Allegri orðaður við Man Utd - Modric að framlengja við Real Madrid
Grindavík
2
3
Fjölnir
0-1 Máni Austmann Hilmarsson '7 , víti
0-2 Guðmundur Karl Guðmundsson '45
Kristófer Konráðsson '66 1-2
1-3 Dagur Ingi Axelsson '75
Símon Logi Thasaphong '92 2-3
01.05.2024  -  19:15
Víkingsvöllur
Lengjudeild karla
Aðstæður: Hæg sunnan átt, skýjað og hiti um 9 gráður
Dómari: Ívar Orri Kristjánsson
Áhorfendur: 825
Maður leiksins: Guðmundur Karl Guðmundsson
Byrjunarlið:
1. Aron Dagur Birnuson (m)
5. Eric Vales Ramos ('69)
7. Kristófer Konráðsson
8. Josip Krznaric
9. Adam Árni Róbertsson ('16)
10. Einar Karl Ingvarsson (f)
16. Dennis Nieblas
17. Hassan Jalloh ('69)
23. Matevz Turkus ('52)
26. Sigurjón Rúnarsson
77. Kwame Quee ('69)

Varamenn:
24. Ingólfur Hávarðarson (m)
2. Hrannar Ingi Magnússon ('52)
11. Símon Logi Thasaphong ('69)
13. Nuno Malheiro ('69)
20. Dagur Ingi Hammer Gunnarsson ('16)
21. Marinó Axel Helgason
30. Ion Perelló ('69)

Liðsstjórn:
Brynjar Björn Gunnarsson (Þ)
Orri Freyr Hjaltalín
Leifur Guðjónsson
Hávarður Gunnarsson
Beka Kaichanidis
Jón Aðalgeir Ólafsson

Gul spjöld:
Eric Vales Ramos ('45)

Rauð spjöld:
Leik lokið!
Það eru Fjölnismenn sem fara hér með sigur af hólmi í opnunarleik Lengjudeildarinnar 2024.

Viðtöl og skýrsla væntanleg er líða fer á kvöldið.
93. mín
Grindavík fær hornspyrnu

Spyrnan frá manninum með langa nafnið arfaslök. Siglir yfir allt og alla og í markspyrnu.
92. mín
Inn:Jónatan Guðni Arnarsson (Fjölnir) Út:Kristófer Dagur Arnarsson (Fjölnir)
92. mín MARK!
Símon Logi Thasaphong (Grindavík)
Stoðsending: Josip Krznaric
Líflína?
Stórglæsilegur skalli.

Josip með fyrirgjöf frá hægri sem að Símon Logi skallar glæsilega frá markteig í stöngina og inn,
91. mín
Uppbótartíminn er að lágmarki fjórar mínútur.
90. mín
Máni Austmann i dauðafæri!
Fær boltann einn gegn Aroni frá Degi Inga en Aron Dagur gerir sig breiðan og ver vel.
89. mín
Nuno Jorge Nobre Barbosa Malheiro með skot að marki en boltinn vel framhjá.

Litla langlokan þetta nafn.
86. mín Gult spjald: Sigurvin Reynisson (Fjölnir)
Brot á vallarhelmingi Grindavíkur. Gestunum ekki skemmt yfir þessum dóm.
85. mín
Fjölnismenn bjarga á línu!
Ion Perello með boltann fyrir markið frá vinstri á Hrannar Inga sem nær að lyfta boltanum yfir Halldór í markinu, Varnarmaður hreinsar af marklínu. Hrannar sannfærður um að boltinn hafi farið inn en dómarar ekki á sama máli.
81. mín
Hættulegur bolti inn á teiginn úr aukaspyrnunni. Halldór út úr markinu en missir af boltanum. Heimamönnunm tekst ekki að refsa og úr verður markspyrna.
80. mín Gult spjald: Júlíus Mar Júlíusson (Fjölnir)
Faðmar Dag Inga Hammer innilega á vellinum meðan boltinn er í leik.

