Mjög flottur sigur í Liechtenstein, sögulegur sigur. Við erum komnir á blað í undankeppni EM 2023. En núna verðum við að fylgja því eftir í sumar.

Viðtöl koma inn á síðuna í kvöld.

Mikael Neville með aukaspyrnu af 30 metrunum sem fer beint í vegginn.

Leikmenn Liechtenstein geta væntanlega ekki beðið eftir því að flautað verði af. Þeir hafa verið hörmulegir í dag, varla náð að tengja sendingu saman.

Þetta er stærsti sigur karlalandsliðsins í mótsleik frá upphafi. Gott svar eftir hörmungarnar í Bosníu þó þessi leikur í dag hafi verið algjör skyldusigur.

Þetta er afskaplega sannfærandi hjá íslenska liðinu og það er vel gert, en við skulum muna að þetta er Liechtenstein sem er afskaplega slakt lið. Það munu öll liðin í þessum riðli vinna Liechtenstein.

Hafliði Breiðfjörð er á vellinum og tók þessar myndir:

Aron Einar hlýtur að fara á punktinn.

Aron Einar að hóta þrennunni! Með skot að löngu færi sem Buchel nær að verja.

Jón Dagur með aukaspyrnuna sem fer af veggnum og yfir markið. Darraðadans í hornspyrnunni í kjölfarið og Ísland fær aðra hornspyrnu.

Liechtenstein gerði tvöfalda breytingu í hálfleik. Annar þeirra sem kom inn á spilar í varaliði Vaduz, en aðallið félagsins er í B-deildinni í Sviss. Hinn leikmaðurinn sem kom inn á spilar í fimmtu deild í Sviss.

Segir mikið til um það hversu slakt þetta lið sem við erum að spila á móti er.

Liechtenstein tekur aukaspyrnu inn á teiginn og þeir ná skalla að marki. Algjör æfingabolti fyrir Rúnar Alex. Stuðningsmenn Liechtenstein ánægðir með þetta.

Jón Dagur með skot yfir eftir geggjaðan undirbúning Hákons.

Guðlaugur Victor sækir að marki Liechtenstein og ákveður að skjóta sjálfur, nær ekki nægilega góðu skoti og Buchel ver örugglega.

Ísland strax farið að hóta fjórða markinu.

Ein íslensk skipting í hálfleik.

Fyrsta landsliðsmark Davíðs! 1 - 0 ?? pic.twitter.com/Mrhre6vAk6

— Viaplay Sport IS (@ViaplaySportIS) March 26, 2023

Hákon Arnar skorar sitt fyrsta landsliðsmark og kemur í Íslandi í 2-0! pic.twitter.com/elzYnMFjpQ

— Viaplay Sport IS (@ViaplaySportIS) March 26, 2023

Ísland með algjöra yfirburði úti á vellinum, tvö mörk skoruð en tvö mörk dæmd af. Liechtenstein hefur ekkert náð að láta reyna á Rúnar Alex í marki Íslands.

Einn gegn markverði Liechtenstein sem nær að verja frá honum.

Danski dómarinn fór í skjáinn og dæmdi markið af, aukaspyrna dæmd. Hákon steig á varnarmann þegar hann hljóp inn í teiginn.

Markið var flott, kom eftir gott samspil milli Hákons og Arnórs.

Áðan var klappað þegar Liechtenstein náði einhverjum þremur sendingum milli manna. Þetta lið er ekki burðugt.

Þurfum að fara að fá upp meira tempó í spilið, hefur hægst á þessu hjá okkur.

Simon Lüchinger þarf aðhlynningu.

Orðið nokkuð síðan við fengum almennilegt færi.

En náði ekki miklum krafti. Buchel í marki Liechtenstein varði.

Brotið á Jón Degi rétt fyrir utan D-bogann. Aukaspyrna á frábærum stað.

Staðan er enn 1-0, Íslandi í vil. Fyrri hálfleikur hálfnaður.

Hörður Björgvin skallar yfir, þurfti að teygja sig í þennan.

