Erlendur Eiríksson flautar hér til leiksloka.
Valskonur komnar í mjög góða stöðu, 3 leikir eftir og með 6 stiga forystu á toppnum.
Viðtöl og skýrsla koma innan skams.

Birta hefði getað klárað þetta þarna!
Vigdís kemur með frábæra fyrirgjöf á Birtu sem er við markteig en nær ekki góðri snertingu við boltann og boltinn fer framjhá.
Gæti verið dýrt klúður.

Uppbótartíminn er 3 mínútur.

Mariana kemur sér í skot inn í teig Breiðabliks en skotið er ekki nógu gott og Eva ver boltann örugglega.

Vigdís Lilja tekur lúmskt skot sem fer rétt framhjá marki Vals.

Birta Georgs komin í fína stöðu reynir fyrirgjöf en Arna Sif kemst fyrir boltann og boltinn í horn.

Elísa Viðars tekur skot fyrir utan teig Breiðabliks en boltinn fer hátt yfir markið.

Agla María á skottilraun langt fyrir utan vítateig Vals, boltinn endar rétt yfir markinu.

Breiðablik fær horn, þær taka það stutt en koma með fyrirgjöf sem Karitas kemst í en boltinn fer framhjá.

Valur að fá mikið af hornspyrnum en ná ekki að nýta þær nægilega vel.

Anna Rakel á hörkuskot langt fyrir utan teig sem Eva ver vel og boltinn í horn.

Valur fær hornspyrnu, boltinn berst manna á milli en fyrir rest koma Blikar boltanum burt.

Valskonur byrja þennan síðari hálfleik af miklum krafti!

Ásdís með langskot, Eva þarf að hafa sig alla við til að verja skotið og í horn.
Ekki galin tilraun.

Stöngin!!

Cyera Hintzen fær boltann í teig Breiðabliks og kætur vaða og neglir boltanum í stöngina og út.

Erlendur Eiríksson flautar síðari hálfleik af stað og eru það heimakonur sem byrja með boltann.

Erlendur Eiríksson flautar hér til hálfleiks.
Bæði lið með sitthvort markið, leikurinn var að opnast síðustu mínúturnar af hálfleiknum eftir að hafa verið frekar lokaður.

Þegar liðin mættust í bikarúslitunum í lok ágúst, komst Breiðablik yfir með marki á 35. mínútu en Valskonur komu til baka og unnu leikinn 2-1.
Hvernig bregst Valur við að þessu sinni?

Aftur fá Valskonur horn, Mist kemst í boltann og skallar boltann í varnarmann Breiðabliks yfir og í annað horn sem Blikar koma frá.

Valur fær horn en Heiðdís skallar boltann aftur fyrir endamörk og í annað horn sem Natasha skallar frá.

Breiðablik fær aukaspyrnu í fyrirgjafastöðu, Taylor tekur en boltinn fer beint útaf og í markspyrnu.

Valur fær hér horn og er það sýnist mér ískaldur Bliki sem kassar boltann í fangið á Evu í marki Breiðabliks.

Arna Sif á skalla í slánna en hún er réttilega flögguð rangstæð.

Sólveig keyrir inn í teig Breiðabliks, komin að endalínu og kemur með boltann út í teiginn á Cyeru en Heiðdís er fljót að kveikja á perunni og kemur boltanum í horn.

Sláin!

Það kemur fyrirgjöf inn í teiginn og Natasha nær að skalla boltann sem fer yfir Söndru í marki Vals og boltinn hafnar í þverslánni!

Breiðablik fær hér fyrsta horn leiksins en Arna Sif skallar boltann burt, Breiðablik fær annað horn í kjölfarið.

Erlendur Eiríksson dómari leiksins flautar leikinn af stað og er það Anna Petryk sem á upphafsspark leiksins.

Besta-stefið komið í gang og liðin ganga inn á völlinn, nú er aðeins mínútuspursmál í að þessi toppslagur hefjist!

Byrjunarliðin komin inn!

Valur heldur byrjunarliði sýnu óbreyttu, en þetta er áttundi leikurinn í röð sem Pétur Pétursson og Matthías Guðmundsson stilla upp með þetta byrjunarlið.

Síðasti leikur Breiðabliks var markalaust jafntefli gegn ÍBV, Ásmundur Arnarsson gerir eina breytingu á sínu liði frá þeim leik.
Anna Petryk kemur inn í lið Breiðabliks í stað Helenu Ósk.

Síðasta viðureign liðanna

Liðin mættust síðast í úrslitum Mjólkurbikarsins í lok ágústmánaðar. Valur vann leikinn 2-1 með mörkum frá Cyera Hintzen og Ásdísi Kareni Halldórsdóttur eftir að Birta Georgsdóttir hafði komið Breiðablik yfir.

Síðustu 5 innbyrðis leikir liðanna

Valur - 4 sigrar
Breiðablik - 1 sigur

Breiðablik

Blikar eru í 2. sæti deildarinnar með 29 stig, 5 stigum á eftir toppliði Vals og er þetta gífurlega mikilvægur leikur fyrir Breiðablik til að halda sér inn í titilbarráttunni. Breiðablik byrjaði tímabilið ekki sterkt en hafa náð að rétta úr kútnum það sem líður á tímabilið.



Tölfræði

Staða: 2.sæti
Leikir: 14
Sigrar: 9
Jafntelfi: 2
Töp: 3
Sigurhlutfall: 64%
Mörk skoruð: 35
Mörk fengin á sig: 7
Markatala: 28

Síðustu deildarleikir

ÍBV 0-0 Breiðablik
Stjarnan 2-2 Breiðablik
Breiðablik 3-0 Keflavík
KR 0-0 Breiðablik
Þór/KA R. 1-2 Breiðablik

Markahæstu leikmenn:

Karitas Tómasdóttir - 4 mörk
Hildur Antonsdóttir - 4 mörk
Clara Sigurðardóttir - 4 mörk
*Aðrir minna

Valur

Ríkjandi Íslands- og bikarmeistararnir er í 1. sæti deildarinnar með 34 stig, með 5 stiga forystu á Breiðablik sem er í 2. sæti deildarinnar. Valskonur hafa verið á frábærri siglingu í sumar en síðasti leikur liðsins sem tapaðist var þann 3. maí.
Valsliðið er það lið sem hefur skorað flestu mörkin í deildinni en þær hafa einnig fengið fæstu mörkin á sig.



Tölfræði

Staða: 1.sæti
Leikir: 14
Sigrar: 11
Jafntelfi: 2
Töp: 1
Sigurhlutfall: 78.5%
Mörk skoruð: 42
Mörk fengin á sig: 6
Markatala: 36

Síðustu deildarleikir

KR 0-6 Valur
Keflavík 0-5 Valur
Valur 3-0 Þór/Ka
Valur 0-0 Stjarnan
Þróttur R. 1-2 Valur

Markahæstu leikmenn:

Elín Metta Jenssen - 6 mörk
Þórdís Hrönn Sigfúsdóttir - 6 mörk
Cyera Makenzie Hintzen - 5 mörk
Ásdís Karen Halldórsdóttir - 5 mörk
*Aðrir minna

Stórleikur!

Góðan og blessaðan daginn kæru lesendur og veriði hjartanlega velkomin í þráðbeina textalýsingu frá stórleik á Origo-vellinum, þar sem Valur tekur á móti Breiðablik í 15. umferð Bestu-deild kvenna.