SKÝRSLAN: Sverrir Páll og Oliver með sýningu fyrir norðan
Hvað réði úrslitum?
Þetta var ekki glæsilegur fóboltaleikur. Eyjamenn voru betri aðilinn í dag, Þórsarar náðu ekki að skapa sér mikið af færum og var mikill sofandaháttur í vörninni.
Bestu leikmenn
1. Sverrir Páll Hjaltested
Gríðarlega öflugur í fremstu línu hjá ÍBV í dag. Skorar tvö mörk og hefði alveg geta bætt við.
2. Oliver Heiðarsson
Mjög líflegur í dag, sífelt ógnandi. Kom með frábæran kross þegar hann lagði upp fyrsta markið á Sverri og skorar svo annað markið, vel staðsettur inn á teignum.
Atvikið
Það var ekkert mikið af atvikum. Undir lok leiksins ákveður Ragnar Óli Ragnarsson leikmaður Þórs að reyna hjálpa Sigurði Arnari Magnússyni á fætur þar sem hann lá meiddur. Fyrir það fékk hann sitt annað gula spjald í leiknum, ansi ódýrt að láta reka sig af velli með þessum hætti.
Hvað þýða úrslitin?
Eyjamenn komnir í 2. sæti deildarinnar með 25 stig en liðið er sex stigum á eftir toppliði Fjölnis og með jafnmörg stig og Njarðvík. Þór er hins vegar í 7. sæti með 17 stig og hefur nú tapað tveimur leikjum í röð, báðir á heimavelli.
Vondur dagur
Það er lægð yfir þorpinu þessa dagana. Mikið andleysi í liðinu í undanförnum leikjum. Eru að fá á sig auðveld mörk og það gerist lítið í sóknarleiknum.
Dómarinn - 7
Fín frammistaða í dag. Hann virtist taka meðvitaða ákvörðun að reyna leyfa leiknum að fljóta, eitt af því var að sleppa því að dæma á bakhrindingar en hann gerði það jafnt á bæði lið.