SKÝRSLAN: Fylkismenn komnir í úrslit Lengjubikarsins
Hvað réði úrslitum?
KR-ingar voru sterkari aðilinn í fyrri hálfleik en liðin voru jöfn í hálfleik útaf frábærri auglýsingu Ragnars Braga. Fylkismenn komu svo gríðarlega sterkir inn í seinni hálfleikinn og sköpuðu fullt af færum. Í heild sinni sanngjörn úrslti af mínu mati.
Bestu leikmenn
1. Theodór Ingi Óskarsson (Fylkir)
Theodór var frábær í dag, skapaði fullt af góðum færum fyrir sig og liðsfélaga sína. Hann hefði líkast til átt að skora úr eitthvað af þessum færum, en það kemur bara seinna. Hann átti svo stoðsendinguna í marki Eyþórs.
2. Ólafur Kristófer Helgason (Fylkir)
Ólafur var gríðarlega mikilvægur fyrir Fylki sérstaklega í fyrri hálfleik. Hann hélt þeim inn í leiknum með nokkrum mjög góðum vörslum.
Atvikið
Sigurmark Eyþórs í uppbótartíma var alvöru augnablik. Eyþór að skora gegn sínum gömlu félögum og Fylkir sem féll á síðasta tímabili að komast í úrslit Lengjubikarsins.
Hvað þýða úrslitin?
Fylkismenn eru komnir áfram í úrslit Lengjubikarsins þar sem þeir munu mæta annaðhvort ÍR eða Val.
Vondur dagur
Enginn sem spilaði eitthvað sérstaklega illa í dag. Matthias Præst fannst þetta tap örugglega leiðinlegra en öðrum KR-ingum þar sem hann spilaði fyrir Fylki á síðasta tímabili.
Dómarinn - 8
Virkilega vel dæmdur leikur hjá Twana og hans teymi. Eina sem mér fannst skrítið var uppbótartíminn sem kom eftir mark Eyþórs. Leikurinn spilaðist áfram töluvert lengur en uppgefinn uppbótartími var. Ég tók ekki eftir neinni sérstakri ástæðu fyrir því.