SKÝRSLAN: Er Tarik svona mikilvægur?
Hvað réði úrslitum?
Víkingar frábærir í fyrri hálfleik allt fram að meiðslum Tarik. Sköpuðu sér mikið og var markvörður heimamanna þeirra besti leikmaður. Í seinni hálfleik fóru Omonoia menn að stýra leiknum betur. Fyrsta markið kom eftir hornspyrnu. Ódýrt að fá á sig mark úr föstu leikatriði. Eftir annað mark Omonoia fannst mér koma uppgjöf í Víkinga og heimamenn gáfu í. 4-0 gefur þó ekki rétta mynd af leiknum.
Bestu leikmenn
1. Karl Friðleifur Gunnarsson
Vel bara Víkinga í bestu menn hér í dag. Karl var flottur í dag og þá sérstaklega fyrir meiðsli Tarik. En hann var færður yfir í vinstri bak eftir meiðslin.
2. Gísli Gottskálk Þórðarson
Gísli var mikið í boltanum og var einn mest skapandi leikmaður Víkinga. Ingvar bjargaði honum þó í eitt skipti er Gísli átti slaka sendingu til baka og sóknarmaður Omonoia komst í boltann.
Atvikið
Meiðsli Tarik Ibrahimagic, fær hnéð sýnist mér á Ekroth í hausinn og þurfti að vera borinn af velli. Leikur Víkinga dalaði til muna eftir þetta atvik.
Hvað þýða úrslitin?
Víkingar með núll stig í Sambandsdeildinni en góðu fréttirnar eru að það eru fimm leikir eftir í deildarkeppninni.
Vondur dagur
Davíð Örn kom inná fyrir Tarik en hann átti ekki sinn besta dag. Sömuleiðis fannst mér Nikolaj Hansen gera lítið fram á við, átti einn skalla á markið en gerði ekki mikið meira.
Dómarinn - 6
Hollenska teymið bara fínt í dag, ætla ekkert að eyða of mörgum orðum í frammistöðu þeirra.