SKÝRSLAN: Tvær tvennur og vítaspyrnur er HK og Grótta skildu jöfn
Hvað réði úrslitum?
Það má segja að klaufaskapur í vörn beggja liða hafi ráðið úrslitum í dag. Gróttu konur gáfu HK víti á silfurfati sem að var þeim afar dýrkeipt og ég set spurningarmerki við af hverju Brookelynn var alein í teig Gróttu í jöfnunarmarkinu. Vörn HK leit alls ekki vel út í öllum mörkum Gróttu og var stundum eins og Grótta hefði ekkert fyrir því að skora. Gæði Brookelynn sáu svo einnig til þess að HK færu ekki tómhentar heim.
Bestu leikmenn
1. Arnfríður Auður Arnarsdóttir
Fiskaði víti og skoraði tvennu í fyrri hálfleik. Mér fannst hún eiga miðjuna í fyrri hálfleik með áræðni og krafti sínum. Það dró þó svolítið af henni í seinni hálfleik en hún var alltaf ógnandi. Einnig fannst mér Gróttuliðið í heild heilla mig í þessum leik þar sem þær spiluðu boltanum oft á tíðum skemmtilega og vel á milli sín.
2. Brookelynn Paige Entz
Það eru bara alltof mikil gæði í þessum leikmanni. Ég verð að gefa Brookelynn þetta þar sem að hún var bjargvættur HK liðsins í dag. Hún tók allt í einu við sér í síðari hálfleik og þá var voðinn vís fyrir varnarmenn Gróttu. Þá skoraði hún 2 mörk og hefði meira að segja getað átt sigurmarkið í dag þegar hún skaut hárnákvæmu skoti í slána í síðari hálfleik.
Atvikið
Vítið sem að Grótta fær á sig. Ég hugsaði þegar að þær fengu vítið á sig hvort að þessi klaufagangur yrði þeim að falli í dag sem að svo gerðist. Frekar súrt fyrir Gróttu konur sem að voru betri aðilinn í leiknum í dag.
Hvað þýða úrslitin?
Úrslitin þýða að bæði lið taka með sér 1 stig úr fyrstu umferð lengjudeild kvenna þetta árið og tilla sér í 4. og 5. sæti. Það verður spennandi að sjá hvort að þessi lið blandi sér í toppbaráttuna í sumar.
Vondur dagur
Ég ætlaði að setja Brookelynn hingað þar sem mér fannst hún varla sjást í leiknum og leikmenn Gróttu með hana í vasanum þar til hún steig upp í síðari hálfleik og setti 2 mörk sem að bjargar stigi fyrir HK. Mér fannst svolítið bras á báðum markmönnunum í þessum leik. Payton straujar Arnfríði niður og gefur víti og Margrét Rún leit alls ekki vel út þegar að Grótta fær á sig víti. Varnarlína HK leit heldur ekki vel út á köflum.
Dómarinn - 9
Magnús og teymið dæmdu leikinn vel í kvöld. Hann var mjög viss og hikaði ekki í báðum vítaspyrnudómunum og ég held að dómarnir hafi verið hárréttir hjá honum. Ég set á hann 9 þar sem það er alltaf rúm fyrir bætingar.