Þrjú stig í Garðabæinn!

Nökkvi með skot úr aukaspyrnu sem Halli ver og heldur boltanum.

Haurits skorar en hann er flaggaður rangstæður.

Nökkvi með fyrirgjöf sem fer yfir allan pakkann.

KA reynir að sækja en gengur ekkert.

Bjarni með skot úr aukaspyrnu sem Halli er í brasi með. KA fær horn og Bjarni finnur Ívar inná markteig en skallinn yfir!

Nökkvi kemst í boltann inná teignum en skotið frá honum fer hátt yfir.

KA á hornspyrnu.

KA á hornspyrnu en gestirnir ná að hreinsa.

Stjarnan verið að ógna síðustu mínútur án þess að eiga tilraun.

Eggert með tilraun en hún fer í varnarmann KA.

Heimamenn eru að sækja samt þessar síðustu mínútur en gengur illa að opna vörn gestanna.

Nökkvi fær boltann við teig Stjörnunnar og á góða tilraun. Halli skutlar sér og ver til hliðar.

Daníel Laxdal með skot yfir mark KA.

Ívar í brasi og Eggert vinnur boltann við teig KA. Eggert skýtur en Stubbur er alltaf með þetta.

Bykov með fasta fyrirgjöf sem Haraldur er í smá brasi með og Þórarinn hreinsar í horn.

Seinni hálfleikur hafinn!

Stjarnan leiðir og það má alveg segja verðskuldað. Heimamenn aðeins farnir að láta Elías dómara fara í taugarnar á sér.

Óli Kalli skallar boltann á Emil sem á tilraun en framhjá fór skotið.

Þorri með fyrirgjöf sem finnur Svein en tilraun hans fer hátt yfir mark Stjörnunnar.

Nökkvi slæsar boltann í teignum og sókn KA endar á því að Bryan brýtur af sér. Ekki alveg að ganga upp hjá gulum.

Óli og Bryan í kapphlaupi, Bryan grípur aðeins í Óla og er dæmdur brotlegur við vítateig Stjörnunnar.

Bryan kominn inná aftur.

KA einum færri sem stendur. Daníel leysir vinstri bakvörðinn.

Bryan situr á vellinum. Bykov er að undirbúa sig á bekknum, gæti verið skipting.

Óli Kalli fellur í vítateig KA, veik köll frá gestunum en þetta var ekki neitt.

Emil fær aðhlynningu en er komin inná aftur.

Daníel vinnur hornspyrnu fyrir KA.

Ívar reynir að komast í boltann, varnarmaður Stjörnunnar skallar í burtu og Emil Atlason liggur eftir.

Þorri með skot úr teig Stjörnunnar sem fer í hliðarnetið. Engin hætta.

Jóhann þræðir boltanum inn á Daníel sem á tilraun en Stubbur rennir sér út á móti og bjargar því sem bjarga varð. Jóhann með alltof mikinn tíma við teiginn!

Emil gerir vel inn á teig heimamanna, nær að snúa en skottilraun hans fer vel yfir mark KA.

Tvær ódýrar aukaspyrnur sem Stjarnan hefur fengið og bekkur KA ekki ánægður með það.

Brebels með skottilraun af löngu færi en boltinn í leikmann Stjörnunnar og í innkast.

Ekkert kom upp úr hornspyrnunni.

KA gerði ekki nógu vel með sína hornspyrnu og Stjarnan komst í skyndisókn. Stjarnan á aukaspyrnu sem Jóhann tekur inn á teiginn en hún er skölluð aftur fyrir og Stjarnan á horn.

Nökkvi gerir vel gegn Birni og Daníel kemst í skotfæri. Skömmu síðar fær KA sitt fyrsta horn.

Stubbur í vandræðum en KA nær að hreinsa.

Ísak með tilraun í varnarmann og Stjarnan á annað horn.

Jóhann reynir að finna Adolf á teignum en Rodri kemst á milli og hreinsar í horn.

Fín sókn hjá KA sem endar með því að Hallgrímur reynir að finna Svein á fjær en boltinn aðeins of hár.

Stjarnan
Haraldur
Óli - Björn - Sindri - Þórarinn
Daníel
Jóhann - Ólafur
Adolf - Emil - Ísak

KA
Stubbur
Þorri - Dusan - Ívar - Bryan
Rodri
Daníel - Brebels
Sveinn - Nökkvi - Hallgrímur

Stjarnan byrjar með boltann.

Arnar Grétarsson gerir eina breytingu á liði sínu sem gerði góða ferð á Skagann í síðustu umferð og vann ÍA 3-0. Elfar Árni Aðalsteinsson sest á bekkinn og Sebastian Brebels kemur inná í hans stað.

Stjarnan vann sterkan sigur á Val 1-0 í síðustu umferð. Oliver Haurits skoraði eina markið í uppbótartíma. Það er ein breyting á byrjunarliðinu frá þeim leik. Ísak Andri Sigurgeirsson kemur inn í liðið, Eggert Aron Guðmundsson fær sér sæti á bekknum.

Dómarinn

Dómari leiksins er Elías Ingi Árnason og honum til aðstoðar eru Antoníus Bjarki Halldórsson og Sveinn Þórður Þórðarson. Eftirlitsmaður er Vilhelm Adolfsson og varadómari er Sigurður Hjörtur Þrastarson.


Elías sér um flautukonsertinn í dag.

Lærisveinar Ágústs Gylfasonar í Stjörnunni hafa einnig farið ágætlega af stað og hafa nú þegar spilað á móti þremur af sterkustu liðum deildarinnar í Val, Breiðabliki og Víkingi R. Nú síðast vann liðið einkar sætan sigur á Völsurum, þar sem að Oliver Haurits skoraði sigurmarkið í uppbótartíma eftir undirbúning Óskars Arnar Haukssonar. Þeir verma 4. sæti deildarinnar með 11 stig, eftir 6 leiki.

Í liði Stjörnunnar hefur framherjinn Emil Atlason komið skemmtilega á óvart og byrjað tímabilið af krafti. 6 mörk í 6 leikjum er uppskeran hingað til og afgreiðslurnar hver annarri glæsilegri. Hann hefur nú þegar bætt sína bestu markatölfræði í efstu deild og það er vonandi fyrir Garðbæinga að hann stoppi ekki alveg strax.


Emil hefur skorað í fjórum af sex leikjum Stjörnunnar á tímabilinu.

Heimamenn í KA hafa farið virkilega vel af stað í deildinni og sitja í 2. sæti með 16 stig eftir 6 umferðir - þremur stigum á eftir toppliði Breiðabliks sem að eru með fullt hús stiga, eða 18 stig.

Liðið hefur aðeins fengið á sig tvö mörk, bæði í 3-2 sigri á Keflavík og hefur skorað 11. Dalvíkingurinn Nökkvi Þeyr Þórisson hefur farið afar vel af stað og skorað fjögur mörk í upphafi móts - þar af sigurmörk á lokamínútunum gegn Keflavík og FH. Á hinum enda vallarins hefur Ívar Örn Árnason komið virkilega sterkur inn í miðvarðarstöðuna og hefur þrívegis verið valinn í lið umferðarinnar hjá Fótbolta.net


Ívar Örn hefur byrjað mótið frábærlega.

Góðan daginn! Hér mun fara textalýsing á leik KA og Stjörnunnar í Bestu deild karla.