Ísland klárlega með betri frammistöðu en gegn Eistum en Svíar áttu öflugan lokakafla og tryggðu sér sigurinn. Leikur Íslands riðlaðist aðeins þegar allar skiptingarnar fóru að detta inn. En úrslitin ekki verðskulduð.

Skot sem breytti um stefnu og virtist vera að fara í boga inn í markið en Hákon nær að slá boltann yfir. Vel varið.

Kristall Máni með sendingu fyrir markið en Svíar koma boltanum frá.

Jacob Ondrejka sleppur í gegn en Hákon bjargar með flottu úthlaupi. Þreytan farin að segja til sín. 4 mínútur í uppbótartíma.

Er sigurmark í kortunum?

Danijel Djuric með skot en sænskur leikmaður kemst fyrir skotið.

Sóknarþungi Svía hafði aukist talsvert áður en þeir náðu inn jöfnunarmarkinu.

Samuel Gustafson í flottu tækifæri en stýrir boltanum framhjá!

Bakverðirnir okkar verið góðir í kvöld; Höskuldur og Davíð Kristján í stuði.

Joe Mendes með fyrirgjöf sem Davíð Kristján kemst fyrir. Svíþjóð fær horn.

Hitti boltann ekki nægilega vel og skaut yfir markið.

Danijel Djuric, sá afskaplega skemmtilegi leikmaður, að koma líflegur inn af bekknum. Krækir í aukaspyrnu.

Dagur Dan með hættulega stungusendingu á Aron Bjarnason en varnarmaður Svía nær að verjast. Dagur Dan að mínu mati okkar besti leikmaður gegn Eistum og er að eiga annan flottan leik.

„Baráttan er mikil, gæðin kannski minni" segir Höddi Magg.

Íslendingar ógnandi, Aron Bjarnason með skot í varnarmann. Í þessari hættulegu sókn var svo sannarlega möguleiki að bæta við marki.

Damir Muminovic með skot yfir markið.

Fyrri hálfleikur var skemmtilegur áhorfs en lítið markvert gerst í seinni hálfleik. Hingað til.

Sævar Atli vinnusamur að vanda og fær dæmda á sig aukaspyrnu.

Frederik Schram svo sannarlega verið vel á tánum í marki Íslands. Hættuleg sókn Svía en Frederik fljótur að koma út og hirða boltann áður en Asoro nær til hans.

Neeeeiii, Ísland nær að koma boltanum í markið, Sævar Atli skorar, en dæmd er aukaspyrna á Svein Aron. Dómarinn telur Svein hafa brotið á Leopold markverði sem missti boltann. Þetta var rosalega lítið.

Aron Sigurðarson tekur á rás en Ondrejka brýtur á honum.

Róbert Orri í vandræðum, kærulaus, og Victor Edvardsen tekur skot af löngu færi en Frederik Schram nær að verja.

Jacob Ondrejka að ógna en virkilega vel gert hjá Höskuldi sem kastar sér fyrir sendingu hans og kemur í veg fyrir að Svíar nái að skapa sér dauðafæri.

Svíar með einu breytinguna í hálfleik.

Skottilraunir: 4-6 Skot á rammann: 1-5 Brot: 5-5 Gul spjöld: 1-0

Flottur fyrri hálfleikur hjá íslenska liðinu. Forystan verðskulduð og það er kraftur í liðinu.

Jacob Ondrejka, tvítugur leikmaður Elfsborg, með öflugt skot fyrir utan teig. Naumlega framhjá.

Fyrirgjöf Svía sem Damir skallar í lúkurnar á Frederik Schram.

Þetta hefur verið ansi gott hjá íslenska liðinu í þessum leik og forystan verðskulduð. Mun betra en gegn Eistum. Þurfum samt að fara að nýta tækifærin okkar betur.

Ísland hefur fengið þrjár vítaspyrnur í þessu verkefni, bara skorað úr einni af þeim en Sveinn Aron náði að hirða frákastið.

Hendi, víti! Ísland fær alltaf víti! Sævar Atli með skot sem er varið með tilþrifum í þverslána en í kjölfarið á Damir skot en boltinn fer í hendina á leikmanni sænska liðsins.

Ísland nálægt því að komast yfir! Zetterström ver skalla frá Degi Dan af stuttu færi, Dagur var einn og óvaldaður í teignum. Öflug fyrirgjöf frá vinstri. Davíð Kristján með fyrirgjöfina sem var alveg upp á 10.

20' Alltjämt mållöst i träningslandskampen mot Island. Båda lagen med halvchanser hittills.

???????? 0-0 ???????? pic.twitter.com/6ONam4gkq1

— Svensk Fotboll (@svenskfotboll) January 12, 2023

Sebastian Nanasi gerir frábærlega, fer framhjá Höskuldi og Damir og komst í besta færi leiksins. Virkilega vel gert hjá Frederik Schram sem kemur út á móti, lokar og ver tilraun Nanasi!