Það má víst ekki.
78. mín
Inn:Sigurvin Reynisson (Fjölnir) Út:Daníel Ingvar Ingvarsson (Fjölnir)
75. mín MARK!
Dagur Ingi Axelsson (Fjölnir)
Herfileg mistök í öftustu línu
Kristófer Konráðsson sem gerði svo vel rétt áðan að koma Grindavík aftur inn í leikinn gerir sig sekan um herfileg mistök. Leyfir Degi Inga að vinna boltann í návígi næsta auðveldlega og er refsað grimmilega fyrir það.

Dagur með beina og greiða leið í átt að marki og á ekki í teljandi vandræðum með að setja boltann framhjá Aroni Degi í marki Grindavíkur.
73. mín
Grindavík sækir horn
Er dramatík í kortunum?

Ekki miðað við þessa hornspyrnu sem gefur ekkert.
71. mín
Kristófer Konráðs með skot en tiltölulega beint á Halldór í marki Fjölnis.
69. mín
Inn:Ion Perelló (Grindavík) Út:Kwame Quee (Grindavík)
69. mín
Inn:Nuno Malheiro (Grindavík) Út:Eric Vales Ramos (Grindavík)
69. mín
Inn:Símon Logi Thasaphong (Grindavík) Út:Hassan Jalloh (Grindavík)
67. mín
Inn:Jónatan Guðni Arnarsson (Fjölnir) Út:Kristófer Dagur Arnarsson (Fjölnir)
67. mín
Inn:Óliver Dagur Thorlacius (Fjölnir) Út:Dagur Austmann (Fjölnir)
66. mín MARK!
Kristófer Konráðsson (Grindavík)
Stoðsending: Einar Karl Ingvarsson

Einar Karl lyftir boltanum skemmtilega yfir vörn Fjölnis í hlaupaleið Kristófers sem mær nær að taka boltann með sér og á þetta hörkuskot sem syngur í netinu.
64. mín
Fæ ekki betur séð en að Grindavík sé að undirbúa allavega tvöfalda ef ekki þrefalda skiptingu.
63. mín
Og menn liggja Eric Vales í þetta sinn sýnist mér sem þarf á aðhlynningu að halda.

Verður eflaust ekki minni uppbótartími i þessum síðari hálfleik en þeim fyrri með þessu áframhaldi.
62. mín
Hætta við teig Fjölnis
Einar Karl með skot af vítateigslínu en varnarmenn henda sér fyrir og Fjölnismenn hreinsa.
61. mín
Josip Krznaric í hörkufæri í teig Fjölnis. Fær boltann frá vinstri við vítapunkt en nær ekki að halda boltanum niðri í skotinu sem siglir vel yfir markið.
Svelliði er bjartsýnn fyrir hönd sinna manna
58. mín
Axel Freyr miklu grimmari í boltann en bæði Sigurjón og Eric Vales. Kemur sér í fínt skotfæri við teig Grindavíkur en boltinn hátt hátt yfir markið.
56. mín
Gestirnir sækja hér hornspyrnu.

Smá bras á Grindvíkingum í eigin teig eftir hornið. Redda því á endanum.
55. mín
Enn liggja menn á vellinum og kveikna sér. Hassan Jalloh í þetta sinn. Rífur sig upp þó og virðist í lagi.
54. mín
Það eru 825 áhorfendur í Víkinni á þessum leik. Hugsa að það sé með því mesta á heimaleik Grindavíkur í þó nokkur ár.
52. mín
Inn:Hrannar Ingi Magnússon (Grindavík) Út:Matevz Turkus (Grindavík)
Turkus hefur í það minnsta lokið leik.
51. mín
Aftur sest Turkus á völlinn og kveinkar sér. Þetta lítur öllu verr út. Mögulega tognun í læri af viðbrögðum hans að dæma.
50. mín
Axel Freyr brýtur á Turkus í hröðu upphlaupi. Turkus kveinkar sér mjög en er reyndar fljótur á fætur.
46. mín
Slárskot
Máni Austmann með skot úr D-boganum sem að smellur í slánni og út.

Kraftur í gestunum strax í upphafi.
46. mín
Síðari hálfleikur hafinn
45. mín
Hálfleikur

Þessum fyrri hálfleik er þar með lokið og gestirnir úr Grafarvogi ganga til búningsherbergja með tveggja marka forystu.

