Jón Hrafn gerir vel úti vinstrameginn og kemur boltanum fyrir á Hauk Brink sem er litlu tánni frá því að koma boltanum inn fyrir línuna.

Baldur Logi tekur spyrnuna inn á teiginn sem Ágúst Orri skallar frá. Hann kemur svo aftur með boltann inn á teiginn sem fer á Emil Atla. Emil skallar í slána áður en flaggið fór á loft.

Haukur Brink sleppur einn í gegn á móti Antoni sem ver glæsilega aftur fyrir. Anton búinn að eiga nokkrar stórvörslur og með hreinum ólíkindum að Stjarnan hefur ekki skorað fleiri mörk!

Stjörnumenn hafa verið lengi að koma sér í gang báða hálfleikana en þeir virðast vera að hrökkva í gang núna. Næsta mark er stórt!

Baldur Logi tekur spyrnuna á nærsvæðið sem Blikar standa af sér.

Blikar standa hornið af sér enn eina ferðina.

Emil Atla fær langan bolta upp völlin. Hann gerir vel einn á einn gegn Viktori Erni en skotið fer rétt framhjá.

Óli Valur fær boltann inn á teignum og gerir vel áður en hann tekur skotið í hliðarnetið.

Frekar rólegum fyrri hálfleik lokið í úrslitaleik Þungavigtabikarsins þrátt fyrir nokkur fín færi hjá báðum liðum. Blikar byrjuðu þetta betur en Stjörnumenn hafa unnið sig hægt og rólega inn í leikinn. Stjarnan líklega með hærra XG.

Blikar standa af sér þessa hornspyrnu með herkjum.

Dagur Orri vinnur boltann ofarlega inni í markteig Blika og kemur boltanum fyrir á Emil Atlason en Anton Ari ver frá honum. Anton með tvær risavörslur frá Emil fyrsta hálftíman!

Spyrnan er tekin meðfram jörðinni á Höskuld sem tekur skotið rétt yfir markið.

Leikurinn stopp og sjúkraþjálfari Stjörnunnar kallaður inn á þar sem Samúel Kári liggur niðri eftir sprettinn til baka.

Aron Bjarna keyrir inn á teigin og köttar inn á völlinn. Þegar hann er við það að fara í skotið mætir að mér sýnist Samúel Kári til leiks og dúndrar boltanum aftur fyrir.

Óli Valur gerir vel inni á teig Stjörnumanna og kemur boltanum fyrir en þar er enginn mættur. Óli var ekki sáttur með Davíð Ingvars sem var einu til tveimur skrefum frá boltanum.

Það kemur langur bolti fram upp á Höskuld sem er við það að komast einn í gegn á Árna en þá mætir Örvar Logi og nær að stoppa hann. Blikar ekki sáttu til að byrja með en ég held að þetta hafi verið rétt metið hjá Róberti dómara að ekki dæma neitt. Blikar ívið betri fyrstu tuttugu.

Danni Finns tekur hornið sem Anton Ari kýlir frá áður en hann handsamar boltann síðan eftir skot fyrir utan teiginn. Anton og Blikaliðið ekki glaðir með Róbert dómara, vildu fá brot á Anton í aðdragandanum sýndist mér.

Gummi Kristján vinnur boltann fyrir Stjörnuna og keyrir upp völlinn. Hann kemur boltanum fyrir sem fer á Emil Atla og Dag Orra. Emil var aðeins frekari og nær skotinu sem Anton ver í horn.

Ég sá ekki hvað gerðist en þegar ég leit upp var Óli Valur kominn einn á móti Árna. Skotið var frekar beint á Árna sem varði boltann út í innkast frekar auðveldlega.

Óli Valur gekk í raðir Breiðabliks frá Stjörnunni eftir seinasta tímabil en hann er að spila í treyju númer 9 sem fremsti maður vallarins.

Aron tekur spyrnuna stutt á Davíð aftur. Davíð kemur boltanum núna fyrir en sendingin var slök og Garðbæingar í engum vandræðum með þennan bolta. Sóknin fýkur svo út í sandinn og Stjörnumenn vinna boltann.

Aron Bjarna tekur spyrnuna stutt á Davíð Ingvars sem kemur honum aftur í fyrsta á Aron. Aron keyrir inn á teiginn og tekur skotið sem fer í varnarmann. Boltinn dettur þá fyrir Andra Rafn sem er fyrir utan teiginn en skotið hans fer langt yfir.

Gummi Kri ekki sáttur og vildi fá aukaspyrnu í aðdragandanum.

Benedikt Warén tekur spyrnuna en boltinn fer yfir allan pakkann og í markspyrnu.

