Grótta spilaði vel í seinni hálfleik og uppskar góðan heimasigur. HK-ingar voru bitlausir í seinni hálfleik. Heimamenn refsuðu fyrir lélega nýtingu gestanna í fyrri hálfleik.

Ívar Örn með fyrirgjöf sem Bruno skallar rétt fram hjá marki Gróttu. Fyrirgjafir og hornspyrnur virðist vera leiðin fyrir HK sem eiga erfitt uppdráttar sóknarlega.

HK reynir að sækja en eiga í miklum vandræðum með að ná upp almennilegu spili.

Ívar Örn með hornspyrnu sem Arnar Þór skallar í burtu. Grótta geisist fram í sókn og Kjartan Kári með skot rétt yfir mark HK.

Spurning hvort að skiptingar gestanna hressi upp á þá.

Ívar Örn með geggjaða hornspyrnu en Grótta kemur boltanum í burtu.

Kjartan Kári með aukaspyrnu í góðu skotfæri. Boltinn berst á Arnar Þór sem potar boltanum í Arnar Frey og þaðan fer boltinn yfir mark HK.

Grótta tekur hornspyrnu og aftur er Arnar Þór á vettvangi. Skallar boltann yfir mark HK.

Hinu megin er Kjartan Kári sloppinn í gegn en Arnar Frey með góða vörslu. Kjartan tók skotið með vinstri niður í vinstra hornið en Arnar fljótur niður.

Jón Ívan kemur úr marki Gróttu og gerir sig stóran. Stefán Ingi er með boltann skoppandi einn á móti markmanni en þrumar boltanum beint í Jón Ívan í markinu.

Kjartan Kári með fyrirgjöf sem fer yfir allan pakkann. Vildi eflaust reyna að halda boltanum niðri.

HK virðist engan áhuga á að vera með boltann á meðan Grótta er hungrað í að sækja á gestina.

Grótta fer í sókn hinu megin og uppsker hornspyrnu. Kjartan setur fastann bolta á nærstöng í tvígang en í bæði skiptin skalla gestirnir boltann aftur fyrir endamörk. Í þriðju tilraun kemur HK boltanum frá marki sínu.

Birkir Valur með fyrirgjöf frá hægri eftir fínan samleik HK. Fyrirgjöfin var rétt of há fyrir sóknarmenn gestanna.

HK hefur gengið erfiðlega að halda í boltann þegar þeir vinna hann af Gróttumönnum, eða sækja hratt. Þeir missa hann jafn óðum. Heimamenn reyna að byggja upp hverja sóknina á fætur annarri, hér í upphafi seinni hálfleiks.

Grótta beinskeittari í upphafi seinni hálfleiks og uppskera hornspyrnu. Kjartan Kári tók hana. Hættuleg spyrna sem endar á skalla yfir mark HK.

Grótta byrjar með boltann í seinni hálfeik.

Það vantar loka sendinguna hjá HK til að ná inn marki. Miðverðir heimamanna eiga hrós skilið fyrir að halda Hassan frá marki sínu. Það kæmi ekki á óvart ef eitthvað mun undan láta í seinni hálfleik. Hvort sem það verða heimamenn eða gestirnir.

Kjartan Kári með skot utan af velli í varnarmann HK og aftur fyrir endamörk. Kom inn af kantinum og lét vaða.

HK kemur boltanum í burtu í þann mund sem Jóhann Ingi dómari flautar leikinn af.

Ívar Orri með skot í varnarmann Gróttu. Gestirnir fá hornspyrnu. Boltinn alla leið á fjær á Arnþór ARa sem skallar boltann í varnarmann Gróttu.
Önnur hornspyrna. Nú skallar Örvar Eggerts boltann í fang Jóns Ívans.

Enn of aftur fær Hassan boltann en miðverðir Gróttu hafa spilað vel hingað til og komst Ólafur Karel fyrir skot hans.

Hassan kemst í skotfæri utan teigs en Jón Ívan markmaður Gróttu slær boltann yfir mark sitt. Gott færi.

Hornspyrna frá vinstri. Hún endar á fjærstönginni sem endar með skoti í hliðarnetið.

Kristófer Orri ætlaði að þræða boltann í gegn en varnarmaður HK tæklar sendinguna í burtu.

HK vinnur boltann á eigin vallarhelming Arnþór Ari með sendingu upp á Hassan sem er aftur við það að komast í færi. Gróttu vörnin hefur haldið vel hingað til.
HK fær hornspyrnu upp úr því en Grótta kemur boltanum frá marki sínu.

HK með langan bolta fram sem Arnar Þór hinn hávaxni varnarmaður Gróttu skalla aftur fyrir endamörk.