Lítið verið um fjör og opin færi í leiknum en Fjölnismenn hafa refsað á réttum augnablikum. Heimamönnum hefur á sama tíma gengið bölvanlega að skapa sér nokkuð að viti framarlega á vellinum.
45. mín MARK!
Guðmundur Karl Guðmundsson (Fjölnir)
+6
Aukaspyrna Reynis Haralds skölluð frá beint fyrir fætur Guðmundar sem stendur við D-bogann. Hann er ekkert að hika lætur bara vaða í fyrsta og boltinn syngur í netinu óverjandi fyrir Aron í marki Grindavíkur.
45. mín Gult spjald: Eric Vales Ramos (Grindavík)
+5
Brýtur klaufalega af sér úti við hornfána og uppsker gult.
45. mín
+4
Einar Karl með skot að marki eftir snotra sókn en setur boltann yfir.

Reyndi að snúa boltann utanfótar í hornið en niðurstaðan þessi.
45. mín
+3
Alvöru darraðardans í teig Fjölnis sem þó hreinsa boltann frá marki sínu á endanum.
45. mín
+2
Kristófer Konráðs leggst á völlinn og kveinkar sér. Ívar stoppar leikinn stuðningsmönnum Fjölnis til lítillar gleði.
45. mín
+1 Uppbótartími fyrri hálfleiks er að lágmarki sex mínútur.

Verið talsvert um stopp hér í hálfleiknum svo þetta er vel réttlætanlegt.
45. mín
Aftur ógnar Reynir
Skot úr teignum eftir snarpa sókn en Aron Dagur slær boltann yfir markið og í horn.
42. mín
Þá ógna Fjölnismenn
Reynir Haraldsson í hörkufæri í teignum eftir fyrirgjöf frá hægri en nær ekki að setja boltann á markið. Á að gera miklu betur
41. mín
Heimamönnum í Grindavík ekkert gengið að skapa sér nokkuð sem afgerandi færi má kalla. Fjölnismönnum svo sem ekki heldur en þeir eru yfir svo þeir skiljanlega sáttari með gang mála.
40. mín
Að vanda er Hafliði Breiðfjörð með myndavél á lofti.
Mynd: Fótbolti.net - Hafliði Breiðfjörð

Mynd: Fótbolti.net - Hafliði Breiðfjörð

Mynd: Fótbolti.net - Hafliði Breiðfjörð

Mynd: Fótbolti.net - Hafliði Breiðfjörð

38. mín
Aftur liggur Fjölnismaður í eigin teig og þarf aðhlynningu. Sé ekki hver það er í fljótu bragði.

Dagur Austmann var það.
37. mín
Hornspyrna á hornspyrnu ofan frá Grindavík sem ekkert verður úr.
34. mín
Kristófer Konráðs með skot bein í höfuð Júlíusar Mar sem steinliggur á eftir.

Þarf aðhlynningu en virðist í lagi.

Grindavík á hornspyrnu.
30. mín
Krznaric með hörkuskot að marki sem Halldór gerir vel í að slá út í teiginn. Úr þröngu færi hægra megin í teignum en fast var það.
28. mín
Skot að marki Fjölnis.

Hammer aftur að reyna sig með áhugaverðri tilraun úr teignum. Aldrei líklegt og olli Halldóri ekki teljandi vandræðum.
25. mín
Hammer í dauðafæri. Einn og óvaldaður í teignum eftir aukaspyrnu Krznaric. Skallar boltann beint í fang Halldórs í marki Fjölnis. Flaggið á loft í þokkabót.
20. mín
Dagur Ingi Hammer með skalla að marki eftir ágæta sókn Grindavíkur en vel yfir markið fer boltinn.
18. mín
Heimamenn sækja Kwame með skot í varnarmann sem berst út á hægri væng.

