Mjög sterkur sigur Keflavíkur hér á ÍR og veganestið gott fyrir síðari leikinn sem fram fer í Keflavík á sunnudag.

Ég þakka fyrir mig.

Viðtöl og skýrsla væntanleg með kvöldinu.

ÍR á horn.

Axel Ingi reiðir hér hreinlega til höggs og slær til Bergvins!

Ótrúlega heimskulegt!

Gils með skot að marki Keflavíkur. Máttlítið enda hittir hann boltann afar illa sem fer hættulaust framhjá markinu.

Mikil orka farið í að elta leikinn hjá ÍR og reyna að koma sér inn í hann á ný. Eiga þeir nóg eftir í áhlaup?

Mladen í ágætu færi í teig ÍR en McAusland lokar algjörlega á skot hans.

Keflavík á innkast til móts við teig ÍR.

Þrýsta liði Keflavíkur neðar og neðar á völlinn.
Renato í færi í teignum en Keflvíkingar bjarga.

Ari Steinn með skot að marki eftir hornspyrnu en hittir ekki rammann.

Heimamenn verið mun ákveðnari í upphafi síðari hálfleiks. Færin þó ekki komið á færibandi.

Ágúst Unnar missir af boltanum og Keflvík brunar upp. Mladen finnur Kára við D-bogann sem lætur vaða en skot hans beint á Vilhelm.

Tréverkið bjargar Keflavík!

Renato vinnur boltann við endalínu og setur hann út á Hákon sem á hörkuskot sem smellur í slánni!

Keflavík vinnur horn.

Það er byrjað að rigna nokkuð duglega.

Frans Elvarsson með hörkuskalla eftir snögga sókn Keflavíkur en Vilhelm vel staðsettur og handsamar boltann.

Heimamenn rúlla þessu af stað á ný.

Engu bætt við hér í Breiðjholti. Fjögurra marka hálfleikur að baki. Getum ekki kvartað yfir því og værum alveg til í meira af því sama.

McAusland flikkar boltanum inn á teiginn eftir langt innkast. ÍRingar reyna að ráðast á boltann en Ásgeir Orri öruggur og grípur inní.

Kristján Atli mættur á nær eftir horn en sneiðir boltann yfir markið.

Sigurður Hjörtur stöðvar framkæmd aukaspyrnu þegar ÍRingar eru komnir í dauðafæri. Heimamenn langt í frá sáttir og skil ég þá vel.

Róbert Elís í fínni stöðu en Ásgeir Orri sér við honum.

Kristján Atli tekur Mladen niður á ansi áhugaverðan hátt. Grípur um höfuð hans og togar hann niður.

Sleppur með spjaldið og má vera þakklátur fyrir það held ég.

Fá hér tvö í röð

Ekkert kemur upp úr seinna horninu.

Frans setur boltann á Mladen sem á hörkuskot en rétt yfir markið.

Kári Sigfússon kominn inn á teiginn hægra megin og er tekinn niður.

ÍR stálheppnir þetta var púra víti frá mér séð.

Hættulegur bolti fyrir markið f?á hægri sem Gunnlaugur Fannar skallar í horn.

Keflvíkingar verið sterkari aðilinn eftir markið. ÍRingar lítt komist áleiðis sóknarlega.

Heimamenn vinna horn

McAusland rekur kollinn í boltann eftir hornið en finnur ekki markið.

Markspyrna.

Mladen með skotið eftir ágæta sóknarlotu Keflavíkur en boltinn fjarri markinu.

Heimamenn miklu grimmari liðið á vellinum í upphafi.

Ágætt skot frá Punyed úr spyrnunni en Ásgeir Orri ver.

ÍR vinnur aukaspyrnu á álitlegum stað eftir að Sindri Snær gerist brotlegur. Tapar boltanum klaufalega á eigin vallarhelmingi og brýtur af sér í kjölfarið.

Þetta er farið af stað hér í Breiðholti. Það eru gestirnir sem hefja hér leik.

Árni Freyr Guðnason þjálfari ÍR gerir enga breytingu frá síðasta deildarleiknum, 3-0 tapinu gegn Aftureldingu.

Haraldur Freyr Guðmundsson þjálfari Keflavíkur gerir eina breytngu frá 4-0 sigri gegn Fjölni í lokaumferðinni. Sami Kamel, sem fór af velli í hálfleik í þeim leik, byrjar á bekknum. Frans Elvarsson fyrirliði kemur úr leikbanni og er í byrjunarliðinu.

