SKÝRSLAN: Dramatískt jöfnunarmark í Kaplakrika
Hvað réði úrslitum?
FH var töluvert meira með boltan í þessum leik og sótti meira. Þeir fengu nóg af færum til að skora en nýttu þau ekki. Skagamenn voru hinsvegar reglulega mjög hættulegir í skyndisóknum og þeir myndu enda á að skora fyrst úr föstu leikatriði. FH fór þá upp um annan gír og lagði mikið púður í að jafna leikinn sem tókst á 94. mínútu. Betri færanýting í þessum leik og hann hefði léttilega geta farið 3-3
Bestu leikmenn
1. Hinrik Harðarson (ÍA)
Stór stund fyrir Hinrik þegar hann skoraði gegn FH. Hann var líka mjög góður í leiknum var að koma sér í góðar stöður og finna rétt svæði.
2. Johannes Vall (ÍA)
Johannes var góður bæði varnarlega og sóknarlega í leiknum. Hann átti 'hockey assist' í markinu þegar hann tók aukaspyrnuna.
Atvikið
Lokamínúturnar voru hektískar og Gyrðir skorar þegar mjög lítið er eftir. Góð sókn hjá FH og þá sérstaklega hjá Loga Hrafni sem vann boltan og kom boltanum fyrir markið.
Hvað þýða úrslitin?
Úrslitin breyta voða litlu því FH er enn í 4. sæti og ÍA í 5. sæti.
Vondur dagur
Mjög erfitt að segja í dag. Enginn eitthvað áberandi lélegur eða sem gerir einhver risa mistök. Ég ætla þá bara að nýta tækifærið og segja enginn. Í fyrsta skiptið sem ég geri það.
Dómarinn - 8
FH-ingar voru eitthvað ósáttir við hann þarna í endan, ég á enn eftir að sjá fyrir hvað. En annars var Twana og hans teymi bara mjög góðir í dag. Þetta var frekar þæginlegur leikur að dæma fram að marki Skagamanna. Þá fór aðeins að hitna og fleiri spjöld að koma á loft, en þau áttu öll rétt á sér og ég held hann hafi ekki misst af neinum stórum dómum.