SKÝRSLAN: Blikar einu skrefi nær Íslandsmeistaratitlinum eftir sigur á KA
Hvað réði úrslitum?
Blikar áttu sigurinn svo sannarlega skilið. Voru betri aðilinn heilt yfir. Brotnuðu ekki við að fá á sig mark úr vítaspyrnu og svöruðu um hæl með glæsibrag.
Bestu leikmenn
1. Jason Daði Svanþórsson
Fínn leikur hjá honum. Kom sér í nokkur færi en Jajalo var frábær í dag. Jason sá þó við honum með því að skora sigurmark leiksins.
2. Kristijan Jajalo
Erfitt að velja markvörð tapliðsins sem fær á sig tvö mörk en hann sá svo sannarlega til þess að KA var aðeins 1-0 undir þegar liðið fékk vítaspyrnuna og jafnaði metin.
Atvikið
KA fær vítaspyrnu þegar skammt er til leiksloka og fá tækifæri til að jafna og koma sér inn í leikinn en Jason Daði nær að koma Blikum aftur yfir tveimur mínútum síðar og tryggir liðinu stigin þrjú.
Hvað þýða úrslitin?
Breiðablik komið langt með að tryggja sér Íslandsmeistaratitilinn en KA ætlar sér að næla í 2. sæti deildarinnar.
Vondur dagur
Risa tækifæri fyrir KA að halda sér í titilbaráttunni en liðið mætti illa til leiks. Jajalo á milli stanganna var ljósi punkturinn í liðinu.
Dómarinn - 6
Fannst hann ekki leyfa nógu mikið, flautaði aðeins of mikið og mögulega svolítið soft vítaspyrnudómur.