Gríðarlega svekkjandi úrslit fyrir íslenska liðið, og sérstaklega í ljósi þess þar sem við skoruðum löglegt mark í fyrri hálfleik sem var dæmt af. Ísland var ekki verri aðilinn í þessum leik en tapar samt. Mjög svekkjandi niðurstaða.

Danijel lyftir boltanum á fjærstöngina en þar er enginn. Markspyrna sem Wales fær þegar ein mínúta er eftir.

Tvær mínútur eftir af uppbótartímanum. Ísland er að reyna og reyna.

Andri með skot sem fer fram hjá markinu.

Frábær sókn hjá Íslandi! Boltinn berst til hægri á Ara sem á stórkostlega fyrirgjöf á Kristal sem er aleinn í teignum. Hann á skrítið skot sem fer beint á Beach. Þarna hefði Kristall átt að gera betur!

Góður bolti frá Eggerti inn á teiginn, beint á Danijel Dejan Djuric sem nær flottum skalla en Beach ver í markinu.

Frábær spyrna fyrir markið en Walesverjar eru ákveðnir og skalla í burtu.

Fullt af tíma fyrir jöfnunarmark. Fáum hornspyrnu núna.

Ari Sigurpáls í dauðafæri inn á teignum, en missir boltann frá sér. Hann er í kjölfarið dæmdur rangstæður.

Það hefur vantað áræðni inn í teignum, meiri grimmd á að ná boltanum á hættulegum stöðum.

Kristall með góðan bolta fyrir markið en það er enginn mættur til að setja boltann yfir línuna.

Andri Fannar í frábæru færi eftir mjög gott spil en setur boltann rétt fram hjá markinu. Maður sá þennan bolta liggja í netinu!

Við höfum því miður ekki náð að skapa okkur almennilegt færi ellefu á móti tíu. Að fá stig út úr þessum leik væri frábært.

Þetta er aðeins of hægt hjá okkur, verðum að lyfta þessu upp.

Núna fáum við hálftíma manni fleiri. Við verðum að nýta okkur þetta. Koma svo strákar!

Ég held alveg klárlega að Adam sé búinn að ljúka leik. Þetta var ótrúlega þungt högg.

Það væri örugglega sniðugt að skipta og hrista aðeins upp í þessu. Aðeins dottið niður hjá íslenska liðinu síðustu mínútur.

Logi tvisvar núna búinn að fá höfuðhögg á skömmum tíma en hann heldur leik áfram.

Frábær sókn hjá Íslandi. Eggert Aron með góðan sprett þar sem hann finnur Kristal. Hann setur Hilmir í gegn, en skot hans fer í varnarmann. Frábært færi sem fer forgörðum þarna.

Menn að gæða sér á kjötbökum og fleira góðgæti í stúkunni. Alvöru bresk stemning.

Davíð Snær skallar boltann næstum því í eigið net, en hann fer sem betur fer í hliðarnetið. Svo kemur önnur hornspyrna en Adam handsamar boltann þá.

Heimamenn í mjög fínu færi en Andri Fannar gerir vel í því að koma boltanum aftur fyrir í hornspyrnu.

Adam Ingi í smá brasi, of lengi á boltanum en sleppur með það. Fær markspyrnu.

Davíð Snær, sem er búinn að vera öflugur í leiknum, á hér mjög flotta fyrirgjöf frá hægri en Hilmir nær ekki almennilegum skalla. Okkar strákar að byrja seinni hálfleikinn af krafti.

Koma svo Ísland!

Pirrandi að staðan sé svona. Wales átti sína kafla í leiknum en íslenska liðið heilt yfir verið hættulegra. Staðan á að vera jöfn þar sem Íslendingar voru rændir marki af dómaranum áðan. Kristall Máni skoraði þá löglegt mark sem var dæmt af.

Wales að sleppa í gegn en Hlynur Freyr á stórkostlega tæklingu! Bjargaði mögulega marki þarna.

Eggert Aron er mættur aftur út á völl.

Eggert Aron skallar Ólaf og fær slæmt höfuðhögg. Þetta lítur ekki vel út.

Íslendingarnir eru hættulegir núna. Fáum hornspyrnu sem Andri Fannar tekur að venju. Góð spyrna en við náum ekki að gera mikið við hana, því miður.

Kristall Máni jafnar metin en markið er dæmt af vegna hendi. Þetta er algjört kjaftæði. Hann tekur hann með öxlinni. Dómarinn að ræna okkur jöfnunarmarkinu. Því miður er ekkert VAR í þessum leik. Frábær sókn hjá íslenska liðinu en dómarinn stelur senunni.

Davíð með stórhættulega fyrirgjöf en Hilmir er ekki mættur. Hann verður að vera mættur þarna til að pota þessu yfir línuna.

Wales í stórhættulegri skyndisókn en sem betur fer á Luke Harris ömurlega móttöku þegar hann er að komast einn gegn markverði.

Rubin Colwill með skot fyrir utan teig sem fer rétt fram hjá markinu.

Núna verðum við bara að svara þessu.

Heimamenn að halda vel í boltann en eru ekki að skapa sér neitt, ekki neitt.

Íslenska liðið skapað öll færin í þessum leik til þessa. Walesverjar hafa ekkert gert fram á við.

Boltinn dettur fyrir Kristal í teignum og hann tekur vel á móti honum. Hann reynir svo skot úr mjög fínu færi en hittir ekki á markið!

Meistarinn Robbie Savage er auðvitað mættur í stúkuna að horfa á son sinn.

