SKÝRSLAN: Markaregn í sólinni á Akureyri
Hvað réði úrslitum?
ÍBV var sterkari aðilinn heilt yfir í leiknum en frábær karakter hjá Þór/KA að koma alltaf til baka og þær hefðu hæglega getað stolið þessu undir lokin.
Bestu leikmenn
1. Sandra María Jessen
Sjálfgefið. Frábær leikur hjá henni. Leggur upp fyrsta markið og skorar tvö frábær mörk, fyrra markið með frábæru skoti fyrir utan teiginn og það síðara með skalla.
2. Kristín Erna Sigurlásdóttir
Var frábær í liði ÍBV og skoraði tvö góð mörk. Ameera Abdella Hussen átti einnig mjög góðan leik í liði ÍBV.
Atvikið
Tiffany Mc Carty skoraði með skalla á 84. mínútu en markið dæmt af vegna rangstöðu. Hún bætti upp fyrir það aðeins nokkrum sekúndum síðar með því að leggja upp á Söndru Maríu.
Hvað þýða úrslitin?
Þór/KA er enn í bullandi fallhættu en liðið er með tveggja stiga forystu á Aftureldingu sem er í 9. sæti deildarinnar. ÍBV er í 5. sæti tveimur stigum á eftir Þrótti sem er í 4. sæti.
Vondur dagur
Varnarleikurinn var ekki uppá marga fiska hjá báðum liðum í dag. Eyjakonur geta talist heppnar að hafa ekki tapað þessum leik í lokin.
Dómarinn - 7
Fór ekki mikið fyrir honum. Þurfti ekki mikið að flauta. Gaf tvö gul spjöld á Þór/KA alveg réttilega.