Fyrirgjöfin sömuleiðis af varnarmanni og afturfyrir

Ekkert verður svo úr horninu.
16. mín
Inn:Dagur Ingi Hammer Gunnarsson (Grindavík) Út:Adam Árni Róbertsson (Grindavík)
15. mín
Dagur Ingi með fyrirgjöf frá hægri fyrir Fjölnismenn. Aron Dagur mætir út og hirðir boltann,
14. mín
Þegar Adam gengur að varamannabekkjum sé ég ekki betur en að nef hans sé vel pakkað af bómull. Spurning um nefbrot þar á bæ.
11. mín
Sjúkraþjálfari Grindavíkur gefur merki um skiptingu. Hvað gerðist hjá Adam sé ég ekki. Virkar ekki eins og hefðbundin meiðsli.

Nógu alvarlegt þó til þess að hann hefur lokið hér leik.
10. mín
Grindavík sækir
Fyrirgjöf frá Kristófer Konráðs ratar inn á teiginn en Fjölnismenn fyrstir á boltann.

Adam Árni liggur eftir í teignum og heldur um andlit sér. Spurning hvort hann hafi blóðgast í baráttu um boltann.
7. mín Mark úr víti!
Máni Austmann Hilmarsson (Fjölnir)

Feykilega örugg spyrna. Aron Dagur í rangt horn og boltinn í netið.
6. mín
Fjölnismenn fá vítaspyrnu!
Ofboðslegur klaufgangur í teig Grindavíkur. Höfðu alla möguleika á að hreinsa frá marki sínu en hika og er refsað girmmilega fyrir.
5. mín
Þá Grindavík
Kwame Quee sem ekki er alveg ókunnur vellinum hér í Víkinni með skot úr teignum en framhjá.

Boltinn af varnarmanni í horn en ekkert verður úr.
4. mín
Gestirnir ógna
Axel Freyr í svæði úti hægra megin með hættulega fyrirgjöf fyrir markið sem Aron Dagur missir af eftir úthlaup,

Grindvíkingar ná þó að hreinsa frá marki sínu.
1. mín
Kristófer Dagur vinnur horn fyrir Fjölni strax á fyrstu mínútu leiksins.

Heimamenn skalla hornspyrnu Reynis Haralds frá án teljandi vandræða.
1. mín
Leikur hafinn

Það eru Grindvíkingar sem sparka Lengjudeildinni 2024 af stað.

Adam Árni Róbertsson með upphafsspyrnuna.
Fyrir leik
Leikurinn í beinni á Youtube fyrir þá sem ekki komast
Fyrir leik
Styttist í leik
Byrjunarliðin fyrir lifandis löngu mætt í hús og má sjá hér til hliðar.

Tæplega 10 mínútur í að Lengjudeildin 2024 hefjist hér í Víkinni. Við vonumst að sjálfsögðu eftir skemmtilegum og spennandi leik.
Gæsahúðarmyndband Grindvíkinga
Fyrir leik
Liggur í loftinu Ég hef borið þá gæfu undanfarin ár í störfum mínum fyrir Fótbolta.net að vera fastagestur á Grindavíkurvelli síðustu 5 tímabil eða svo. Í heimsóknum mínum þangað hef ég kynnst mikið af góðu fólki sem hefur lagt á sig ómælda vinnu fyrir félagið í sjálfboðastörfum og gert það vel. Alveg frá fyrsta degi hefur mér verið tekið afskaplega vel af þessu góða fólki sem hafa séð til þess að manni fannst maður svo sannarlega velkominn.

Hvort heldur sem það var Beggi sem var vallarstjóri Grindvíkinga á fyrsta ári mínu þar og bauð mér í mat í félagsheimilinu eftir því sem næst hvern einasta heimaleik það sumarið. Boð sem ég gerðist þó bara einu sinni svo frægur að þiggja. Ivan sem tók við af honum og bar í mann bakkelsi og kaffi af miklum móð auk þess að segja sögur frá Serbíu og halda uppi fjörugum samræðum í blaðamannastúkunni á meðan á leik stóð. Nú eða Jón Júlíus fyrrum framkvæmdarstjóri félagsins sem var og er alltaf með allt upp á 10. Auk allra þeirra leikmanna, þjálfara og fjölmörgu sjálfboðaliða sem maður hefur kynnst og fá ekki nafn sitt nefnt hér.

