Flautað til leiksloka um leið og Þór/KA tekur miðjuna

Þór/KA fær hornspyrnu. Fáum við dramatík? Nei er svarið. Víkingar koma boltanum frá en boltinn kemur aftur inn á teiginn. Hulda Björg á þá mjög slakt skot vel framhjá

Fimm mínútur í viðbót

Bergdís Sveinsdóttir með skalla úr góðu færi en boltinn beint á Shelby

Lidija Kulis hleypur Shainu niður í kapphlaupi um boltann. Víkingur fær aukaspyrnu á góðum stað en gestirnir ná ekki að nýta sér hana.

Sandra María með skot framhjá. Hefði getað gert betur þarna!

Shaina með hörkuskot en tiltölulega beint á Shelby sem ver vel.

Hulda Ósk í hörku færi, reynir að klobba Birtu en hún nær að sparka boltanum í burtu og Þór/KA fær horn.

Birta Guðlaugsdóttir grípur boltann eftir smá klafs.

Þór/KA fær hornspyrnu

Margrét Árnadóttir reynir hér í tvígang að koma boltanum að marki en að lokum á hún slakt skot vel framhjá. Illa farið með gott tækifæri.

Engar breytingar á liðunum

Gestirnir leiða í hálfleik!

Mínútu bætt við

Kimberley Dóra með skot sem Birta ver í slánna. Það er síðan smá klafs inn á teignum og að lokum nær Karen María skoti en boltinn fer rétt framhjá.

Shaina með skot sem virðist ekki vera mjög hættulegt en Shelby hikar aðeins en sem betur fer fyrir hana fer boltinn framhjá.

Lara Ivanusa með slakt skot beint á Birtu Guðlaugsdóttir.

Sandra María með skalla rétt framhjá

Selma Dögg full fljót á sér. Með skot inn á teignum en boltinn fer vel framhjá. Hefði getað gefið sér örlítið meiri tíma.

Sandra dæmd rangstæð eftir frábæra stungusendingu frá Lidiju Kulis. Ekki sannfærður um að þetta hafi verið réttur dómur.

Aðeins dregið af þessu undanfarnar mínútur. Þór/KA heldur boltanum ágætlega síðustu mínútur.

Fyrirgjöf frá Bergþóru Sól, Agnes Birta sparkar boltanum upp og Shelby kýlir boltann frá.

Freyja og Shelby rákust saman og Freyja lá í smá stund en er klár í slaginn.

Mikill vandræðagangur í öftustu línu hjá Þór/KA. Reyna að spila sig út úr pressunni en Freyja Stefánsdóttir kemst í boltann. Shelby nær boltanum á endanum.

Lítið að frétta undanfarnar mínútur..

Shaina Ashouri með viðstöðulaust skot hátt yfir markið úr góðu færi. Flaggið fór á loft en tekið niður eftir að ljóst var að þetta yrði ekki að neinu.

Hornspyrna frá Víkingum fer beint í áttina að marki Þór/KA en Shelby Money kýlir boltann frá.

Hulda Ósk Jónsdóttir með fínt skot fyrir utan teig en boltinn framhjá.

Heimakonur koma þessu af stað

Þetta er að bresta á!

Lið Þórs/KA er óbreytt frá 4-2 sigri liðsins gegn Þrótti í Laugardalnum. Það eru tvær breytingar á liði Víkings sem tapaði gegn Val 2-0 á heimavelli. Dagný Rún Pétursdóttir, Svanhildur Ylfa Dagbjartsdóttir setjast á bekkinn. Hafdís Bára Höskuldsdóttir og Bergþóra Sól Ásmundsdóttir, sem gekk til liðs við félagið á dögunum frá Örebro koma inn í liðið.

Landsliðskonan Kalta Tryggvadóttir spáir heimasigri. Kristín Dís Árnadóttir spáði réttum sigurvegara í öllum leikjunum í síðustu umferð. Mun Katla feta í hennar fótspor? Þór/KA 3 - 1 Víkingur R. Víkingur mætir á erfiðan útivöll og verður þetta hörkuleikur. Sandra María heldur áfram að skora og setur tvö mörk í 3-1 sigri. Katla Tryggvadóttir

Hreinn Magnússon verður með flautuna hér í kvöld. Honum til aðstoðar verða Sigurjón Þór Vignisson og Arnar Gauti Finnsson. Snorri Eldjárn Hauksson verður á hliðarlínunni. Snorri Páll Einarsson er eftirlitsmaður KSÍ. Hreinn Magnússon (t.v.)

Gengi Víkinga hefur verið ansi misjafnt undanfarið en liðið hefur m.a. unnið Breiðablik, gert jafntefli gegn Fylki og tapaði gegn Keflavík. Víkingar eru særðar eftir 2-0 tap gegn Val í síðustu umferð. Úr leik Víkings og Vals í síðustu umferð

Þór/KA hefur verið í smá brekku undanfarið en liðið hefur aðeins unnið einn af síðustu fjórum leikjum sínum. Liðið tapaði gegn Breiðabliki, Val í deild og bikar og FH. Liðið komst þó aftur á sigurbraut þegar liðið lagði Þrótt 4-2 á útivelli í síðustu umferð. Sandra María Jessen skoraði þar þrennu og Karen María Sigugeirsdóttir skoraði eitt. Sandra er því komin með 15 mörk og er langmarkahæst í deildinni.

Verið velkomin í beina textalýsingu frá leik Þórs/KA og Víkings í Bestu deild kvenna. Leikurinn er liður í 13. umferð og fer fram á VÍS vellinum á Akureyri.