Valur mætir Fylki í úrslitum Lengjubikarsins í ár. Stefán Þór óvænt hetja Vals í kvöld!

Stefán ver frábærlega frá Bergvini.

Frábær varsla.

Slakt víti, Vilhelm ver örugglega.

Valur byrjar vítaspyrnukeppnina. Skotið verður á markið nær Öskjuhlíðinni.

Helgi Mikael flautar til leiksloka, allt jafnt og við förum beint í vítaspyrnukeppni!

Jónatan Ingi með fast skot sem Vilhelm ver í marki gestanna.

ÍR-ingar líklegri að finna sigurmarkið.

Víðir með góða tilraun fyrir utan teig sem Stefán ver vel.

ÍR-ingar leita að jöfnunarmarki en Valsararnir tíu eru þéttir fyrir.

Tryggvi Hrafn, Pedersen og Skoglund spila vel á milli sín í teig gestanna. Boltinn kemur fyrir markið en ÍR koma hættunni frá á síðustu stundu.

Ágúst Unnar með hörkuskot sem hafnar rétt yfir marki Valsara.

Patrick Pedersen með skot rétt framhjá úr þröngri stöðu.

ÍR fær hornspyrnu, Stefán Þór markvörður Vals handsamar boltann örugglega.

Gestirnir hefja leik.

Helgi flautar til hálfleiks. Þvílíkar lokamínútur fyrri hálfleiks sem við fengum hérna. Helgi Mikael búinn að vera í þrefaldri yfirvinnu síðustu 15 mínúturnar eða svo. Valur mun betri framan af leik, svo er Ögmundur rekinn af velli og allt fer í háaloft!

Guðjón fer í sama horn og áðan en Stefán les hann!

Markus Nakkim slær bara í boltann eftir horn gestanna og Helgi Mikael dæmir réttilega vítaspyrnu.

Gestirnir fá hornspyrnu.

Vilhelm Þráinn, skallar boltann sjálfur og tekur svo boltann upp eftir að hafa fengið sendingu til baka. Helgi dæmir réttilega óbeina aukaspyrnu, við hliðarlínu markteigs ÍR.

Hákon Dagur liggur niðri og virðist vera sárþjáður, slæmar fréttir fyrir ÍR.

Enn og aftur fær Valur horn en ÍR-ingar koma boltanum frá.

Aðeins að lifna yfir leiknum eftir tíðindalitlar upphafsmínútur.

Birkir Heimis tekur fasta hornspyrnu með jörðinni, Hólmar Örn tekur viðstöðulaust skot sem fer af varnarmanni og rétt framhjá marki ÍR.

Skoglund með frábæra móttöku og kominn í afbragðsfæri en Vilhelm sér við honum í marki gestanna.

Birkir Heimis fer í hressilega tæklingu á Renato Punyed en sleppur án spjalds.

Orri Hrafn með skot úr teignum sem Vilhelm ver í hornspyrnu.

Valur fær fyrsta horn leiksins og úr kemur önnur hornspyrna sem ÍR skalla frá.

Valsmenn æða upp í skyndisókn, Pedersen með slaka sendingu fyrir markið og gestirnir koma hættunni frá.

Heimamenn halda betur í boltann en lítið verið um færi hingað til.

Birkir Heimisson með þrumuskot af löngu færi en boltinn fer beint á Vilhelm, markvörð gestanna sem ver örugglega.

Valsmenn byrja með boltann og sækja í átt að kapellunni.

Byrjunarliðin eru komin inn og má sjá þau í heild sinni hér til hliðar. Helstu tíðindin eru þau að Aron Jóhannson og Bjarni Mark eru báðir utan hóps hjá Valsmönnum. Aftur á móti snýr Ögmundur Kristinsson aftur til baka eftir að hafa glímt við meiðsli.

Fylkir hafði betur gegn KR í hádramatískum leik í fyrri undanúrslitaleiknum. Fyrrum KR-ingurinn Eyþór Wöhler skoraði sigurmark Fylkis í uppbótartíma, lokatölur leiksins, 2-1. Árni Guðnason, þjálfari Fylkis, stýrði ÍR á síðustu leiktíð. Árni styður fyrrum lærisveina sína í kvöld. „Ætli ég þurfi ekki að segja að ég haldi alltaf með ÍR nema á móti okkur í sumar. Það verður bara gaman að spila við Jóa og ÍR-ingana. Ég vona að þeir vinni," sagði Árni í viðtali við Fótbolti.net, eftir leik.

