SKÝRSLAN: Titlaóðir Víkingar - Meistarar meistara meistaranna
Hvað réði úrslitum?
Erfitt að segja þar sem leikurinn sigrast í vítaspyrnukeppni sem er bara 50/50 en það mætti segja að bæði lið hafi verið ósátt að fara með leikinn alla leið í vító. Valsmenn einum manni fleiri nánast helminginn af öllum seinni hálfleiknum og Víkingar sköpuðu sér fullt af færum til að koma sér í betri stöðu í upphafi síðari hálfleiks.
Bestu leikmenn
1. Frederik Schram (Valur)
Ef það hefði ekki verið fyrir honum og hans markvörslum í byrjun seinni hálfleiks þá hafði Víkingur unnið þennan leik þægilega í venjulegum leiktíma. Hins vegar hefði hann mátt taka eitt víti í vítaspyrnukeppninni en kannski erfitt að setja þá kröfu á hann þar sem sum víti voru bara sturluð. En heilt yfir mjög góður leikur fyrir utan líka kannski tvær sendingar.
2. Erlingur Arnarsson
Ég átti erfitt með að finna einhvern sem á þetta skilið. Það var svosem enginn sem stóð eitthvað mjög mikið upp úr en Erlingur fannst mér gera mjög vel í dag margoft. Skapaði helling af færum og á auðvitað þessa fyrirgjöf sem býr til fyrsta mark Víkinga og var bara mjög sprækur í kvöld.
Atvikið
Klárlega rauða spjaldið hans Halldórs Smára. Allt allt of groddaraleg tækling sem verðskuldar klárlega rautt spjald. Hann fær vissulega annað gula og þar með rautt en hann hefði alveg getað fengið beint rautt fyrir þessa tæklingu. Það verður líka allt vitlaust í kjölfarið og það fara fullt af spjöldum á loft. En hins vegar dó leikurinn eftir þetta og ég man varla eftir færi hjá báðum liðum eftir rauða spjaldið.
Hvað þýða úrslitin?
Víkingar eru meistarar meistaranna. Eða janfvel meistarar meistara meistaranna þar sem þeir eru bikar- og íslandsmeistarar og taka þennan titil í kvöld.
Vondur dagur
Það er erfitt að velja einhvern einn Valsara í dag. Hugmyndasnauðir er líklegast orðið sem lýsir Valsmönnum hvað best í seinni hálfleiknum. Miklu meira með boltann en engin sköpunarmáttur í liðinu á seinasta þriðjungnum. Planið leit bara út fyrir að vera að senda á Aron Jóh, láta hann koma með bolta upp völlinn og vona það besta. En ég ætla að láta Sigurð Egil og Elfar Freyr deila þessu. Sigurður Egill steinsofandi í markið Víkinga eftir tæpar 40 sekúndur og Elfar Freyr skorar sjálfsmark. Þeir deila þessu. Valdimar Þór fær líka shout. Man ekki eftir honum á vellinum.
Dómarinn - 10
Ég man ekki eftir einu atviki í leiknum sem Ívar og hans teymi rangt. Stigu varla feilspor í kvöld. Ekki oft sem það er talað um dómara þegar þeir dæma vel en mér finnst það alveg má að ræða það líka þegar þeir eiga góða leiki. Ívar og hans teymi fá fullt hús frá mér í kvöld!