Þetta er búið! Fylkir tekur sinn fyrsta sigur í sumar og þeir ætla að vera með í sumar! Fallbaráttan orðin meira spennandi, það er klárt mál.

Frekari umfjöllun væntanleg síðar í kvöld.

Fylkir að landa sínum fyrsta sigri í sumar.

Præst að leika sér að HK-ingum.

Emil Ásmunds með rosalega tæklingu!

Karl Ágúst í frábæru færi á teignum en Ólafur Kristófer ver vel hjá honum. Hann hefði getað búið til mikla spennu þarna.

Gummi Tyrfings í algjöru dauðafæri eftir hornspyrnu en skallar fram hjá markinu. Var alveg einn og þarna á hann bara að skora.

Emil tekur aukaspyrnuna en hún fer beint í vegginn. Í kjölfarið á Arnór Breki skot sem fer fram hjá markinu.

Fylkir að búa til frábæra stöðu en Præst alltof lengi að gefa boltann á Ómar Björn. Fær þó aukaspyrnu.

Gummi Tyrfings með skot að marki sem Arnar Freyr grípur í annarri tilraun.

Stuðningsmenn Fylkis taka við sér. Ætla að tralla þennan sigur í höfn.

Eitt mark í viðbót fljótlega og þá gæti þessi leikur sprungið. Það er að segja ef HK skorar það mark.

Þessi leikur er strax að sveiflast með markinu. Það er stress í Fylkismönnum.

Áhugavert að Marciano Aziz er ekki kominn inn á.

Það eru 898 manns á leiknum í kvöld.

HK er að undirbúa skiptingar. Ein þreföld á leiðinni.

Það er klukkutími liðinn og það er ekkert sem bendir til þess að HK sé að fara að koma sér aftur inn í þennan leik. Eru ekki mjög líklegir en hlutirnir geta breytast snöggt í fótboltanum.

Þorsteinn Aron með skot að marki sem Ólafur Kristófer á ekki í vandræðum með að verja.

Matthias Præst með sendingu inn á teiginn en þar er Ragnar Bragi mættur til að skalla boltann. Hann nær þó engum krafti í þennan skalla.

Þórður Gunnar með fyrirgjöf sem Arnar grípur auðveldlega.

Fylkismenn baula í stúkunni. Arnar Freyr ekki alveg nægilega fljótur að skila boltanum en gerir það á endanum.

Orri Hrafn liggur eftir. Sá ekki alveg hvað gerðist.

Arnþór Ari gerir vel að koma sér í góða stöðu á teignum en skotvinkillinn kannski ekki alveg nægilega góður. Skot hans fer frekar langt fram hjá markinu.

Arnór Breki lætur bara vaða úr aukaspyrnunni en skotið ekki alveg nægilega gott.

Fylkir fær aukaspyrnu á góðum stað. Sýnist Arnór Breki ætla að senda fyrir en þetta er alveg skotfæri líka.

HK-ingar með veik köll eftir hendi og víti, en Jóhanni Inga dettur ekki í hug að dæma.

Enginn uppbótartími. Jóhann Ingi flautar beint af. Fylkismenn miklu betri og eru verðskuldað tveimur mörkum yfir. Hefði getað verið meira. HK-ingar virkilega slappir. Virðast bara vera góðir á móti liðunum sem eiga að vera ofarlega í töflunni.

Arnór Breki með hættulegan bolta fyrir og Præst mætir til að reyna að koma skoti að marki, en hittir boltann ekki nægilega vel.

Kristján Snær með sendingu inn á teiginn sem Birkir skalla frá. Gestirnir aðeins að ranka við sér.

HK-ingar með aukaspyrnu inn á teiginn sem Ólafur Kristófer grípur mjög svo þægilega.

Arnór Breki með fína hornspyrnu en Þorsteinn Aron skallar frá.

Præst tekur svona sex skæri og vinnur svo hornspyrnu. Skemmtilegur leikmaður.

HK-ingar við það að komast í mjög fínt færi en Aron Snær neglir boltanum í burtu á síðustu stundu.

Orri Hrafn er eins og Duracell kanína á miðsvæðinu. Tapar boltanum en vinnur hann aftur um leið. Til fyrirmyndar.

Arnar Freyr grípur þessa hornspyrnu þægilega.

Þórður Gunnar veður í gegn og er ekki langt frá því að setja þriðja mark Fylkismanna. Boltinn fer hins vegar af varnarmanni og aftur fyrir. Hornspyrna.

Nunn með sendingu fyrir sem Birkir Valur skallar yfir.

George Nunnn sækir hornspyrnu fyrir HK. Hann er að spila pirraður og er mikið að kvarta yfir einhverju.

Kristján Snær mættur í gott færi á nærstönginni en Ólafur Kristófer lokar vel á hann og ver. Fyrsta færi HK-inga í þessum leik.

