Viðtöl koma inn á síðuna á eftir.

Það var allt mjög undarlegt í kringum þetta víti, virkaði mjög stressuð og setti boltann yfir markið.

Það kom ekkert sigurmark og því erum við á leið í vító. Þetta verður spennandi! Stjarnan er með reynslu af vítakeppni en þær unnu Þrótt í undanúrslitunum eftir eina slíka. Hvað gerist núna?

Stjarnan heldur áfram að herja á Akureyringana. Fáum við sigurmark?

Það eru 223 áhorfendur á Samsungvellinum í dag.

Gunnhildur Yrsa reynir skot að marki en varnarveggur Þórs/KA nær að blokka það. Þetta er algjör einstefna!

Heiða Ragney nær skallanum eftir hornspyrnuna en setur boltann fram hjá. Það er aftur komin grenjandi rigning í Garðabæ.

Stjörnukonur liggja á Þór/KA. Alma í mjög hættulegri stöðu en Hulda Björg nær að bjarga. Stjarnan fær svo horn.

Arna Dís í góðri stöðu með fullt af Stjörnukonum í teignum en finnur enga þeirra.

Alma reynir sendingu fyrir en boltinn fer aftur fyrir endamörk. Stjarnan líklegri til að setja sigurmarkið.

Þessi leikur hefur heldur betur verið góð auglýsing fyrir Bestu deild kvenna sem hefst síðar í þessum mánuði. Sú deild verður mjög áhugaverð í sumar.

Ef þetta endar svona þá förum við beint í vítaspyrnukeppni.

Stúkan tekur við sér, heimakonur hvattar áfram í leit að sigurmarkinu.

Varamaðurinn Alma Mathiesen með boltann fyrir utan teig og íhugar lengi hvort hún eigi að taka skotið eða ekki. Hún lætur svo vaða og er skotið rétt yfir markið. Mjög fín tilraun.

Jasmín meira miðsvæðis núna og hún byrjar á því að þræða Andreu Mist í gegn, en hún reynir skot úr mjög erfiðri stöðu. Fer fram hjá markinu.

Andrea Mist fær högg og það þarf að hlúa að henni. Á meðan nýta bæði lið tækifærið og taka liðsfundi á vellinum.

Þór/KA að hóta öðru marki. Sandra María með skalla fram hjá markinu.

Núna er byrjað að hellirigna.

Gyða Kristín aftur með skot í varnarmann. Sædís kemst í kjölfarið í skotfæri en Harpa ver. Heimakonur eru að færast nær.

Mjög vel spilað hjá Stjörnunni en Snædís er aðeins of lengi á boltanum. Gyða fær svo boltann en á skot sem fer í varnarmann.

Bakvörðurinn fær boltann inn á teignum en hittir hann ekki nægilega vel og skóflar honum einhvern veginn yfir markið.

Sandra María fellur í teignum og gestirnir vilja fá vítaspyrnu en ég held að það hafi verið lítið í þessu.

Þór/KA með grjótharða stuðningskonu í stúkunni sem reynir að keyra sitt lið í gang.

Sædís með hornspyrnu sem fer í gegnum allan pakkann. Þetta var hættulegt!

Jasmín leggur boltann út á Sædísi sem kemur á ferðinni. Hún á skot en það fer beint í varnarmann.

Jasmín með geggjaða sendingu á Gyðu en hún nær ekki nægilega góðu skoti og Harpa handsamar boltann.

Hvort liðið mun standa uppi sem sigurvegari í Lengjubikar kvenna?

Liðin eru að mæta aftur út á völl og við förum senn að byrja aftur.

Fyrri hálfleikurinn að baki. Stjarnan heilt yfir verið sterkari aðilinn en Þór/KA hefur átt sínar rispur. Verður afar fróðlegur seinni hálfleikur hér í Garðabænum.

Útlit fyrir að staðan verði jöfn í hálfleikshléinu.

Arna Dís vinnur boltann og á hættulegan bolta fyrir, en Harpa kemur út og grípur hann.

Það liggur svolítið á Þór/KA núna. Gott spil hjá Stjörnunni og Sædís á hættulega sendingu fyrir en hún fann ekki samherja.

Stuttu eftir jöfnunarmarkið var Gunnhildur komin í dauðafæri en Harpa gerði vel í því að verja frá henni.

Erin handsamar boltann eftir hornspyrnuna og sparkar honum út á vinstri kantinn.

Þór/KA fær aukaspyrnu með ágætis fyrirgjafarmöguleika. Boltinn fyrir og Erin rétt nær að kýla hann í burtu. Gestirnir fá horn.

Það er ekki aðeins landsliðsþjálfarinn sem er í stúkunni því þar eru líka Vanda Sigurgeirsdóttir, formaður KSÍ, og Jörundur Áki Sveinsson, sem er yfirmaður fótboltamála hjá sambandinu. Þórður Þórðarson, þjálfari U23 landsliðsins, er líka mættur. Dóttir Jörundar - Snædís María - er í byrjunarliði Stjörnunnar.

