+6 Þetta er farið að líta ansi vel út í deildinni fyrir Blika eftir þennan ótrúlega sigur.

+4 RODRI! Í DAUÐAFÆRI en nær ekki að stýra boltanum á markið.

KA FÆR VÍTASPYRNU! Viktor Örn brýtur á Ásgeiri.

Þessi síðari hálfleikur hefur ekki verið neitt fyrir augað. Steindautt.

Bjarni Aðalsteinsson nýkominn inná og þarf að fara útaf vegna meiðsla.

Jajalo heppinn þarna. Full lengi að athafna sig með boltann í löppunum og Ísak kemst fyrir sendinguna hjá honum en hann fær boltann aftur og tekur hann upp.

Jason Daði kominn í dauðafæri. Jajalo hefur átt frábæran leik hér í dag og varði gríðarlega vel hér frá Jason.

Rólegt yfir þessu hér í upphafi, bæði lið komist í ákjósanlegar stöður en ekki náð að skapa sér færi.

+5

+1 Fjórar mínútur í uppbótartíma

Sveinn Margeir Hauksson hefur legið hér í nokkrar mínútur eftir að hafa fengið högg á hnéð. vonandi ekkert alvarlegt. Hann er staðinn upp en þarf að fara af velli.

Stuðningsmenn Blika sprengdu aðra confetti bombu í fagnaðarlátunum eftir markið. Völlurinn alltaf verið grænn og glæsilegur en hann fer að lýsast upp með öllu þessu neongræna confetti sem er komið á völlinn.

Hrannar Björn setur boltann í netið eftir fyrirgjöf frá Bryan en markið dæmt af. Daníel Hafsteinsson keyrði inn í Viktor Örn inn á teignum og er dæmdur brotlegur.

Skotið framhjá markinu hjá Degi Dan úr aukaspyrnunni.

Blikar fá aukaspyrnu við vítateig KA.

Sveinn Margeir fer upp kanntinn og á sendingu fyrir á Jakob Snæ sem er í góðu færi en Anton Ari sér við honum.

DAUÐAFÆRI Ísak í dauðafæri! En enn ein frábær markvarslan hjá Jajalo í dag!

Ísak Snær kominn í fína stöðu en köttar inn á völlinn og lendir á vegg.

Kristinn Steindórsson með skalla eftir hornspyrnu. Hann er nánast í markteignum en Jajalo fljótur að bregðast við og ver vel.

Anton Ari með langa sendingu fram völlinn, boltanum flikkað á Jason Daða sem á laust skot, auðvelt fyrir Jajalo.

Jakob Snær Árnason sparkar leiknum af stað!

Blysin hafa verið illa liðin á flestum fótboltaleikjum. Stuðningsmenn Blika fóru nýja leið hér og sprengdu confetti yfir völlinn.

Það var hressandi slydda hér fyrir leik. Völlurinn rennandi blautur, frábærar aðstæður fyrir áhugaverðan fótboltaleik hér í dag!

Byrjunarliðin Það eru þrjár breytingar á byrjunarliði KA sem vann KR í fyrstu umferð. Þorri Mar Þórisson dettur meðal annars út og sest á bekkinn. Með honum á bekknum er Rodri en hann hefur misst af síðustu tveimur leikjum liðsins. Það er ein breyting á liði Blika sem unnu Stjörnuna 3-0 í fyrstu umferðinni. Gísli Eyjólfsson skoraði eitt af mörkum liðsins en hann sest á bekkinn og Kristinn Steindórsson kemur inn í hans stað.

Dómarateymið Jóhann Ingi Jónsson verður með flautuna hér í dag og Birkir Sigurðarson og Egill Guðvarður Guðlaugsson verða honum til aðstoðar. Sigurður Hjörtur Þrastarson verður með skiltið á hliðarlínunni. Þá er Þóroddur Hjaltalín eftirlitsmaður KSÍ. Jóhann Ingi Jónsson

Að duga eða drepast fyrir KA KA þarf nauðsynlega á sigri að halda í dag ætli þeir að halda sér í titilbaráttunni en Breiðablik er með 8 stiga forystu á Akureyringana þegar fjórar umferðir eru eftir!

Það voru tveir heimasigrar þegar þessi lið mættust í Bestu deildinni í sumar. Breiðablik vann 4-1 í Kópavogi en KA vann 2-1 hér á Greifavellinum í síðari leiknum.

Góðan daginn og verið velkomin í beina textalýsingu frá leik KA og Breiðablik í Bestu deildinni. Leikið er á Greifavellinum á Akureyri og hefst leikurinn kl 14.