Þó söknuðurinn sé mikill af Grindavíkurvelli þetta sumarið þá er það huggun harmi gegn að þetta góða fólk er ennþá þarna. Fólkið sem skapar félagið og mun án efa gera sitt til þess að gera þetta sumar eftirminnilegt fyrir Grindvíkinga og aðra aðdáendur íslensks fótbolta. Ég fyrir mitt leyti hlakka allavega mikið til. Ég hlakka til að fá að deila þessum degi í dag með þessu góða fólki og upplifa þennan samtakamátt sem hefur svo sannarlega einkennt Grindvíkinga þennan veturinn.

Við Grindavík og Grindvíkinga segi ég. Takk fyrir margar og góðar gæðastundir á Grindavíkurvelli undanfarin ár og megi þær verða enn fleiri þegar um hægist í jarðskorpunni. Ég læt lokaorð mín vera orð sem allir sem heimsótt hafa stúkuna í Grindavík á liðnum árum ættu að kannast við og vonast ég til að þau megi taka til hvatningar og tákns um þá jákvæðni sem samfélag Grindvíkinga hefur sýnt á erfiðum tímum.

Liggur í loftinu!

Mynd: Fótbolti.net - Hafliði Breiðfjörð

Gleðin var meira að segja við völd í Covid á Grindavíkurvelli
Fyrir leik
Brynjar Björn þakklátur Víkingum Brynjar Björn Gunnarsson, þjálfari Grindavíkur, ræddi við Fótbolta.net fyrir helgi. Hann var spurður út í þá staðreynd að opnunarleikur liðsins fer fram á Víkingsvelli.

„Bara frábært og vel gert af Víkingunum að lána okkur völlinn og búa til umgjörðina. Þeir sem eru í stjórn, sjálfboðaliðar og aðrir geta notið þess að vera á leiknum. Þetta snýst um það og að fá fólkið á leikinn. Samstarfið er búið að vera gott og Víkingarnir hafa hjálpað okkur mikið."

Hvernig hefur verið að vera í Safamýri?

„Mér líst fínt á að vera þar. Það væri fínt að fá að stjórna aðeins tímanum sínum á vellinum. Við erum komnir með smá aðstöðu og förum að koma okkur fyrir í klefum og því sem er til. Húsið er frábært félagsheimili fyrir okkur karlaliðið og kvennaliðið. Staðsetningin fyrir Grindvíkinga á höfuðborgarsvæðinu er frábær, miðsvæðis og auðvelt að komast þangað. Það er hægt að koma inn í húsið, hittast, fá sér kaffi og spjalla aðeins. Okkur líst vel á það svæði," sagði Brynjar

   30.04.2024 11:36
„Vel gert af Víkingum að lána okkur völlinn og búa til umgjörðina"


Mynd: Fótbolti.net - Hafliði Breiðfjörð

Fyrir leik
Grindavík er spáð sæti ofar. Eins og allir vita þá hefur gengið mikið á í Grindavík frá því síðasta tímabili lauk. Þessar ömurlegu jarðhræringar hafa sett líf Grindvíkinga á hliðina og íþróttastarf í bænum hefur flækst verulega. En Grindavík mætir samt sem áður með lið til keppni í bæði Lengjudeild karla- og kvenna í sumar. Eins og síðustu ár, þá er lagt ansi mikið í meistaraflokk karla hjá Grindavík í sumar og stefnan er sett á að gera hlutina af miklum krafti þrátt fyrir erfiðleikana í bæjarfélaginu. Samfélagið í Grindavík fær tækifæri til að koma saman á fótboltavellinum í sumar og gæti myndast einstök stemning í kringum liðin.

   30.04.2024 22:31
„Markmiðið er að komast í umspil og fara upp“


Baldvin Borgars um Grindavík

Styrkleikar: Maður finnur einhverskonar samhug í kringum allt sem tengist Grindavík. Það er verið að tjalda öllu til og búið að smala saman alvöru leikmannahóp á Stakkavíkurvöll-Safamýri.