Lars Traber stálheppinn að skora ekki sjálfsmark, setti boltann rétt framhjá eigin marki.

Jón Dagur með fyrirgjöf en varnarmaður Liechtenstein hreinsar frá.

Danski dómarinn dæmir brot og Alfreð virkar steinhissa. Stjakaði þarna við varnarmanni Liechtenstein, strangur dómur.

Jón Dagur með skot framhjá eftir flotta sókn, Alfreð Finnboga gerði vel og átti sendingu á Arnór sem kom Liechtenstein í opna skjöldu. Arnór með fyrirgjöfina á Jón Dag sem setti boltann framhjá.

Íslenska liðið einokar boltann án þess að fá nokkra pressu frá heimamönnum. Jóhann Berg með ágætis skottilraun fyrir utan teiginn en framhjá.

Ísland fær aukaspyrnu. Jóhann Berg með fyrirgjöf í teiginn sem markvörður heimamanna grípur.

Jón Dagur skallaði hornspyrnuna frá og Ísland fór í skyndisókn sem endaði með því að Hákon Arnar átti sendingu á Alfreð í teignum en erfiður bolti sem Alfreð náði ekki að gera neitt við.

Væntanlega pirraður yfir úrslitum danska liðsins fyrr í dag.

Rétt eins og gegn Bosníu erum við alhvítir í þessum leik. Liechtenstein í bláum treyjum, rauðum stuttbuxum.

Ekki bara byrjað að rigna heldur mætti rok skyndilega líka. Fyrir hálftíma var prýðisveður. Jæja þjóðsöngvarnir.

Liðin eru mætt í göngin og það er byrjað að rigna.

Á leikvangnum eru fjórar stúkunni en það verður aðeins setið í einni af þeim og hún verður langt frá því að vera full. Sagt er að um 20 Íslendingar verði viðstaddir leikinn.

Sjálfur spái ég 3-0 sigri. Alfreð, Hákon og Sævar Atli með mörkin.

Valur Páll Eiríksson á Sýn spáir 4-0 sigri Íslands.

Afmælisbarnið Helgi Sigurðsson á Torgi spáir 3-0.

Stefán Teitur Þórðarson kemur inn á miðsvæðið í stað Arnórs Ingva Traustasonar. Aron Einar Gunnarsson fyrirliði er kominn úr leikbanni og byrjar í hjarta varnarinnar. Daníel Leó Grétarsson fær sér sæti á bekknum.

Þórir Jóhann Helgason er veikur og er ekki í hóp.

Leikvangurinn tekur 6.127 í sæti en samkvæmt því sem við höfum heyrt verður afskaplega fámennt á vellinum og mörg tóm sæti.

Styrktarþjálfari Liechtenstein er Sebastian Boxleitner.

Hinn þýski Boxleitner tók við sem styrktarþjálfari íslenska landsliðsins 2016 og var í því starfi til 2019. Hann var þá rekinn frá KSÍ eftir að Erik Hamren gerðist þjálfari liðsins.

Rínarvöllurinn í Vaduz þar sem Liechtenstein og Ísland mætast klukkan 16:00 #fotboltinet pic.twitter.com/yuFcfbATZP

— Fótbolti.net (@Fotboltinet) March 26, 2023

Eins og lesendur vita þá tapaði Ísland 3-0 fyrir Bosníu í liðinni viku. Á sama tíma fór fram leikur Slóvakíu og Lúxemborg í sama riðli en hann endaði með markalausu jafntefli. Mikil reiði er vegna þessara úrslita í Slóvakíu.

„Þetta er rosalega opinn riðill," sagði Arnar Þór Viðarsson landsliðsþjálfari á fréttamannafundi í gær þegar hann var beðinn um að segja hvað úrslitin í Slóvakíu segja honum.

„Ef það er eitthvað sem ég hef lært á þessum fimm árum sem ég hef þjálfað landslið, fyrst U21 landsliðið og svo í undankeppninni fyrir HM, að riðlarnir hafa verið opnir og mörg lið svipuð að styrkleika."

