Þetta fer að byrja! Nú ganga leikmenn inn á völlin. Styttist í upphafsflautið!

Byrjunarliðin! Guðni Eiríks, þjálfari FH, gerir þrjár breytingar á liði sínu frá síðustu umferð en Berglind Þrastardóttir, Halla Helgadóttir og Selma Sól koma út úr liðinu. Í þeirra stað byrja Thelma Karen , Jónína Linnet og Andrea Marý.

Jóhannes Karl gerir eina breytingu á liði sínu frá því í síðustu umferð en Hrefna Jónsdóttir kemur út fyrir Jessicu Ayers. Þetta er fyrsti leikur Jessicu sem leikmaður Stjörnunar!

Magnús Haukur spáir í spilin! Magnús Haukur Harðarson, þjálfari Fjölnis, er spámaður umferðarinnar! Hann spáir FH sigri í kvöld.

FH 2 - 0 Stjarnan
Það verður engin flugeldasýning í Mekka nema þá hjá Elísu Lönu sem skorar bæði mörk FH í 2-0 sigri en Stjörnukonur gætu ekki skorað til að bjarga lífi sínu.

Dómarateymið! Bergrós Lilja Unudóttir er dómari hér í kvöld og eru það þeir Ronnarong Wongmahadthai og Sigurður Þór Sveinsson sem verða honum til aðstoðar. Varadómari er Reynir Ingi Finnsson og Eftirlitsmaður KSÍ er Halldór Breiðfjörð Jóhannsson

Nýr leikmaður Stjörnunar! Stjarnan hefur fengið til sín Jessicu Ayers . Hún mun spila með félaginu út tímabilið.

Ayers er miðjumaður sem mun líklega fylla skarð Caitlin Cosme. Cosme gekk nýverið í raðir Nantes í Frakklandi eftir að hafa verið hjá Stjörnunni í hálft ár.

   23.07.2024 14:30

Jessica Ayers í Stjörnuna (Staðfest)

Stjarnan hafði betur fyrr í sumar Liðin tvö mættust í Garðabænum fyrr í sumar í svakalegum markaleik. Stjörnukonur byrjuðu stórkostlega og voru komnar 4-1 yfir eftir 16 mínútna leik. FH minnkaði munin í seinni hálfleik en það dugði ekki til og enduðu leikar 4-3

Stjarnan Stjarnan er fyrir leikinn í 7. sæti með 13 stig eftir 13 leiki. Leikurinn í kvöld er fjórði leikur Jóhannesar sem stjóri Stjörnunar. Hingað til hefur hann unnið einn, gert eitt jafntefli og tapað einum. Kalli hefur einbeitt sér mikið að varnarleik Stjörnunar enda hefur liðið einungis fengið á sig eitt mark síðan hann tók við sem, miðað við tímabil Stjörnunar hingað til, verður að teljast mjög gott. Stjarnan mætti Blikunum í síðustu umferð og tapaði þar 1-0.

FH FH er í 5. sæti deildarinnar fyrir leikinn í dag. FH mætti Þrótti R. í Laugardalnum í síðustu umferð. Eftir sveiflukenndan leik voru það Þróttarar sem höfðu betur og sigruðu 2-1. FH-ingar eru fyrir leikinn jafnar Víkingum af stigum. FH myndi því með sigri fara upp í fjórða sætið. FH hefur tapað síðustu tveimur leikjum sínum og vilja pottþétt rétta úr kútnum með sigri hér í kvöld. Fáum vonandi hörkuleik!

Heil og sæl! Góðan dag og verið hjartanlega velkomin í þráðbeina textalýsingu á viðureign FH og Stjörnunar í Bestu deild kvenna! Leikurinn fer fram á Kaplakrikavellinum og hefst kl. 18:00!