SKÝRSLAN: Einir á toppnum sungu KRingar
Hvað réði úrslitum?
Pressa KR eða mistökin sem Stjarnan gerði? Örsök og afleiðing og allt það en KR liðið átti hreinlega bara heilsteyptari og betri leik en Stjarnan í dag og stendur uppi sem verðskuldaður sigurvegari að leik loknum.
Bestu leikmenn
1. Alex Þór Hauksson
Kann greinilega ágætlega við sig á Samsung og var öðrum fremri á miðjum vellinum í dag á sínum gamla heimavelli.
2. Axel Óskar Andrésson
Aðeins sofandi í marki Stjörnunar en þess utan átti hann fínasta leik sem hann kórónaði með marki. Man ekki eftir einvígi í fljótu bragði sem hann tapaði. Annar sem vert er að nefna eru Theodór Elmar Bjarnason sem átti góðan leik sömleiðis.
Atvikið
Fyrsta mark leiksins var í klaufalegri kantinum. Árni Snær mættur langt út í teiginn til að hirða upp boltann en hreinlega missir hann úr höndunum fyrir fætur Ægis Jarls sem þakkar pent fyrir sig og skorar í tómt markið.
Hvað þýða úrslitin?
KR á toppnum með sex stig um stundarsakir í það minnsta og geta fagnað því.
Stjarnan enn stigalaust og í botnsæti deildarinnar.
Vondur dagur
Árni Snær vill örugglega ekki horfa of oft á atvik leiksins. Vildi reyndar meina að brotið hefði verið á sér á vellinum en hvorki ég né aðrir blaðamenn gátum séð að svo hefði verið.
Dómarinn - 7
Engin risaatvik sem slík sem Ívar þurfti að taka ákvörðun um í dag. Heilt yfir fínasti leikur hjá honum.