„Það hefur enginn verið að tala um Lúxemborg hingað til en þessi úrslit sýna að þeir eru vel skipulagðir og gott lið. Þeir eru komnir með leikmenn á fínum stöðum í Evrópu. Strax þarna missir Slóvakía af stigum heima."

„Ég hef sagt það að í þessum riðli þurfum við að vinna fjóra heimaleiki og tvo til þrjá útileiki. Við fórum inn í þennan leik gegn Bosníu með það í huga að það væri frábært að ná sigri, það hefði verið mjög gott að ná jafntefli. Mótið er ekki búið þrátt fyrir tap og þessi úrslit, 0-0 hjá Slóvakíu og Lúxemborg sýna okkur að liðin eiga eftir að taka stig hvert af öðru," segir Arnar.

„Ef við náum í þessi stig verðum við mjög nálægt þessu en þá þurfum við að bæta leik okkar á ákveðnum sviðum. Ég les það úr þessum úrslitum, þetta verður rosalega opið og er langt maraþon."

Liechtenstein er með bráðabirgðastjóra. Martin Stocklasa sem hafði verið landsliðsþjálfari Liechtenstein frá 2020 rifti samningi sínum í byrjun þessa mánaðar.

Hann sagði upp til að taka við félagsliðinu Vaduz í Liechtenstein en það tekur þátt í svissnesku deildakeppninni og er í níunda sæti B-deildarinnar. Það er ekki deild í Liechtenstein en sjö lið frá landinu spila í svissnesku deildakeppninni.

Stocklasa var fyrsti þjálfarinn sem er frá Liechtenstein sem stýrði landsliði þjóðarinnar

Austurríkismaðurinn Rene Pauritsch, sem er yfirmaður fótboltamála hjá Liechtenstein, tók við landsliðinu til bráðabirgða og stýrði því gegn Portúgal og svo gegn Íslandi í dag.

Þrettán leikmenn í landsliðshópi Liechtenstein spila með félagsliðum frá Liechtenstein en níu með liðum í Austurríki og Sviss. Sá sem sker sig úr er Dennis Salanovic, vængmaður CF Talavera í spænsku C-deildinni. Landsleikjahæstur í hópnum er bakvörðurinn Seyhan Yildiz sem hefur leikið 60 landsleiki en hann spilar fyrir Eschen/Mauren.

Ef allt er eðlilegt vinnur Ísland sannfærandi sigur í dag gegn einu lélegasta landsliði heims. Liechtenstein hefur ekki skorað í sex síðustu landsleikjum. Liðið er án sigurs í síðustu 26 leikjum sem er næstversta skrið landsliðs í Evrópu, á eftir San Marínó.

Meðal tapleikja eru ósigrar gegn Andorra, Gíbraltar, Færeyjum og 6-0 tap gegn Grænhöfðaeyjum. Þjálfarar eru ekki hrifnir af orðinu skyldusigur en það orð á afskaplega vel við varðandi leikinn í dag.

Þessi lið mættust 2021 í undankeppni HM. Ísland vann heimaleikinn 4-0 á Laugardalsvelli og útileikinn 4-1.

???? Guðjohnsen ?? Guðjohnsen last time we met Liechtenstein!#AfturáEM pic.twitter.com/efoNu0WcrU

— Knattspyrnusambandið (@footballiceland) March 26, 2023

Danski dómarinn Jakob Kehlet er með flautuna í þessum leik. Dómaratríóið í dag og fjórði dómarinn eru allir frá Danmörku en Pólverjar sjá hinsvegar um VAR myndbandsdómgæsluna. Pawel Pskit er VAR dómari.

Ísland mætir Liechtenstein í undankeppni EM 2024 í Liechtenstein.

Leikurinn fer fram á Rínarvellinum í Vaduz, þjóðarleikvangi gestgjafanna í Liechtenstein.

Bæði Ísland og Liechtenstein töpuðu fyrsta leik sínum í undankeppninni, Ísland gegn Bosníu-Hersegóvínu 3-0 og Liechtenstein tapaði 4-0 gegn Portúgal.