Flott spil hjá Stjörnunni og það skapast smá darraðadans inn á teignum, en Harpa nær að handsama boltann.

Leikir: 7 Mörk: 12

Snýr aftur 29 mánuðum síðar - „Komin í formið sem hún ætti að vera í" https://t.co/q61C755uBn

— Fótbolti.net (@Fotboltinet) March 24, 2023

Í byrjun leiks skrifaði ég í 'aðstæður' dálkinn að það væri loksins farið að vora en ég tek það til baka. Það er núna mjög grátt yfir og rosalega kuldalegt.

Þór/KA fær hornspyrnu og Tahnai á skalla að marki en Gunnhildur kemur boltanum í burtu.

Mjög góð sókn hjá Stjörnunni. Heiða Ragney finnur Gunnhildur sem á svo flotta sendingu á bak við vörnina á Jasmín. Svo á Jasmín sendingu fyrir en Jakobína versta vel og kemur boltanum frá.

Sædís með tvær ömurlegar hornspyrnur í röð og Þór/KA geysist upp í skyndisókn. Þær fá í kjölfarið innkast á vallarhelmingi Stjörnunnar.

Stjarnan í álitlegri sókn. Gyða Kristín í fyrirgjafastöðu og vinnur hornspyrnu.

Stjarnan fær svo aðra hornspyrnu en gestunum tekst að koma boltanum í burtu.

Gunnhildur með fasta sendingu út á Jasmín en Ísfold verst vel í teignum. Stjarnan fær hoprnspyrnu.

Stjarnan byrjaði betur en Þór/KA hefur verið að vinna sig meira og meira inn í leikinn.

Slæm sending út úr vörn Stjörnunnar og Karen María reynir skot fyrir utan teig, en það var aldrei líklegt. Hefði líklega getað gert betur úr þessari stöðu.

Harpa Ísfold Marý - Dominique - Jakobína - Steingerður Hulda Ósk - Kimberley Dóra - Tahnai - Sandra María Amalía - Karen María

Tahnai með skot að marki en það er laust og fer fram hjá markinu.

Jasmín með flotta sendingu fyrir en Snædís María nær ekki að setja tána í boltann. Svo á Arna Dís skot sem fer í varnarmann.

Erin Arna Dís - Anna María - Eyrún Embla - Sædís Rún Andrea Mist - Heiða Ragney Gyða Kristín - Gunnhildur Yrsa - Jasmín Snædís María

Þá förum við af stað. Þór/KA byrjar með boltann og sækir í átt að Hagkaup í Garðabæ.

Erin, markvörður Stjörnunnar, er ekki að spila í markmannsbúningi. Hún er þess í stað að leika í vindstakki...

Upphitun er lokið. Leikmenn farnir inn í klefa og eftir um það bil tíu mínútur mun Helgi Mikael Jónasson flauta til leiks í þessum úrslitaleik.

Þorsteinn Halldórsson, landsliðsþjálfari kvenna, er mættur í stúkuna og mun fylgjast með leiknum.

Eitt það athyglisverðasta við lið Stjörnunnar í sumar er hver verður aðalmarkvörður. Landsliðsmarkvörðurinn Auður Scvheving var fengin frá Val áður en Ólympíumeistarinn Erin McLeod kom svo til félagsins. Erin er eiginkona Gunnhildar Yrsu. Erin byrjar í dag og Auður er á bekknum. Þetta er ákveðinn hausverkur fyrir Kristján, þjálfara Stjörnunnar.

1. Harpa Jóhannsdóttir (m) 2. Dominique Jaylin Randle 5. Steingerður Snorradóttir 6. Tahnai Lauren Annis 7. Amalía Árnadóttir 9. Karen María Sigurgeirsdóttir 10. Sandra María Jessen (f) 16. Jakobína Hjörvarsdóttir 22. Hulda Ósk Jónsdóttir 26. Ísfold Marý Sigtryggsdóttir 27. Kimberley Dóra Hjálmarsdóttir

1. Erin Katrina Mcleod (m) 3. Arna Dís Arnþórsdóttir 5. Gunnhildur Yrsa Jónsdóttir 10. Anna María Baldursdóttir (f) 14. Snædís María Jörundsdóttir 16. Sædís Rún Heiðarsdóttir 18. Jasmín Erla Ingadóttir 19. Andrea Mist Pálsdóttir 21. Heiða Ragney Viðarsdóttir 23. Gyða Kristín Gunnarsdóttir 30. Eyrún Embla Hjartardóttir

Það er frítt inn á leikinn í Garðabænum og ég mæli eindregið með því að skella sér á völlinn. Fyrir þá sem komast ekki þá verður auðvitað vel fjallað um leikinn í þessari textalýsingu.

