SKÝRSLAN: Óvænt úrslit í Garðabænum sem gefur Fylkir von í fallbaráttu
Hvað réði úrslitum?
Stjarnan var betra liðið í leiknum heilt yfir, en Fylkir sýndi það að þær gáfust aldrei upp. Stjarnan skapaði sér lítið miða við hvað þær spiluðu mikið með boltann og Fylkir náði að nýta sér sín fáu færi sem þær fengu.
Bestu leikmenn
1. Marija Radojicic
Kom inná sem varamaður í byrjun seinni hálfleiks og kom inn með alvöru hörku. Fylkir spiluðu sem allt annað lið í seinni hálfleik og var Marija mikið þakka vegna þess. Hún skoraði líka flott mark sem tryggði Fylkir þrjú stigin.
2. Abigail Patricia Boyan
Var mjög flott í miðjunni hjá Fylkir. Var dugleg að skapa mikið fyrir Fylkir. Var sértaklega dugleg í fyrri hálfleik sem var sá hálfleikur sem Fylkir átti erfiðast með.
Atvikið
Þegar maður hélt að Stjarnan væri að fara klára þennan leik frekarauðveldlega, þá kom Fylkir alveg verulega óvart með frábært aukaspyrnumark frá Evu Rut og mark frá Mariju sem trygði mikilvæg þrjú stig. Það var þó lítið sem gerðist að viti í þessum leik.
Hvað þýða úrslitin?
Stjarnan er enn þá í 7.sæti eða efsta sæti neðri hluta. Fylkir er í 9. sæti en koma sér enn nær Tindastól sem eru rétt fyrir ofan Fylkir í töflunni.
Vondur dagur
Þetta var mjög slæmur dagur hjá framherjum Stjörnuna. Stjarnan var mikið með boltann í dag en þær sköpuðu sér lítið af alvöru færum og þau færi sem þær áttu voru flest lélega nýtt.
Svo var varnaleikurinn við mörk Fylkis enginn. Í fyrsta marki var aldrei reynt að koma boltanum í burtu frá teignum eftir aukaspyrnu og boltinn skoppaði þá bara beint inn í mark. Í seinna markinu var varla verið að dekka Mariju sem stóð inn í teig og skoraði eftir flotta fyrirgjöf frá Tinnu.
Dómarinn - 8
Hreinn og teymið hans stóðu sig vel í dag. Það var lítið sem þurfti að dæma á, en línan var góð og flest af því sem gerðist var vel dæmt.