Höskuldur með fasta og góða fyrirgjöf! Zetterström markvörður nær að verja marktilraun frá eigin leikmanni, boltinn hrökk af Andersson. Hornspyrnur Íslands að skapa hættu.

Ísland fær hornspyrnu. Aron Bjarna með fína fyrirgjöf frá hægri en Andersson hreinsar í horn.

Hættuleg sókn Svía. Gott spil milli Asoro og Ondrejka en Frederik Schram mætir úr markinu og nær að komast fyrir.

Virkilega góð útfærsla á hornspynu Íslands! Höskuldur sendi boltann út og skottilraun sem dempast af varnarmanni Svía og Zetterström nær svo að verja.

Boltinn hrekkur á Aron Bjarnason en Lagerbielke mætir á vettvang og hreinsar í horn.

Meðan leikurinn í Portúgal er frekar rólegur þá er um að gera að spá í spilin fyrir handboltalandsleik Íslands gegn Portúgal í kvöld. Ég spái sigri með fimm marka mun, nokkuð öruggt. Við erum að fara að fljúga auðveldlega upp úr þessum riðli.

Frederik Schram kýlir boltann vel frá eftir hornspyrnuna.

Ondrejka með skot sem fer í höfuð Róberts Orra og yfir í hornspyrnu.

Armin Gigovic of seinn og brýtur á Damir. Gigovic stálheppinn að fá ekki gult spjald.

Svíar ná góðu spili við vítateig Íslands en Róbert Orri nær svo að koma boltanum frá.

Joel Asoro sýnir lipur tilþrif, reynir fyrirgjöf sem skýst af varnarmanni og aftur í Asoro og afturfyrir.

Sævar Atli gerir virkilega vel, vinnur boltann rétt fyrir utan vítateig Svíþjóðar og veður inn í teiginn. Gefur á Aron Sigurðarson sem á skot sem breytir um stefnu af varnarmanni og fer afturfyrir. Spurning hvort Sævar hefði ekki átt að skjóta sjálfur þarna!

Svíar með fyrirgjöf sem Damir hreinsar í burtu.

Dagur Dan átti góða pressu á Zetterström markvörð og kom honum í vandræði. Þá átti Davíð Kristján fína fyrirgjöf í teiginn en Svíarnir náðu að koma boltanum frá.

Ondrejka með skot úr teignum en Róbert Orri nær að vera fyrir skotinu. Fyrsta marktilraun leiksins.

Ísland spilar 4-3-3 í kvöld, lék 4-4-2 með tígulmiðju gegn Eistum. Svíþjóð er í 4-4-2 af gamla skólanum.

Iceland vs. Sweden ?????????????????????? pic.twitter.com/vDoKWgXtGE

— Magnus Agnar Magnusson (@totalfl) January 12, 2023

Verið að spila þjóðsöngvana, byrjað á þeim íslenska.

Það er mikil leikreynsla í íslenska liðinu miðað við það sænska. Samtals fimm leikir að bakinu hjá sænska liðinu en 67 hjá íslenska liðinu.

Hörður Magnússon segir í útsendingu Viaplay að Hákon Rafn markvörður sé ekki alveg heill heilsu, er að glíma við magasýkingu. Hann hefði annars mögulega byrjað lið.

Inn koma: Frederik Schram, Höskuldur, Davíð Kristján, Júlli Magg, Sævar Atli, Aron Bjarna og Sveinn Aron. Út fara: Patrik, Valgeir Lunddal og Kristall Máni auk þeirra fjögurra sem eru búnir að yfirgefa hópinn.

Blikinn Höskuldur Gunnlaugsson er með fyrirliðabandið og Aron Bjarnason leikmaður Sirius í Svíþjóð er meðal byrjunarliðsmanna en hann leikur sinn fyrsta landsleik.

???????? Byrjunarlið Íslands gegn Svíþjóð.

???? Leikurinn hefst kl. 18:00 og verður í beinni útsendingu á Viaplay.

???? Our starting lineup for the friendly against Sweden today.#fyririsland pic.twitter.com/lquKMiaCla

— Knattspyrnusambandið (@footballiceland) January 12, 2023

Fyrri hálfleikurinn gegn Eistum var hreinlega ekki góður en Ísland náði upp betri spilamennsku í seinni hálfleik. Frammistaðan í heildina var ekkert sérstök gegn þessu úrvalsliði eistnesku deildarinnar. Vonandi verður frammistaðan heilsteyptari í dag og vonandi fer liðið betur að ráði sínu þegar það kemst í hættulegar stöður. Íslandi hefur gengið illa í markaskorun síðustu mánuði. Hér er smá innlit á æfingu Íslands í gær þar sem hljóðnemi var tengdur við Arnar Þór Viðarsson landsliðsþjálfara:

Við settum hljóðnema á Arnar Þór Viðarsson þjálfara A landsliðs karla á æfingu. Hér er sýnishorn. ?????????????? pic.twitter.com/mF9anEeiCV

— Knattspyrnusambandið (@footballiceland) January 11, 2023

Leikurinn fer fram á Estadio Algarve sem er 30 þúsund manna leikvangur sem var upphaflega byggður fyrir EM 2004. Þrír leikir á EM fóru fram á vellinum, þar á meðal leikur Svía og Hollendinga í 8-liða úrslitum sem endaði 0-0. Hollendingar unnu 5-4 í vítaspyrnukeppni.