Veikleikar: Nú virkar kannski eins og ég sé að tala í hringi en mér finnst það veikleiki að spila ekki á sínum hefðbundna heimavelli í sínum heimabæ. Þrátt fyrir að ég reikni með góðri stemningu og miklum samhug í kringum liðið þá er það samt ekki eins að spila á sínum eigin heimavelli eða við nýjar og allt öðruvísi aðstæður. Mér finnst líka alltaf áhætta að hrúga inn mikið af erlendum mönnum með ólíkan uppruna frá mismunandi menningarheimum. Það þarf oft minna mótlæti til að brjóta slíkar samsetningar af hópum og setja allt í skrúfuna.

Komnir:
Kwame Quee frá Sierra Leóne
Hassan Jalloh frá HK
Ion Perello frá Fram
Dennis Nieblas frá Kýpur
Adam Árni Róbertsson frá Þrótti V.
Nuno Malheiro frá Portúgal
Eric Vales frá Slóveníu
Hrannar Ingi Magnússon frá Víkingi (á láni)
Josip Krznaric frá Slóveníu
Matevz Turkus frá Slóveníu
Mathias Munch Larsen frá Danmörku
Kristófer Leví Sigtryggsson frá Gróttu (var á láni hjá KFG)

Farnir:
Dagur Austmann Hilmarsson í Fjölni
Edi Horvat til Slóveníu
Freyr Jónsson í Dalvík/Reyni
Guðjón Pétur Lýðsson í Hauka
Marko Vardic í ÍA
Óskar Örn Hauksson í Víking R.
Viktor Guðberg Hauksson í Reyni á láni
Ólafur Flóki Stephensen í Val (var á láni)
Tómas Orri Róbertsson í Breiðablik (var á láni)
Alexander Veigar Þórarinsson í ÍH

Mynd: Fótbolti.net - Hafliði Breiðfjörð


   28.04.2024 10:00
Spá þjálfara og fyrirliða fyrir Lengjudeildina: 5. sæti
Fyrir leik
Fjölnir Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin stig frá 1-11 eftir því en ekki var hægt að spá fyrir sínu eigin liði. Fjölnismönnum er spáð sjötta sæti deildarinnar og rétt missa þeir af umspilinu ef þeir lenda í því sæti.

6. Fjölnir

Er hægt að tala lengur um Fjölni sem jójó-lið? Þeir eru núna á leið inn í sitt fjórða tímabil í röð í Lengjudeildinni. Þeir hafa alltaf verið í efri hlutanum síðustu ár en það hefur vantað herslumuninn á því að komast aftur upp í Bestu deildina. Fjölnisliðið er að mestu byggt upp á heimamönnum og þannig á það bara að vera þegar þú ert í einu stærsta hverfi höfuðborgarsvæðisins. Fjölnir fór í úrslitakeppnina í fyrra en tapaði þar gegn Vestra í undanúrslitunum. Grafarvogsbúum er farið að þyrsta í að sjá liðið sitt aftur í Bestu deildinni en það er spurning hvort það muni ganga upp í ár, eða hvort hverfið þurfi að bíða aðeins lengur.

Baldvin Már Borgarsson, þjálfari Árbæjar, er sérfræðingur Fótbolta.net fyrir Lengjudeildina. Hann fer yfir liðin; þeirra styrkleika, veikleika og fleira. Í fyrra var hann aðstoðarþjálfari Ægis í Lengjudeildinni og þekkir hann því hana býsna vel.

Styrkleikar: Alvöru kjarni af heimastrákum sem vonandi láta hjartað slá fyrir félagið. Ég sé það styrkleika sem getur gert Fjölnismenn öfluga og er þessi stefna eina vitið að mínu mati fyrir þá.

Veikleikar: Fjölnismenn hafa misst sterka karaktera í Gumma Júl, Bjarna Gunn, Hans Viktori og fleiri reynsluboltum. Það mun mikið mæða á yngri strákum að stíga upp en ég hef hins vegar fulla trú á því að þeir muni gera það.

