SKÝRSLAN: Völsungssigur í vítaspyrnukeppni
Hvað réði úrslitum?
Úthaldið. Leikmenn Tindastóls voru orðnir mjög þreyttir þegar líða tók á leikinn sem átti sinn þátt í að leikurinn snerist á band Völsungs. Stólarnir hefðu mögulega haldið þetta út í venjulegum leiktíma ef að það hefði verið meira bensín á tankinum.
Bestu leikmenn
1. Nikola Stoisavljevic
Markmaður Tindastóls átti mjög góðan leik og hélt sínum mönnum inní leiknum undir lok venjulegs leiktíma og í framlengingunni.
2. Steinþór Freyr Þorsteinsson
Gjörbreytti leik Völsungs þegar hann kom inná og var allt í öllu í sóknarleik gestanna.
Atvikið
Vítaspyrna Steinþórs Freys. Markmaður Tindastóls varði vítaspyrnu Steinþórs í bráðabana vítaspyrnukeppninnar og útlitið dökkt fyrir Völsung. Hann var hins vegar kominn af línunni og því fékk Steinþór annað tækifæri sem hann nýtti.
Hvað þýða úrslitin?
Úrslitin þýða að Völsungur fara áfram í 32-liða úrslit Mjólkurbikarsins og mæta þar Þrótti Reykjavík á PCC-vellinum á Húsavík næstkomandi föstudag.
Tindastóll eru úr leik og geta farið að einbeita sér að Íslandsmótinu sem hefst hjá þeim þann 3. maí.
Tindastóll eru úr leik og geta farið að einbeita sér að Íslandsmótinu sem hefst hjá þeim þann 3. maí.
Vondur dagur
Þó að þeir hafi staðið uppi sem sigurvegarar verð ég að segja Völsungsliðið. Tindastóll eru tveimur deildum neðar en það var ekki sjáanlegt fyrstu 70 mínútur leiksins. Völlararnir verða að spila betur þegar leikar hefjast í Lengjudeildinni.
Dómarinn - 9
Var mjög góður og hafði fína stjórn á leiknum. Gat ekki betur séð en að svo til allar ákvarðanir hafi verið réttar.