???????? Här är startelvan i herrlandslagets match mot Island imorgon ????

???? Matchen har avspark 19.00 och sänds i Sportkanalen & C More. pic.twitter.com/5RlbW3BCBX

— Svensk Fotboll (@svenskfotboll) January 11, 2023

Sænski hópurinn er nær eingöngu skipaður leikmönnum úr sænsku deildinni og með unga leikmenn með litla sem enga landsliðsreynslu. Eftir æfingu í gær opinberaði Janne Andersson þjálfari byrjunarlið sitt. Svíþjóð spilaði gegn Finnlandi í vikunni og vann þá 2-0 sigur en átta af ellefu leikmönnum í byrjunarliðinu voru að spila sinn fyrsta landsleik. Edvin Kurtulus, 22 ára varnarmaður Hammarby, verður með fyrirliðabandið en hann er landsleikjahæsti leikmaður Svía í byrjunarliðinu gegn Íslandi, með aðeins tvo landsleiki. Jacob Widell Zetterström, markvörður Djurgarden, byrjar í marki sænska liðsins en Oliver Dovin hjá Hammarby verður í markinu í seinni hálfleiknum. Báðir leika sinn fyrsta landsleik. Byrjunarlið Svíþjóðar (4-4-2):: 23 Jacob Widell Zetterström – 2 Joe Mendes, 4 Edvin Kurtulus (f), 13 Gustaf Lagerbielke, 6 Elias Andersson – 7 Jacob Ondrejka, 24 Armin Gigovic, 17 Carl Gustafsson, 18 Sebastian Nanasi – 10 Joel Asoro, 14 Victor Edvardsen .

Keepers working hard in training. ?????????????? pic.twitter.com/QzV9XmIQIb

— Knattspyrnusambandið (@footballiceland) January 10, 2023

Fellur þessi leikur eitthvað í skuggann á leik handboltalandsliðsins í kvöld? Má vera! Ísland mætir Svíþjóð í vináttuleik á Estadio Algarve í Portúgal kl. 18:00 að íslenskum tíma en leikurinn verður sýndur beint á Viaplay. Um er að ræða seinni leikinn af tveimur sem íslenska liðið leikur í verkefninu, en fyrri leiknum lauk með 1-1 jafntefli við Eistland. Verkefnið er utan FIFA-glugga eins og fram hefur komið, og því kemur bróðurpartur leikmanna í íslenska hópnum frá félagsliðum í Bestu deildinni, Svíþjóð og Noregi. Fjórir leikmenn hafa yfirgefið íslenska hópinn eftir fyrri leikinn - Guðlaugur Victor Pálsson meiddist gegn Eistlandi og getur ekki verið með gegn Svíum, og fyrirfram var ákveðið að þeir Arnór Ingvi Traustason, Nökkvi Þeyr Þórisson og Andri Lucas Guðjohnsen myndu bara spila fyrri leikinn. A landslið karla hefur mætt Svíum alls 17 sinnum og hafa síðustu tvær viðureignirnar einmitt verið í janúarverkefnum. Markverðir Frederik Schram – 6 leikir Hákon Rafn Valdimarsson – 3 leikir Patrik Sigurður Gunnarsson – 3 leikir Aðrir leikmenn Aron Bjarnason – 0 leikir, 0 mörk Aron Sigurðarson – 7 leikir, 2 mörk Bjarni Mark Antonsson - 2 leikir, 0 mörk Dagur Dan Þórhallsson – 3 leikir, 0 mörk Damir Muminovic – 5 leikir, 0 mörk Danijel Dejan Djuric – 2 leikir, 0 mörk Davið Kristján Ólafsson – 12 leikir, 0 mörk Höskuldur Gunnlaugsson – 7 leikir, 0 mörk Ísak Snær Þorvaldsson – 3 leikir, 0 mörk Júlíus Magnússon – 4 leikir, 0 mörk Kristall Máni Ingason – 3 leikir, 0 mörk Róbert Orri Þorkelsson – 3 leikir, 0 mörk Sævar Atli Magnússon - 1 leikur, 0 mörk Sveinn Aron Guðjohnsen – 18 leikir, 1 mark Valgeir Lunddal Friðriksson – 5 leikir, 0 mörk Viktor Örlygur Andrason – 3 leikir, 0 mörk