Hafliði Breiðfjörð er að sjálfsögðu mættur með myndavélina á leikinn.

Arnór Breki með þrumuskot sem endar í stönginni! Þetta var fast!

Það er alvöru kraftur í Fylkisliðinu í byrjun leiks. Þeir eru ekkert að fíflast hérna.

Þórður Gunnar aftur að hóta en nær ekki miklum krafti í skotið.

Flottur bolti upp og Orri Hrafn á svo hættulega sendingu inn á teiginn en þar er enginn Fylkismaður mættur.

Frábær sókn hjá Fylki og aftur er Þórður Gunnar í góðu færi, en Arnar Freyr sér við honum. Það er kraftur í heimamönnum!

Fín sókn hjá Fylki og Þórður Gunnar vinnur hornspyrnu.

Það er mikil ákefð í heimamönnum og stuðningsmenn þeirra lifa sig vel inn í leikinnn. Manni líður eins og þetta sé að duga eða drepast fyrir Árbæinga.

Fylkismenn ákváðu að losa sig við þetta hörmulega þriggja hafsenta kerfa sem þeir notuðust við í byrjun leiksins gegn KA í síðustu umferð. Góð ákvörðun því þeir eru að byrja af krafti hér, annað en á Akureyri.

Ragnar Bragi vinnur boltann af Atla Arnarsyni á frábærum stað ofarlega á vellinum. Kemur honum svo á Þórð Gunnar sem er í góðu færi en skot hans fer beint á Arnar Frey í markinu.

Fylkir fær hornspyrnu og Ásgeir Eyþórs á lausan skalla að marki. HK-ingar bjarga þessu tiltölulega auðveldlega af línunni.

Þetta er farið af stað! HK byrjar með boltann og sækir í átt að Árbæjarlauginni.

Liðin að ganga út á völl. Stefið! Þetta er að bresta á.

Kristján Gylfi Guðmundsson vallarþulur í kvöld. Dýrari gerðin.

Vallarborgarinn á Fylkisvellinum er frábær. Einn sá besti. Klikkar aldrei að setja Doritos á hamborgarann. 8,2/10.

Hvolpasveitin úr HK er byrjuð að tromma. Guð blessi þá!

Þegar maður fer af Fylkisvellinum þá er maður að raula þetta lag. Það er bókað mál. Alvöru heilalím.

Tónlistin farin í gang á Würth-vellinum og fólkið fer að streyma inn á völlinn. Þetta verður virkilega áhugaverður leikur. Nær Fylkir í sinn fyrsta sigur í sumar?

Honum til aðstoðar eru Egill Guðvarður Guðlaugsson og Kristján Már Ólafs. Eftirlitsmaður er Þórður Ingi Guðjónsson og varadómari er Gunnar Freyr Róbertsson. Jóhann Ingi ekki búinn að eiga gott sumar í dómgæslunni en vonandi mun hann eiga þrusuflottan leik í kvöld.

Það var búið að rigna svolítið áðan líka. Smá gola. Alvöru íslenskt sumarveður.

Hjá HK snýr Þorsteinn Aron Antonsson aftur í byrjunarliðið og Ísak Aron Ómarsson fer á bekkinn. Ein breyting.

25. Arnar Freyr Ólafsson (m)
2. Kristján Snær Frostason
4. Leifur Andri Leifsson (f)
5. Þorsteinn Aron Antonsson
6. Birkir Valur Jónsson
7. George Nunn
8. Arnþór Ari Atlason
10. Atli Hrafn Andrason
14. Brynjar Snær Pálsson
18. Atli Arnarson
24. Magnús Arnar Pétursson

Það eru tvær breytingar á Fylkisliðinu frá tapinu gegn HK. Ragnar Bragi Sveinsson, fyrirliði Fylkis, byrjar sinn fyrsta leik í sumar en hann kominn til baka úr meiðslum. Hann kemur inn í liðið fyrir Sigurberg Áka Jörundsson og þá byrjar Arnór Breki Ásþórsson fyrir Orra Svein Segatta.

1. Ólafur Kristófer Helgason (m)
2. Ásgeir Eyþórsson
8. Ragnar Bragi Sveinsson (f)
9. Matthias Præst Nielsen
10. Benedikt Daríus Garðarsson
11. Þórður Gunnar Hafþórsson
17. Birkir Eyþórsson
18. Nikulás Val Gunnarsson
21. Aron Snær Guðbjörnsson
27. Arnór Breki Ásþórsson
72. Orri Hrafn Kjartansson

Frábært fyrir Fylki að fá hann til baka úr meiðslum. Spurning hvort að hann sé að fara að byrja í kvöld.