Komnir:
Dagur Austmann Hilmarsson frá Grindavík
Sölvi Sigmarsson frá Haukum (var á láni)

Farnir:
Hans Viktor Guðmundsson í KA
Hákon Ingi Jónsson í HK
Bjarni Gunnarsson hættur
Dofri Snorrason hættur
Guðmundur Þór Júlíusson hættur
Marko Panic í Hauka

Mynd: Jónína Guðbjörg Guðbjartsdóttir


   27.04.2024 14:00
Spá þjálfara og fyrirliða fyrir Lengjudeildina: 6. sæti

Fyrir leik
Afhverju Víkin? Ég hugsa að flestir séu vel meðvitaðir um þær aðstæður sem Grindvíkingar hafi staðið frammi fyrir undanfarna mánuði og ástæður þess að ekki verður leikinn fótbolti þar í bæ þetta sumarið.

Víkingur og Grindavík komust að samkomulagi um miðjann mars að Víkingar legðu Grindvíkingum í té æfingar og keppnisaðstöðu í Safamýri en í tilkynningu frá félögunum sem send var út við það tilefni segir.

Víkingur og Grindavík hafa gert samkomulag um að meistaraflokkar Grindavíkur leiki og æfi á Víkingssvæðinu í Safamýri í sumar.

Völlurinn var heimavöllur Fram á meðan verið var að byggja aðstöðuna í Úlfarsárdal og síðan léku Kórdrengir heimaleiki sína þar. Svæðið er nú komið í hendur Víkings.

Víkingur lánar Grindavík, endurgjaldslaust, aðstöðuna í sumar en Reykjavíkurborg leggur til nýja vallarklukku og stúkusætum í eigu ÍBR verður komið upp við völlinn.

„Lagt er upp með að fyrsti leikur beggja liða, karla og kvenna, í Lengjudeildunum verði leiknir í Víkinni við Íslandsmeistara umgjörð og mun Knattspyrnudeild Víkings manna miða- og veitingasölu til að Grindvíkingar geti notið dagsins í stúkunni. Þá mun allur ágóði af veitingasölunni renna óskiptur til Grindvíkinga, sem eiga alla miðasölu og fylla vonandi völlinn í bæði skiptin,"

„Það er félaginu og Víkingum öllum ákaflega ánægjulegt að geta aðstoðað Grindvíkinga með þessu hætti í sumar. Frá fyrsta samtali höfum við lagt áherslu á að leita lausna með Grindvíkingum en til þess þurfti einnig sterka aðkomu frá Mennta- og barnamálaráðuneytinu og Reykjavíkurborg. Við erum þakklát fyrir það hversu vel var tekið í þetta frá fyrsta fundi," segir Haraldur Haraldsson, framkvæmdastjóri Víkings.


   14.03.2024 15:21
Safamýrin verður heimavöllur Grindavíkur í sumar (Staðfest)




Mynd: Grindavík

Fyrir leik
Grind-Víkingsvöllur heilsar
Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Grindavíkur og Fjölnis sem fram fer á Heimavelli Hamingjunar Víkingsvelli í dag. Flautað verður til leiks klukkan 19:15

Mynd: Fótbolti.net - Hafliði Breiðfjörð

Byrjunarlið:
26. Halldór Snær Georgsson (m)
3. Reynir Haraldsson
4. Júlíus Mar Júlíusson
5. Dagur Austmann ('67)
7. Dagur Ingi Axelsson
9. Máni Austmann Hilmarsson
10. Axel Freyr Harðarson
14. Daníel Ingvar Ingvarsson ('78)
22. Baldvin Þór Berndsen
29. Guðmundur Karl Guðmundsson
88. Kristófer Dagur Arnarsson ('67) ('92)

Varamenn:
25. Sigurjón Daði Harðarson (m)
8. Óliver Dagur Thorlacius ('67)
11. Jónatan Guðni Arnarsson ('67) ('92)
16. Sigurvin Reynisson ('78)
17. Vilhjálmur Yngvi Hjálmarsson
27. Sölvi Sigmarsson
37. Mikael Breki Jörgensson

Liðsstjórn:
Úlfur Arnar Jökulsson (Þ)
Kári Arnórsson
Einar Jóhannes Finnbogason
Víðir Gunnarsson
Erlendur Jóhann Guðmundsson
Ragnheiður Lóa Stefánsdóttir

Gul spjöld:
Júlíus Mar Júlíusson ('80)
Sigurvin Reynisson ('86)

Rauð spjöld: