SKÝRSLAN: Nökkvi tryggði KA aftur sigur heima á Dalvík
Hvað réði úrslitum?
Þetta stefndi allt í markalaust jafntefli en vítaspyrna á lokasekúndunum eftir að Vuk Óskar braut á Nökkva Þey sem steig sjálfur á punktinn og tryggði KA mönnum öll stigin.
Bestu leikmenn
1. Nökkvi Þeyr Þórisson
Sá er heitur í heimabænum! Hefði getað skorað svona fjögur mörk í dag en sláin ög stöngin voru fyrir þangað til í lokin þegar öruggt víti fór í netið og stigin þrjú í hús.
2. Bryan Van Den Bogaert
Flott frammistaða varnarlega og bjó til nokkur færi sem neituðu að enda í netinu!
Atvikið
FHingar voru við það að fara með stig heim í rútunni í kvöld en í uppbótartíma var Vuk ansi óheppinn þegar hann braut á besta manni vallarins.
Hvað þýða úrslitin?
KA menn enn taplausir í þriðja sæti á markamun en Valur í 2. sæti eftir stórsigur í kvöld. Erfið byrjun hjá FHingum sem eru aðeins með fjögur stig eftir fimm umferðir og sitja í 8. sæti.
Vondur dagur
FHingar voru mun meira með boltann fannst mér meiri hlutann af leiknum en gerðu ansi lítið með hann. Vantaði meiri kraft fram á við!
Dómarinn - 8
Það var ekki mikið að gera hjá Helga í kvöld. Reif ekkert einasta spjald uppúr vasanum og þurfti þess bara ekkert. Segir kannski mikið um hversu rólegur þessi leikur var svona út á velli.