsteins með hörku spreytt, reyndar lítil mótspyrna þangað til hann er kominn inn á teiginn en hann snýr varnarmann FH af sér og á skotið sem er auðvelt fyrir Gunnar.

Bræðurnir í færi. Þorri með sendinguna á Nökkva sem á skotið en það er framhjá.

KA menn að komast í álítlega sókn en Elfar Árni dæmdur brotlegur, ekkert nálægt boltanum.

Nökkvi með skot í D-Boganum en boltinn fer yfir markið.

NÖKKVI ER Í FÆRUNUM! Komst af harðfylgi í dauðafæri en boltinn fór í stöngina.

Síðari hálfleikur hafinn.

Mínútu bætt við fyrri hálfleikinn.

Brebels með fyrirgjöfina en bjargað í horn. KA menn fengu gjöf frá Birni Daníel þegar slök sending hjá honum fór beint á KA mann á miðjunni og þeir brunuðu í sókn.

FHingar að komast í álítlegt færi en eftir smá klafs í teignum kemst Stubbur í boltann og handsamar hann.

Alltof innarlega og Stubbur ákveðinn og nær boltanum.

FH fær aukaspyrnu, góð fyrirgjafa staða.

Bryan með sendinguna á Nökkva sem á hörku skot en Gunnar ver vel.

Bryan með fyrirgjöfina en boltinn of hár fyrir Elfar Árna.

Björn Daníel með skallann framhjá markinu.

Matti Villa með skot af stuttu færi en Stubbur ver vel í horn.

KA Í FÆRI!! Nökkvi með skotið í slánna eftir fyrirgjöf frá Grímsa!!

Laus skalli hjá Elfari sem Gunnar á ekki í neinum vandræðum með.

FH fær hornspyrnu. Ekkert kom út úr henni.

Hallgrímur Mar með fína fyrirgjöf en boltinn aðeins fyrir aftan Elfar Árna og Daníel.

Haraldur Einar aftur með tilraun en Stubbur ver í horn. Aukaspyrna dæmd á sóknarmann í teignum eftir hornið.

KA í fínni sókn, boltinn endar hjá Sebastiaan Brebels en skotið hans vel yfir markið.

Haraldur Einar Ásgrímsson fær boltann við vítateigslínunna og á skotið en boltinn beint í fagnið á Steinþóri (Stubb) í marki KA.

FH fær hornspyrnu.

FHingar að senda á milli sín í vörninni, Elfar Árni nær að pressa á Guðmund Kristjánsson og koma fyrir sendingu fram en boltinn fer til Gunnars í markinu.

Leikurinn er hafinn. Heimamenn byrja með boltann!

Strákarnir eru klárir í slaginn, hvað með þig? KA - FH hefst kl. 19:15 á Dalvíkurvelli og er í beinni á hliðarrás Bestu deildarinnar hjá Stöð 2 Sport, áfram KA! #LifiFyrirKA pic.twitter.com/8UC4KhhDyM

— KA (@KAakureyri) May 11, 2022

Byrjunarliðin Hjá KA snýr Dusan Brkovic til baka úr leikbanni og hann kemur inn fyrir Olek Bykov sem er núna í leikbanni. Þá kemur Hallgrímur Mar Steingrímsson inn í liðið fyrir Svein Margeir Hauksson. Hallgrímur Mar er að stíga upp úr meiðslum. Hjá FH er Lasse Petry kominn með leikheimild og hann byrjar. Davíð Snær Jóhannsson, annar nýr leikmaður liðsins, byrjar á bekknum í þetta skiptið.

Dómararnir Helgi Mikael Jónasson verður með flautuna í kcöls en honum til aðstoðar verða þeir Oddur Helgi Guðmundsson og Gylfi Már Sigurðsson. Þóroddur Hjaltalín er eftirlitsmaður KSÍ og Arnar Þór Stefánsson er varadómari.

Lasse Petry Lasse Petry er kominn með leikheimild hjá FH og verður væntanlega með liðinu hér í kvöld. Hann gekk til liðs við FH frá HB Köge í Danmörku. Hann þekkir vel til Íslands en hann lék áður með Val.

Þetta hefur verið erfið byrjun hjá FHingum. Liðið spilaði opnunarleik mótsins gegn ríkjandi meisturum í Víkingi og töpuðu 2-1, fengu síðan nýliða Fram í heimsókn og unnu 4-2. Fengu svo skell 3-0 gegn Blikum og 2-2 jafntefli gegn Val.

KA menn hafa byrjað mótið með glæsibrag en liðið er í 2. sæti með 10 stig. Liðið vann fyrstu þrjá leiki sína en gerði síðan markalaust jafntefli gegn KR í síðustu umferð á Meistaravöllum. Olekseiy Bykov og Arnar Grétarsson þjálfari liðsins verða ekki með í kvöld þar sem þeir fengu reisupassann gegn KR. Oleksiy Bykov

Góða kvöldið og verið velkomin í beina textalýsingu frá leik KA og FH í fimmtu umferð Bestu deildarinnar. Leikurinn fer fram á Dalvíkurvelli en þetta er væntanlega síðasti heimaleikur KA á Dalvík þar sem liðið er að færa sig yfir á nýjan völl á KA svæðinu.