Sigurður Hjörtur Þrastarson fær það verðuga verkefni að dæma þennan leik í dag. Guðni Freyr Ingvason og Arnþór Helgi Gíslason eru honum til aðstoðar. Gunnar Oddur Hafliðason er fjórði dómari og eftirlitsmaður KSÍ er Kristinn Jakobsson.

Stuðningsmenn beggja liða eru að sjálfsögðu spenntir fyrir leiknum. Það skal þá engan undra að menn hnýti aðeins í hvorn annan á X.

Haha! Milljónalið? ???????? Við erum að tala um fótboltaliðið en ekki körfuboltaliðið minn kæri ???? Þið eruð með dýrasta aðstoðarþjálfara og hafsent Lengjunnar. Þekki þá báða og fæ reglulega boð til þeirra í humar, rautt og rare því þeir hafa það svo gott…

— Sævar Sævarsson (@SaevarS) September 14, 2024

Lesendur Fótbolta.net telja líklegast að Keflavík verði það lið sem fylgi ÍBV upp í Bestu deildina. Keflavík er eitt fjögurra liða sem keppir í umspili um að komast upp.

Í dag í Mjóddinni verður fyrri leikurinn gegn ÍR í undanúrslitum en sá seinni verður í Keflavík á sunnudag. Sigurliðið mun mæta Fjölni eða Aftureldingu í hreinum úrslitaleik á Laugardalsvelli, 50 milljóna króna leiknum.

Elvar Geir, Valur Gunnars og Guðmundur Aðalsteinn fóru vel yfir málin í Innkastinu hér á síðunni í gær. Þeir fóru aðeins yfir tímabilið í Lengjudeildinni og spáðu í spilin fyrir umspilið.

Skylduhlustun fyrir alla áhugamenn.

Bæði liðin sem mætast hér í dag státa af frábærum árangri á heimavelli þetta sumarið. ÍR sótti líkt og áður segir 22 af 35 stigum sínum í Breiðholti og tapaði aðeins einum leik þar. Keflavík gerði enn betur og sótti 26 af 38 stigum sínum í Keflavík og tapaði aðeins einu sinni á heimavelli.

Hlutirnir verða þó fyrst áhugaverðir þegar skoðað er hvaða lið eru þau einu sem unnu útisigur á ÍR og Keflavík þetta sumarið. Jú eina tap Keflavíkur á heimavelli kom strax í fyrstu umferð þar sem liðið mætti einmitt ÍR og laut í gras 1-2. Keflvíkingar náðu þó fram hefndum í 12.umferð þegar liðið fór í heimsókn og hirti öll þrjú stigin með 1-0 sigri.

Fyrir mót reiknuðu flestir með að nýliðar ÍR væru á leið aftur í 2.deild þetta haustið. ÍRingar gáfu lítið fyrir þær spár og blésu Árni Freyr Guðnason og hans menn á þær spár bæði í orði og á borði.

Breiðhyltingar byrjuðu strax að troða stigum í pokann góða og studdir áfram að dyggri stuðningsmannasveit fleyttu þeir sér alla leið í umspilið.

Stóra atriðið þetta sumarið var þó sannarlega heimavöllurinn í Breiðholtinu. En ÍR sótti 22 stig af 35 stigum sínum í deildinni heima.

Lið Keflavíkur var besta lið Lengjudeildarinnar í seinni ellefu umferðunum ef horft er til stigasöfnunar. 26 stig af 33 mögulegum komu í pokann í síðari umferðinni en næsta lið þar á eftir var Afturelding sem náðí í 22 stig í seinni umferðinni.

Óhætt er að segja að koma Mihael Mladen hafi reynst Keflvíkingum afar vel. Auðsjáanlegt var á liðinu að það skorti alvöru "níu" í liðið og má með sanni segja að Mladen hafi komið með það að borðinu sem vantaði.

Króatíski framherjinn gerði alls 6 mörk í leikjunum 10 sem hann lék með liðinu í deildinni þetta sumarið og efldi með því sóknarleik Keflavíkur svo um munaði. Nokkuð sem kom Keflvíkingum afar vel þar sem Sami Kamel hefur alls ekki fundið fjölina sína þetta sumarið þó hann hafi vissulega átt einstaka góða leiki inn á milli.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá fyrri leik ÍR og Keflavíkur í undanúrslitum umspils um sæti í Bestu deild karla að ár. Flautað verður til leiks á ÍR-vellinum á þeim kristilega tíma 16:45 svo það er kjörin ástæða til þess að hætta aðeins fyrr í vinnu í dag og skella sér á völlinn.