Fyrir nokkru síðan ræddi ég við Gunnhildi Yrsu um heimkomuna í Stjörnuna. Það er óhætt að mæla með því spjalli fyrir þennan leik.

Gunnhildur Yrsa er mætt heim - Kom ekkert annað til greina https://t.co/adoKdPlAvo

— Fótbolti.net (@Fotboltinet) February 5, 2023

Heimavöllurinn gaf á dögunum út ótímabæra spá fyrir Bestu deild kvenna. Þar var Stjörnunni spáð Íslandsmeistaratitlinum. 1. Stjarnan 2. Valur 3. Breiðablik 4. Þróttur R. 5. Selfoss 6. Þór/KA 7. ÍBV 8. Keflavík 9. FH 10. Tindastóll

Þór/KA hafnaði í sjöunda sæti á síðustu leiktíð. Jóhann Kristinn Gunnarsson tók aftur við liðinu og hafa verið gerðar nokkrar breytingar á leikmannahópnum. Komnar Dominique Randle Karen María Sigurgeirsdóttir á láni frá Breiðabliki Tahnai Annis Farnar Andrea Mist Pálsdóttir í Stjörnuna Arna Eiríksdóttir í Val (var á láni) Margrét Árnadóttir til Parma María Catharina Ólafsdóttir Gros til Fortuna Sittard Sara Mjöll Jóhannsdóttir í HK Tiffany McCarty Karen María Sigurgeirsdóttir

Stjarnan endaði í öðru sæti í Bestu deildinni síðasta sumar. Síðan þá hafa verið gerðar nokkrar breytingar á liðinu. Komnar Auður Sveinbjörnsdóttir Scheving frá Val Andrea Mist Pálsdóttir frá Þór/KA Erin McLeod frá Orlando Pride Eyrún Vala Harðardóttir frá Breiðabliki (var á láni hjá Aftureldingu) Gunnhildur Yrsa Jónsdóttir frá Orlando Pride María Sól Jakobsdóttir frá HK (var á láni) Katrín Ósk Sveinbjörnsdóttir frá Sindra (var á láni) Klara Mist Karlsdóttir frá HK (var á láni) Ólína Ágústa Valdimarsdóttir frá KR (var á láni) Snædís María Jörundsdóttir frá Keflavík (var á láni) Sylvía Birgisdóttir frá Haukum (var á láni) Farnar Alexa Kirton í Fram Chante Sandiford hætt Hildigunnur Ýr Benediktsdóttir í FH Katrín Ásbjörnsdóttir í Breiðablik Rakel Lóa Brynjarsdóttir í Gróttu (var á láni hjá HK) Stærst er það náttúrulega að landsliðskonan Gunnhildur Yrsa Jónsdóttir er mætt heim.

Sandra María Jessen hefur verið stórkostleg með Þór/KA í Lengjubikarnum og skorað ellefu mörk. Hún vann sér inn sæti í A-landsliðinu á dögunum og fer með því í verkefni núna síðar í þessum mánuði.

Þór/KA endaði líkt og Stjarnan í öðru sæti í riðli sínum. A deild kvenna riðill 1 1. Þróttur R. - 15 stig 2. Þór/KA - 12 stig 3. Valur - 9 stig 4. Selfoss - 6 stig 5. FH - 3 stig 6. KR - 0 stig Þór/KA 6 - 1 FH KR 1 - 3 Þór/KA Þór/KA 4 - 3 Valur Þróttur R. 3 - 1 Þór/KA Þór/KA 7 - 2 Selfoss Þór/KA gerði svo gríðarlega vel í undanúrslitunum þar sem þær unnu sigur gegn Breiðabliki á Kópavogsvelli, 1-2. Tahnai Lauren Annis skoraði þar tvennu.

Stjarnan endaði í öðru sæti í riðli sínum. A deild kvenna riðill 2 1. Breiðablik - 13 stig 2. Stjarnan - 13 stig 3. Tindastóll - 9 stig 4. ÍBV - 6 stig 5. Keflavík - 3 stig 6. Afturelding 0 stig Stjarnan 6 - 0 Tindastóll Afturelding 1 - 2 Stjarnan Stjarnan 2 - 0 Keflavík Stjarnan 1 - 1 Breiðablik Stjarnan 3 - 1 ÍBV Stjarnan spilaði svo við Þrótt í undanúrslitunum og vann leik eftir vítaspyrnukeppni. Jasmín Erla Ingadóttir er markahæsti leikmaður Stjörnunnar í Lengjubikarnum með fjögur mörk.

Sumarið er að koma, fótboltinn er að byrja. Í dag er fyrsti alvöru bikar tímabilsins í kvennaboltanum í húfi þegar Stjarnan og Þór/KA eigast við á Samsungvellinum.