Jóhann Birnir Guðmundsson tók við sem aðalþjálfari ÍR í vetur eftir að Árni Freyr Guðnason var ráðinn til Fylkis. Árni og Jóhann Birnir höfðu stýrt ÍR-liðinu saman en Jóhann Birnir er nú einn aðalþjálfari með Davíð Örvar Ólafsson sér til aðstoðar. Miklar breytingar hafa verið á ÍR-liðinu frá síðasta tímabili, Jóhann telur liðið þó vera á góðum stað þrátt fyrir að hafa þurft að fylla í stór skörð. ,,Við misstum nokkra stólpa í liðinu og erum að vinna að því að koma öllum saman á réttu blaðsíðuna. Það eru nýir menn í nokkrum stöðum en kjarninn er til staðar.“ ÍR hefur unnið frækna sigra gegn KR og Víkingi í Reykjavíkurmótinu, ásamt því að leggja FH og Aftureldingu af velli í Lengjubikarnum. „Við unnum Víking og KR þegar þau voru kannski ekki alveg með sín sterkustu lið. FH leikurinn var mjög flottur. Það er alltaf skemmtilegra að ná góðum úrslitum og vinna, ég tala nú ekki um gegn liðum sem eru deild fyrir ofan okkur."

Valsarar hafa breytt til og spilað í þriggja miðvarða kerfi í vetur. Srdjan Tufegdzic, Túfa, þjálfari Vals, segir kerfið henta leikmannahópnum vel í samtali við Fótbolta.net „Við fórum í vinnu í undirbúningnum fyrir tímabilið og hugmyndin á bakvið það er byggð á okkar greiningu eftir síðasta tímabil. Við teljum að þriggja miðvarða kerfi henti okkur vel og persónulega vil ég bara koma sem flestum leikmönnum í þeirra bestu stöður til að ná því besta úr þeim." „Ég er ekki hrifinn af því að færa marga leikmenn til í liðinu, en veit að það þarf stundum að gera það ef það er mikið um meiðsli. Það er ekki tilvalið að vera með leikmenn sem eru t.d. frábærir í tíunni en eru allt í einu orðnir djúpir miðjumenn eða hafsent. Ég er ekki mikið fyrir það. Heilt yfir finnst mér við vera að taka lítil skref fram á við í öllu sem við erum að æfa," bætir Túfa við.

Valur Komnir Marius Lindemo frá Lilleström Markus Nakkim frá Bandaríkjunum Birkir Heimisson frá Þór Birkir Jakob Jónsson frá Atalanta Tómas Bent Magnússon frá ÍBV Kristján Oddur Kristjánsson frá Gróttu Farnir Gylfi Þór Sigurðsson til Víkings Birkir Már Sævarsson hættur Frederik Schram til Danmerkur Elfar Freyr Helgason Samningslausir Ólafur Karl Finsen (1992) ÍR Komnir Arnór Sölvi Harðarson frá ÍBV Ívan Óli Santos frá Gróttu Óðinn Bjarkason frá KR (á láni) Jónþór Atli Ingólfsson frá Augnabliki Baldur Páll Sævarsson frá Víkingi R. Óliver Andri Einarsson frá Keflavík Sigurður Orri Ingimarsson frá Keflavík Sigurður Karl Gunnarsson frá Árbæ Mikael Trausti Viðarsson frá Fram Breki Hólm Baldursson frá KA (á láni) Víðir Freyr Ívarsson frá Fram (var á láni hjá Hetti/Hugin) Ísak Daði Ívarsson frá Víkingi (var á láni hjá Gróttu) Farnir Róbert Elís Hlynsson í KR Bragi Karl Bjarkason í FH Óliver Elís Hlynsson í Fram Arnór Gauti Úlfarsson í Grindavík Sæþór Ívan Viðarsson í Hött/Hugin Marteinn Theodórsson í Kára Gils Gíslason í FH (var á láni) Samningslausir Emil Nói Sigurhjartarson (2004) Alexander Kostic (1992) Stefán Þór Pálsson (1995) Jordian Farahani (1990) Kristján Daði Runólfsson (2005)

Valur vann A-riðil með þrettán stig, tveimur stigum á undan ÍA. Patrick Pedersen hefur verið sjóðheitur í Lengjubikarnum, Daninn geðþekki hefur skorað sjö mörk í fimm leikjum. ÍR var á toppi C-riðils með 7 stig og betri markatölu en Þór. Breiðhyltingar hafa komið á óvart á undirbúningstímabilinu eftir töluverðar breytingar frá síðasta tímabili. Baldvin Már Borgarsson spáir ÍR í 8. sæti Lengjudeildarinnar í ótímabærri spá útvarpsþáttarins Fótbolti.net. Liðið vann þó tvö Bestu-deildar lið í Lengjubikarnum á leið sinni í undanúrslitaleikinn, bæði FH og Aftureldingu.

Heilir og sælir lesendur góðir! Verið velkomin í þráðbeina textalýsingu frá Hlíðarenda. Klukkan 19:15 hefst viðureign Vals og ÍR í undanúrslitum Lengjubikarsins.