Ívar Örn með skemmtilega sendingu utan af vinstri kantinum við miðlínu á bak við vörn Gróttu. Hassan var tæpur á að sleppa í gegn Ólafur Karel komst fyrir skot hans.

Hættuleg sending Örvars fyrir mark Gróttu rennur alla leið í innkast. Enn eins sókn HK sem vantar að reka smiðshöggið á. HK eru mjög beinskeittir.

Arnþór Ari með máttlítið skot utan teigs sem fer fram hjá marki Gróttu.

Jón Ívan kemur út fyrir teig sinn til að hreinsa boltann áður en Hassan nær honum. Hassan hefði sennilega skorað þarna!

Luke Morgan dæmdur rangstæður úti á hægri kantinum eftir fínt samspil.

Leikurinn er í jafnvægi eins og er. Grótta reynir oftast að spila boltanum út úr vörninni en HK reynir að keyra á þá þegar þeir vinna boltann.

Tæpt var það! Hassan dæmdur rangstæður þegar hann var við það að sleppa í gegn. Þetta er eitt af vopnum HK sem önnur lið þurfa að varast. Grótta missti boltann og vörn þeirra ofarlega á vellinum.

HK vinnur fyrstu hornspyrnu leiksins. Á vettvang mætir Ívar Örn. Grótta kemur boltanum frá og alla leið upp völlin. Boltinn endar hinsvegar aftur fyrir endamörk HK.

Atli Arnars með fyrirgjöf frá hægri yfir á fjærstöngina þar sem Ásgeir Marteins skallar boltann fram hjá marki Gróttu.

Kjartan Kári með skot fram hjá marki HK. Þetta er mjög spennandi leikmaður sem elskar að koma inn af vinstri kantinum og láta vaða á markið með sínum frábæra hægri fæti.

HK hefur nú þegar nokkrum sinnum unnið boltann á vallarhelmingi Gróttu. Á þessu verður Grótta að passa sig enda er HK frábært fram á við.

Bæði lið eru vel skipulögð í upphafi leiks og hafa ekki enn náð að brjóta upp skipulag hvors annars.

Grótta vill láta boltann ganga með jörðinni eins og þeir eru vanir. HK bíða eftir tækifæri til að vinna boltann í hættulegum svæðum á vellinum og keyra á heimamenn.

Grótta vann boltann strax, léku boltanum þangað til þeir fengu fyrirgjafarséns sem endaði í hliðarneti HK.

HK byrjar með boltann.

Ótrúlegt en satt þá er ekki rok á Seltjarnarnesi! Það gefur góð fyrirheit.

Byrjunarliðin
Grótta gerir tvær breytingar á sínu liði. Út fara Gunnar Jónas og Kristófer Melsted. Inn koma Arnar Daníel og Sigurbergur Áki.
HK byrjar eins og á móti KV í síðustu umferð.

View this post on Instagram

A post shared by Grótta knattspyrna (@grottaknattspyrna)

View this post on Instagram

A post shared by Knattspyrnudeild HK (@hk.fotbolti)

Brynjar Björn til Örgryte í Svíþjóð

Brynjar Björn Gunnarsson, þjálfari meistaraflokks karla, hefur látið af störfum og tekið við sem þjálfari Örgryte í Svíþjóð en liðið spilar þar í næst efstu deild. #liðfólksins #fotboltinet #fotbolti pic.twitter.com/Nc1NB0pscq

— HK (@HK_Kopavogur) May 15, 2022

Spennandi deild
Von er á spennandi móti enda mörg lið sem vilja komast upp í deild þeirra bestu. Bæði Grótta og HK hafa verið þar og vilja eflaust berjast á toppnum í Lengjudeildinni í ár.
Saga félaganna er þó ólík og stærð þeirra einnig. Saga HK í efstu deild karla er meiri en Gróttu sem hefur verið í neðri deildum að mestu leyti. Grótta sigraði næst efstu deild árið 2020 og komst í deild þeirra bestu í fyrsta sinn í sögunni en féllu sannfærandi árið eftir. HK hefur aftur á móti verið á flakki milli efstu og næst efstu deildar á síðustu árum. Félagið hefur ekki náð að festa sig í sessi sem efstu deildar lið en vill eflaust gera það enda félagið farið ört stækkandi á síðustu árum og hafa allt til alls til að vera á meðal þeirra bestu.

Leikurinn í kvöld
Góða kvöldið og hjartanlega velkomin á Vivaldivöllinn. Leikurinn í kvöld er hluti af 3.umferð Lengjudeildarinnar, sem fer skemmtilega af stað í ár. Grótta og HK eigast við í kvöld og eru með sitthvoran sigurinn og sitthvort tapið. Það má búast við skemmtilegum og spennandi leik í kvöld.