Efið fæðing en hún hafðist hjá Valskonum.

Viðtöl og skýrsla koma inn síðar í kvöld.

Þangað til næst, takk fyrir mig!

Nægur tími til stefnu!

Cate tekur spyrnuna á ný en skallar Þóra Kristín frá.

Cate tekur núna spyrnuna sem fer í andlitið á varnarmanni Fylkis og í annað horn!

Fanndís tekur spyrnuna inn á teiginn sem Fylkiskonur hreinsa í annað horn hinum meginn.

Fanndís tekur spyrnuna inn á teiginn sem Fylkiskonur hreinsa frá.

Sókn Vals heldur áfram.

Fanndís með fyrirgjöfina sem fer yfir allan pakkann og á fjærstöngina þar sem Ragnheiður er ein og óvölduð. Hún tekur þá skotið sem fer rétt yfir.

Hún pirrar sig á því að fá ekki hornspyrnu. Vildi held ég meina að boltinn hafi átt viðkomu í varnarmanni.

Abigail með skot inni á teig Vals sem Fanney er í engum vandræðum með.

Gæti Fylkir bara stolið þessu? Þær eru að komast í sénsa og upphlaup.

Natasha vinnur boltann á miðjum vellinum og keyrir upp. Síðan lætur hún vaða af löngu færi sem fer út á bílastæði.

Það kemur alltaf eitt svona skot.

Hailey kemur með rosalega sendingu upp völlinn á Fanndís sem kemur boltanum fyrir markið. Þar er Jasmín mætt ein og óvölduð. Hún nær föstu skoti á markið sem Tinna ver meistaralega. Ekki nóg með það heldur grípur hún boltann.

Langbesta færi leiksins til þessa!

Seinni hálfleikurinn byrjar eins og sá fyrri spilaðist. Valur með boltann en skapa sér ekki neitt.

Valskonur eiga upphafssparkið í seinni hálfleiknum.

Þetta verða áhugaverðar 45 mínútur!

Bara frekar sanngjarnar hálfleikstölur.

Fylkiskonur varist mjög vel í fyrri hálfleik og Valskonur bara ekkert skapað sér af einhverju viti.

Tökum okkur korterspásu og mætum svo til baka af vörmu spori.

Fanndís tekur spyrnuna inn á teiginn sem Fylkiskonur hreinsa frá.

Sókn Vals heldur áfram.

Fanndís kemst ein í gegn eftir sendingu frá Hailey. Berglind lætur boltann fara í gegnum klofið á sér sem var mjög vel gert en Tinna ver stórkostlega.

Hættulegasta færi leiksins!

Fanndís kemur með spyrnuna inn á teiginn sem fer á Lillý og hún skallar á markið en Tinna Brá grípur boltann og er svo keyrð niður. Aukaspyrna réttilega dæmd.

Fanndís tekur spurnuna inn á teiginn sem endar með skoti frá Ísabellu aftur fyrir í markspyrnu.

Leikurinn hefur bara þróast eins og menn bjuggust við fyrir leik. Valskonur mikið meira með boltann og eru að ógna meira. Fylkiskonur hafa hins vegar varist þessu mjög vel til þessa og hafa ekki fengið neitt almennilegt færi á sig.

Fanndís tekur spyrnuna en það er dæmt brot á Natöshu inni á teignum og Fylkiskonur geta andað léttar.

Fanndís tekur spyrnuna inn á teiginn sem Lllý skallar í varnarmann og frá.

Eftir það fær Fanndís annan séns og kemur með boltann fyrir á Jasmín sem stendur ofan í markinu en snýr baki í markið. Hún nær huggulegri hælspyrnu sem Tinna Brá ver.

Jasmín Erla kemst í góða stöðu inn á teignum og hleður í skot sem fer beint á Tinnu í markinu.

Fanndís tekur spyrnuna inn á teiginn sem Tinna Brá handsamar.

Abigail tekur spyrnuna stutt á Kolfinnu sem kemur honum aftur út Abigail og þær missa boltann.

Fylkiskonur verjast seinna horninu mjög vel og sækja nú hratt!

Fanndís tekur spyrnuna inn á teiginn sem Signý Lára skallar í annað horn.

Það eru gestirnir sem byrja með boltann.

Valskonur leika í rauðum treyjum, hvítum stuttbuxum og rauðum sokkum.

Fylkiskonur leika í bláum treyjum, bláum stuttbuxum og bláum sokkum.

Undirritaður fékk það verðuga verkefni að spá í spilin fyrir þennan leik og hann spáir stórsigri fyrir Val en enn betri frammistöðu hjá hinni ólseigu Fanney Ingu.

Valur 8 - 0 Fylkir (18:00 á þriðjudag)
Eftir jafnteflið í seinasta leik held ég að Pétur Péturs sé virkilega ósáttur og hendir í einhverja veislu fyrir okkur. Fanney Inga ver þrjú víti í leiknum og leggur upp tvö. Ein stoðsendingin verður beint eftir að hafa gripið annað vítið. Fanndís leggur upp fjögur og skorar eitt. Held að Anna Rakel setji allavegana eitt og Ísabella verður einnig á skotskónum.

Liðin mættust fyrr á tímabilinu í Árbænum. Undirritaður skrifaði um þann leik en sá leikur fór 4-1 fyrir Val eftir þær komust 3-0 yfir.

Reynir Ingi Finnsson stýrir flautukonsertinu í kvöld en honum til aðstoðar verða þeir Arnþór Helgi Gíslason og Magnús Garðarsson. Nour Natan Ninir er skiltadómari í dag og Jóhann Gunnarsson er eftirlitsmaður KSÍ.

Nýlliðarnir úr Árbænum standa í ströngu í neðri hluta deildarinnar en þær eru í fallsæti í dag aðeins þremur stigum frá Tindastól sem eru í öruggu sæti. Fylkir er með jafn mörg stig og Keflavík sem eru neðstir en Fylkir er með mikið betri markatölu.

Þær eru með tvo sigra í deildinni og einn sigur í seinustu 5 leikjum. Sá sigur kom gegn Tindastól en þær eiga Þór/KA í lokaleiknum fyrir tvískiptinguna. Það verður gífurlega áhugavert og skemmtilegt að horfa á þessa 6 stiga leiki í neðri helmingnum í úrslitakeppninni.

Valskonur urðu á föstudaginn bikarmeistarar er þær unnu Breiðablik 2-1 á Laugardalsvelli í úrslitaleiknum. Valur er einnig á toppi Bestu deildarinnar með Breiðablik andandi ofan í hálsmolinu á þeim, aðeins einu stigi á eftir þeim.

Valur á eftir að spila tvo deildarleiki fyrir tvískiptinguna en í kvöld mæta þær Fylki en svo fara þær í fjörðinn fagra á sunnudaginn næsta og mæta FH. Eftir þann leik hefst úrslitakeppnin. Úrslitin á toppi Bestu deildarinnar gæti ráðist í lokaleiknum þegar Valur og Breiðablik mætast á annaðhvort Hlíðarenda eða Kópavogsvelli, það fer eftir því hvaða lið verður á toppnum þegar úrslitakeppnin hefst.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og Fylkis. Um er að ræða seinasta leik Bestu deildarinnar áður en úrslitakeppnin byrjar.