Fylkir
Fylkir 3 - 4 KR
Fylkir 0 - 0 Valur
ÍA 5 - 1 Fylkir
Fylkir 0 - 1 Stjarnan
Fram 2 - 1 Fylkir
Fylkir 0 - 3 Breiðablik
KA 4 - 2 Fylkir

HK
KA 1 - 1 HK
HK 0 - 4 ÍA
HK 0 - 2 FH
Vestri 1 - 0 HK
HK 3 - 1 Víkingur R.
KR 1 - 2 HK
HK 1 - 2 Valur

KR 2 - 2 Vestri
1-0 Benoný Breki Andrésson ('9 )
2-0 Benoný Breki Andrésson ('40 )
2-1 Vladimir Tufegdzic ('68 , Mark úr víti)
2-2 Pétur Bjarnason ('71 )

ÍA 0 - 1 Víkingur R.
0-1 Helgi Guðjónsson ('56 , Mark úr víti)
Rautt spjald: Marko Vardic, ÍA ('55)

Valur 2 - 2 FH
0-1 Björn Daníel Sverrisson ('28 )
1-1 Orri Sigurður Ómarsson ('45 )
2-1 Jónatan Ingi Jónsson ('63 )
2-2 Úlfur Ágúst Björnsson ('75 )

Fram 1 - 4 Breiðablik
1-0 Guðmundur Magnússon ('15 )
1-1 Viktor Karl Einarsson ('20 )
1-2 Aron Bjarnason ('73 )
1-3 Viktor Karl Einarsson ('83 )
1-4 Ísak Snær Þorvaldsson ('85 )

Stjarnan 5 - 0 KA
1-0 Örvar Eggertsson ('3 )
2-0 Emil Atlason ('11 )
3-0 Emil Atlason ('48 )
4-0 Helgi Fróði Ingason ('74 )
5-0 Róbert Frosti Þorkelsson ('78 )

Loka leikur umferðarinnar fer fram á Würth vellinum þar sem HK og Fylkir mætast????

???? Würth völlurinn
?? 19:15
?? @FylkirFC ???? @hkkopavogur
????? Miðasala á https://t.co/gOIMRhybun pic.twitter.com/5gYy6jynYp

— Besta deildin (@bestadeildin) May 27, 2024

Þessi lið mættust í bikarnum á dögunum og þá var það Fylkir sem hafði betur. HK var þó ekki að stilla upp sínu sterkasta liði í þeim leik.

Fylkir 3 - 1 HK
0-1 Eiður Gauti Sæbjörnsson ('5 )
1-1 Þórður Gunnar Hafþórsson ('11 )
2-1 Þórður Gunnar Hafþórsson ('21 )
2-1 Benedikt Daríus Garðarsson ('26 , misnotað víti)
3-1 Benedikt Daríus Garðarsson ('27 )

Hér er allt það helsta úr Árbænum í kvöld. Það var nóg um að vera, fjögur mörk og Fylkismenn eru komnir á átta liða úrslit á kostnað HK???? pic.twitter.com/eEYXPWin4n

— RÚV Íþróttir (@ruvithrottir) May 16, 2024

Fótboltamamman Helga Birkisdóttir spáir í 8. umferð Bestu deildarinnar. Helga mætti í skemmtilegri treyju þegar synir hennar mættust í Mjólkurbikarnum á dögunum; Birkir Már Sævarsson í Val og Aron Elí Sævarsson í Aftureldingu.

Fylkir 1 - 0 HK
Fylkir sem eru komnir upp að vegg ná hér iðnaðarsigri í Lautinni með marki frá Benedikt Garðarssyni. Það er allt á suðupunti í lok leiks eftir umdeilda dómgæslu en Fylkir nær að hirða öll stigin og anda því léttar við lokaflautið í fallegri kvöldsólinni.

Í upphafi mótsins leit HK verr út en Fylkir, en í undanförnum leikjum hefur staðan ekki verið sú. HK-ingar unnu bæði Víking og KR, en þeir töpuðu naumlega gegn Val í síðustu umferð. Þeir eru fyrir leikinn í kvöld með sex stigum meira en Fylkir í níunda sæti deildarinnar.

Fylkismenn eru á botninum með aðeins eitt stig. Þeir byrjuðu mótið ágætlega en þeir hafa daprir að undanförnu. Síðasti leikur á móti KA var sérstaklega lélegur.

<>„Ég hef ekki séð Fylkisliðið svona lélegt, eins og þeir voru í fyrri hálfleik. Síðan þeir komu upp hefur maður getað gengið að því vísu að það sé erfitt að spila á móti þeim. Þeir voru eitthvað vankaðir þarna í fyrri hálfleiknum, ég hef aldrei séð þá svona," sagði Sverrir Mar Smárason í Innkastinu þegar rætt var um Fylki.

„Það kemur hreinlega í ljós í næstu umferð hvort þeir ætli að vera með í þessu móti, þeir eru að fara að mæta HK," segir Elvar Geir í þættinum.

Og verið velkomin í beina textalýsingu frá leik Fylkis og HK í Bestu deildinni. Þetta verður mjög svo áhugaverður leikur!