SKÝRSLAN: U-21 landsliðið einu skrefi nær umspili
Hvað réði úrslitum?
Þetta var svona þessi klassíski íslenski sigur, sérstaklega seinni hálfleikurinn. Mikil barátta og klókindi í þeirra leikstíl sem skóp þennan sigur
Bestu leikmenn
1. Kristian Hlynsson
Vá þessi drengur. 1 mark og 2 stoðsendingar í kvöld og var bara frábær inn á miðsvæðinu. Ótrúlega tæknilega hæfileikaríkur leikmaður og skilur leikinn svo vel. Gerði nánast allt rétt í þessum leik.
2. Andri Fannar Baldursson
Maður sér það alltaf meira og meira af hverju þessi drengur var að spila í Serie A og var að mála hjá FCK. Rosalega hæfileikaríkur þegar hann er heill heilsu og Andri var mjög góður í dag. Margir sem komu til greina hins vegar en Andri á þetta skilið.
Atvikið
Frábært þriðja mark Íslands sem klárar leikinn. Góð skyndisókn, frábær sending hjá Kristian sem finnur Viktor Örlyg sem gerir út um leikinn og strákarnir nánast trylltust úr gleði.
Hvað þýða úrslitin?
Þau þýða að íslenska liðið er í möguleika á að fara í umspil ef þeir vinna Kýpur á laugardaginn og Grikkir tapa stigum gegn efsta liði riðilsins, Portúgal. Laugardagur - Víkin - 19:15 - ALLIR Á VÖLLINN
Vondur dagur
Yaroslav Oreshkevich var í þvíliku brasi í hægri bakverðinum sérstaklega varnarlega og var nálægt því að láta reka sig út af.
Dómarinn - 7
Hollendingurinn fljúgandi fínn í dag, gat lítið gert annað en að gefa 6 gul spjölf enda mjög grófur leikur en heilt yfir flottur leikur og lét menn ekki veiða sig í eitthvað rugl.