Leikurinn er sýndur í beinni útsendingu á Stöð 2 Sport, enginn annar en Rikki G lýsir leiknum. Stuðst verður við útsendinguna í þessari textalýsingu.

Tvær breytingar á byrjunarliðinu Ólafur Ingi Skúlason, þjálfari liðsins gerir tvær breytingar frá leiknum gegn Litháen.

Inn í byrjunarliðið koma þeir Davíð Snær Jóhannsson og Anton Logi Lúðvíksson.

Úr byrjunarliði Íslands víkja þeir Valgeir Valgeirsson og Gísli Gottskálk Þórðarson.

Kristall frá út árið Kristall Máni einn besti leikmaður U21 landsliðsins verður ekki með í dag. Hann er frá út árið vegna meiðsla, þessu greindi hann frá í Instagram færslu sinni nú á dögunum.

Frábær sigur á Dönum Við fengum Danmörku í heimsókn á heimavöll hamingjunnar í síðasta landsleikjaglugga, var það frumraun Ólafs Inga sem U21 landsliðsþjálfari.

Leikar enduðu með frábærum 4-2 sigri, þar sem Kristall Máni fór á kostum og skoraði þrennu.

EM draumurinn úti Við mættum Litháen í síðasta leik en töpuðum þar óvænt 0-2. Þar með fór draumurinn um lokamót EM í Slóvakíu sem fer fram næsta sumar.

Ísland er í 4. sæti með 9 stig og á í besta falli möguleika á að taka 3. sæti riðilsins.

Danmörk hefur tryggt sér sæti á lokamótið. Á sama tíma mætast Tékkland og Litháen riðlinum okkar.

Vejle heilsar Heilir og sælir lesendur góðir, veriði velkomin í beina textalýsingu þar sem Íslenska U21 árs landsliðið mætir Dönum í undankeppni Evrópumótsins á Vejle-leikvanginum í Danmörku klukkan 16:00.