Andri Fannar með frábæra hornspyrnu á nærstöngina þar sem Óli Guðmunds nær skallanum yfir á fjærstöngina. Logi Hrafn var aleinn á fjær en boltinn aðeins fyrir aftan hann.

Eggert Aron með boltann rétt fyrir utan teig og reynir skot, en það fer í varnarmann. Ísland fær svo hornspyrnu.

Rólegt yfir þessu, íslenska liðið verið hættulegra en lítið um færi þessar fyrstu 13 mínútur leiksins.

Kristall í frábærri stöðu en nær ekki að gera nægilega vel í þessu. Ætlaði að reyna að þræða Hilmi í gegn, en sendingin er alltof föst.

Andri Fannar finnur Óla Guðmunds á nærstönginni, en hann nær ekki að stýra skallanum á markið.

Eggert Aron gerir afskaplega vel og kemur boltanum á Ísak úti vinstra megin. Hann á stórhættulega fyrirgjöf sem heimamenn skalla aftur fyrir. Hornspyrna sem Ísland á.

Davíð Snær með fínan bolta fyrir markið og Hilmir Rafn er nálægt, en Edward Beach grípur inn í.

Walesverjar að sleppa í gegn en sem betur fer er rangstaða dæmd.

Davíð Snær er að spila út á hægri kanti. Erum í 4-2-3-1 þar sem Kristall er fyrir aftan Hilmir Rafn, sóknarmanninn. Ísak Andri er úti vinstra megin og svo eru Andri Fannar og Eggert Aron saman á miðsvæðinu. Vörnin er eins og búist var við.

Þjóðsöngvarnir að baki og allt klárt. Við rúllum af stað. Áfram ÍSLAND!

???? #fyririsland pic.twitter.com/0wdqKDS0GL

— Knattspyrnusambandið (@footballiceland) November 16, 2023

Frá síðasta leik, sem var sigurleikur gegn Litháen, þá gerir Davíð Snorri Jónasson, þrjár breytingar. Lúkas Petersson er í banni og kemur Adam Ingi Benediktsson inn í markið í staðinn fyrir hann. Danijel Dejan Djuric fer á bekkinn en í hans stað kemur Davíð Snær Jóhannsson, og þá kemur Ísak Andri Sigurgeirsson inn fyrir Mikael Egil Ellertsson. Adam og Davíð komu frábærir inn í leikinn gegn Litháen og voru hetjurnar í þeim leik.

„Þetta verkefni leggst mjög vel í mig, þetta verður hörkuleikur, tvö góð lið að mætast sem eru búin að standa sig vel í byrjun móts. Þessi leikur verður 'one to watch'," sagði Davíð Snorri Jónasson við Fótbolta.net í gær. „Það er fegurðin við þennan riðil, hvað hann er jafn. Mér finnst frábært að vera í riðli þar sem hver leikur er að fara gefa okkur helling. Riðillinn verður jafn. Það mun hjálpa okkur svakalega mikið lið að vera að spila leiki sem eru allir miklar áskoranir og að sama skapi mun það hjálpa leikmönnunum persónulega. Við fögnum því að vera á þessum stað og þetta verður svakalegt."

Charlie Savage. Hann er sonur Robbie Savage og var um tíma á mála hjá Manchester United. Þessi tvítugi miðjumaður spilaði einn aðalliðsleik fyrir United áður en hann gekk í raðir Reading í sumar.

Lúkas Petersson, markvörður Hoffenheim, er ekki með að þessu sinni þar sem hann er í leikbanni en Ólafur Kristófer Helgason úr Fylki kemur inn í hans stað. Eftir að upprunalegi hópurinn var tilkynntur, þá voru gerðar tvær breytingar. Eyþór Aron Wöhler og Bjarna Guðjón Brynjólfsson voru kallaðir inn í hópinn fyrir Andra Lucas Guðjohnsen og Mikael Egil Ellertsson sem fóru upp í A-landsliðið. Hópurinn okkar er svona: 1. Ólafur Kristófer Helgason (m) 12. Adam Ingi Benediktsson (m) 13. Halldór Snær Georgsson (m) 2. Valgeir Valgeirsson 4. Logi Hrafn Róbertsson 5. Ólafur Guðmundsson 6. Anton Logi Lúðvíksson 7. Óli Valur Ómarsson 8. Andri Fannar Baldursson 9. Eyþór Aron Wöhler 10. Kristall Máni Ingason 11. Ísak Andri Sigurgeirsson 14. Hlynur Freyr Karlsson 15. Ari Sigurpálsson 17. Óskar Borgþórsson 18. Hilmir Rafn Mikaelsson 19. Danijel Dejan Djuric 20. Jakob Franz Pálsson 21. Eggert Aron Guðmundsson 22. Bjarni Guðjón Brynjólfsson 23. Davíð Snær Jóhannsson

Leikurinn á fimmtudag er annar leikur þjóðanna í þessum aldursflokki, en liðin mættust fyrst árið 2013 í vináttuleik. Sá leikur endaði með 3-0 sigri Wales.

Þetta er þriðji leikur Íslands í riðlinum, en áður hefur liðið unnið 2-1 sigur gegn Tékklandi og 1-0 sigur gegn Litháen. Wales hefur leikið þrjá leiki, unnið Litháen en gert jafntefli við Danmörku og Tékkland.

Og verið velkomin í beina textalýsingu frá leik Wales og Ísland í undankeppni Evrópumóts U21 landsliða. Leikið verður á Rodney Parade í Newport í Suður-Wales.