Mér finnst meiri kraftur í Blikum þessar upphafsmínútur. Talsvert meiri ógn frá þeim svörtklæddu úr Kópavoginum.

Aron Bjarna fær góðan bolta á sig og kemst í góða stöðu. Hann tekur skotið sem fer rétt framhjá.

Átti spjall við Róbert Þór dómara leiksins fyrir leik. Ég spáði 2-2 jafntefli sem myndi þýða að við færum beint í vítaspyrnukeppni.

Það eru Stjörnumenn sem hefja hér leik og sækja í átt að Akranesi. Góða skemmtun!

Það eru frábærar aðstæður í Miðgarði þó úti blási vindar. Ég veit um einn körfuboltaleik í Hafnarfirðinum sem hefur verið frestað vegna þakleka. Sé engan leka hérna inni enn sem komið er en hins vegar er búið að vökva gervigrasið vel.

Róbert Þór sér um að dæma þennan úrslitaleik en varadómari leiksins er lögregluvarðstjórinn Pétur Guðmundsson.

Þá eru byrjunarliðin komin í hús hjá báðum liðum inn í kerfið okkar. Bæði lið stilla upp sterkum liðum og ætla sér greinilega þann stóra. Mitt gisk er að liðin stilla þessu svona upp: Stjarnan (4-3-3 en gæti verið 4-2-3-1) Árni Snær Dagu Orri - Sindri - Gummi - Örvar Logi Samúel Kári - Alex Þór - Danni Finns Örvar Eggerts - Emil Atla - Benedikt Breiðablik (4-3-3) Anton Höskuldur - Ásgeir Helgi - Viktor Örn - Davíð Ingvars Arnór Gauti - Andri Rafn - Kristinn Steindórs Óli Valur - Gabríel Snær - Aron Bjarna

Leikurinn átti að fara fram á Kópavogsvelli en vegna veðurs var leiknum fært inn í Miðgarð í vikunni.

Stjarnan og Breiðablik mættust þrisvar sinnum í fyrra, tvisvar í hefðbundni deildarkeppni og einu sinni í úrslitakeppninni. Breiðablik hafði betur tvisvar en einum leik lauk með jafntefli. Tveir leikir fóru 2-1 fyrir Blikum en jafnteflisleikurinn fór 2-2 á Samsung vellinum í Garðarbænum. Breiðablik 2-1 Stjarnan, 21. maí 2024 Stjarnan 2-2 Breiðablik, 11. ágúst 2024 Breiðablik 2-1 Stjarnan, 19. október 2024

Það er vel við hæfi að kanna hvað þessi félög hafa gert á markaðnum til þessa og því ætlum við að fara yfir komnir/farnir listann góða. Breiðablik Komnir Óli Valur Ómarsson frá Sirius (var á láni hjá Stjörnunni) Valgeir Valgeirsson frá Örebro Ágúst Orri Þorsteinsson frá Genoa Dagur Örn Fjeldsted frá HK (var á láni) Ásgeir Helgi Orrason frá Keflavík (var á láni) Farnir Ísak Snær Þorvaldsson til Rosenborg (var á láni) Damir Muminovic til Asíu Patrik Johannesen til KÍ/Klaksvík Alexander Helgi Sigurðarson í KR Oliver Sigurjónsson í Aftureldingu Benjamin Stokke Arnór Sveinn Aðalsteinsson hættur og tekinn við sem aðstoðarþjálfari Stjarnan Komnir Samúel Kári Friðjónsson frá Grikklandi Benedikt V. Warén frá Vestra Alex Þór Hauksson frá KR Andri Rúnar Bjarnason frá Vestra Hrafn Guðmundsson frá KR Aron Dagur Birnuson frá Grindavík Henrik Máni B. Hilmarsson frá ÍBV (var á láni) Guðmundur Rafn Ingason frá Fylki Farnir Róbert Frosti Þorkelsson til GAIS Daníel Laxdal hættur Hilmar Árni Halldórsson hættur Þórarinn Ingi Valdimarsson hættur Mathias Rosenörn Óli Valur Ómarsson til Breiðabliks (var á láni frá Sirius)

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Stjörnunnar og Breiðabliks í úrslitaleik Þungavigtabikarsins. Þungavigtabikarinn er ný og skemmtileg keppni á undirbúningstímabilinu sem er að fara fram þriðja árið í röð. FH vann fyrstu tvær keppnirnar en náðu ekki að komast í úrslitaleikinn í ár. Stjarnan og Breiðablik mætast og það verður áhugavert að sjá hver nær að taka þann stóra.